Föför 20:1 - Chuukese Bible

¹ Iwe, wesin ewe fitikoko, Paulus a körifengeni ekewe chon lükü Jesus, a kapong ngeniir o eäni kapasen amwirimwir ngeniir mi apöchöküla letiper. Mürin a feil seniir o feila Masetonia.

Föför 20:1 Iomraidhean Croise

Keneses 48:10

Nge mesen Israel a toputop pokiten an chinlap, pwe esap chüen tongeni künaöchü. Iwe, Josef a uweereto ren saman, nge Jakop a romiir o mitiriir.

Föför 11:26

Iwe, lupwen an küna, a emwenato Antiokia. Lon ükükün eu ier Parnapas me Saul ra chufengen me chon ei mwichefel o asukula eu mwichen aramas mi watte. A fis me lon Antiokia, pwe aramas ra popuetä le aita ngeni ekewe chon lükü “souläng” (Chon tapwela mürin Kraist).

Föför 16:12

Seni ikenan aia sai won fanü tori Filipi, iei ewe akaeuin telinimw lon ewe kinikinin fanü lon Masetonia, pwal eu telinimw ia ekewe chon Rom ra nonom ie. Iwe, äm aia nonom ikenan ekoch rän.

Föför 16:9

Lon ewe pwinin a wor künaan Paulus. A küna eman mwän seni Masetonia, a üta o tüngormau ngeni, “Kose mochen feito Masetonia o alisikem!”

Föför 19:21

Mürin an fis ekei mettoch, Paulus a filätä fän emwenien ewe Ngünmifel pwe epwe sai lemenen Masetonia me Akaia o feila Jerusalem. A apasa, “Mürin ai feila ikenan, üpwe pwal fokun tori Rom.”

Föför 20:10

Nge Paulus a feitiu rer, a chapela won ewe alüal o romi. Iwe, a apasa, “Ousap lolilen, a chüen manau!”

Föför 20:2

A saifeil lemenen ewe fanü o apöchöküla letipen ekewe aramas ren chomong an afalafal. Mürin a tori Akaia

Föför 20:3

o a nonom ikenan lon ükükün ülüngat maram. Lupwen Paulus a amolätä an epwe sai ngeni Siria, a rongorong pwe ekewe chon Juta ra rawangauei. Iei mine a filätä an epwe liwinsefäliti lemenen ewe fanü Masetonia.

Föför 20:37

Iwe, ir meinisin ra kechü lupwen ra kapong ngeni fän ar tong.

Nöün Paulus Toropwe ngeni ekewe Souläng lon Rom 15:19

ren pöchökülen ekewe asisil me manaman pwal ren manamanen ewe Ngünün Kot. Iei usun üa sai seni Jerusalem tori Illirikum o arongafeili unusen ewe Pworausen Manau usun Kraist.

Nöün Paulus Toropwe ngeni ekewe Souläng lon Rom 16:16

Oupwe kapongfengen lefilemi ren ewe kapongen souläng. Chon ewe mwichefelin Kraist meinisin ra kapong ngenikemi.

1. Korint 16:20

Pwiich kewe meinisin mi nom ikei ra kapong ngenikemi. Oupwe kapongfengen lefilemi ren ewe kapongen souläng.

1. Korint 16:5

Iwe, üpwe feila remi mürin ai saifeil lon Masetonia, pun üa fen akota ai üpwe saifeil lon Masetonia.

2. Korint 13:12

Oupwe kapongfengen lefilemi ren ewe kapongen souläng.

2. Korint 7:5

Pun lupwen aia tori Masetonia, esap wor äm asösö, nge aia tolong lon riaföü fansoun meinisin. Ekoch aramas ra anini ngenikem, o niuokus a wor lon letipem.

1. Tesalonika 5:26

Oupwe kapong ngeni ekewe chon lükü Jesus meinisin ren ewe kapongen souläng.

1. Timoty 1:3

Üa mochen pwe kopwe nonometiu lon Efisos, usun üa fen tüngor ngonuk lupwen üa saila Masetonia. Mi wor ekoch aramas ikenan ra afalafalafeili sokun afalafal chofona usun ewe lükülükün souläng. Iwe, kopwe allük ngeniir, pwe repwe ükütiu.