Föför 2:5 - Chuukese Bible

⁵ A wor chon Juta mi niuokusiti Kot, ra nom lon Jerusalem, ra feito seni ekewe fanü meinisin won fanüfan.

Föför 2:5 Iomraidhean Croise

Ekistos 23:16

Iwe, oupwe föri eu chulapen fansoun kinikin mwen uän fotämi irä seni mine oua fotuki lon ämi mälämäl. Oupwe pwal föri eu chulapen fansoun ionalong leamüchülan ier, lupwen oua ionifengeni uän fotämi irä seni ämi mälämäl.

Aisea 66:18

Iwe, pokiten üa silei ar föför me ar ekiek, üpwe feito o achufengeni chon ekewe mwü meinisin. Repwe feito o nenengeni ai ling.

Sekaraia 8:18

Iwe, ewe Samol mi Unusen Manaman a pwal kapas ngeniei pwe üpwe üreni ekewe aramas,

Mateus 24:14

Iwe, aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.

Lukas 17:24

Pun usun fifi a fila seni läng o asarama fanüfan seni epek tori epek, iei usun Nöün Aramas lon ränin.

Lukas 2:25

Lon ena fansoun mi wor eman mwän lon Jerusalem itan Simeon. Ätei a pwüng o aleasochisi än Kot kewe Allük meinisin, a pwal witiwiti ätewe epwe echipa Israel. Iwe, Ngünmifel a nonom won.

Lukas 24:18

Mürin eman me leir itan Kleopas a pölüeni, “Ifa usun, en chök eman me lein ekewe wasöla lon Jerusalem kosap silei ekewe mettoch a fen fis lon ekewe rän?”

Johannes 12:20

Iwe, ekoch chon Krik ra nom lein chokewe mi feitä Jerusalem pwe repwe fel ngeni Kot lupwen ewe chulap.

Föför 10:2

A tupwöl lon an niuokusiti Kot, i me chon an famili meinisin. A pwal watte an alilis ngeni ekewe chon Juta mi wöüngau o a ikiotek ngeni Kot.

Föför 10:7

Iwe, lupwen ewe chon läng a feila seni, Kornelius a köri ruoman me lein nöün kewe chon angang me eman sounfiu mi niuokusiti Kot, eman me lein ekewe mi angang ngeni.

Föför 13:50

Nge ekewe chon Juta ra etipetipa ekewe finesamol seni chon lükün Israel mi fel ngeni Kot, pwal ekewe souemwenin ewe telinimw pwe repwe ü ngeniir. Ra popuetä le ariaföüü Paulus me Parnapas o asürela seni fanüer.

Föför 2:1

Iwe, lupwen a tori ewe ränin Pentikost, ekewe chon lükü Jesus meinisin ra chufengen lon eu leni.

Föför 22:12

“Lon ena telinimw a wor eman mwän itan Ananias. I eman mwän mi achocho le fel ngeni Kot o aleasochisi ach kewe allük, a pwal watte sufölün me ren ekewe chon Juta meinisin mi nom lon Tamaskus.

Föför 8:2

Ekoch mwän mi tupwöl lon ar lükülük ra peiaseni Stefanus o ra ngüngüres won lon ar kechü fän leüömong.

Föför 8:27

Iei mine Filip a feila, nge won ewe al a churi eman re Itiopia, i eman ätelipich mi reirei, eman nöüwis mi tekia nöün ewe kiwin Kantake seni Itiopia, a tümwünü pisekin mi aüchea me nöün moni meinisin. Ei mwän a feila Jerusalem pwe epwe fel ngeni Kot,

Tuteronomi 2:25

Seni ikenai üpwe popuetä le eniwa o eniwokusu ekewe aramas meinisin mi nom won fanüfan pokitom. Iwe, repwe rong usun pworausom, repwe chechech o niueituk.’”

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.