Föför 2:42 - Chuukese Bible

⁴² Ra likitü le kaiö seni mine ekewe soukünö ra aiti ngeniir, ra likitü lon ar chiechifengen o mongöfengen ewe mongön ach Samol me ikiotekfengen.

Föför 2:42 Iomraidhean Croise

Lukas 24:30

Lupwen an mottiu ngeni chepel pwe epwe mongö rer, a angei ewe pilawa o iotekin afeiöchü. Mürin a kini o ineti ngeniir.

Lukas 24:35

Mürin ekewe ruoman ra apworausa ngeniir met a fis lupwen ar fetal won ewe al, pwal usun ar esilla ewe Samol lupwen a kinifeseni ewe pilawa.

Föför 1:14

Ir meinisin ra tipeeu le chufengen o ikiotek fiti ekoch fefin me Maria inen Jesus me pwiin kewe.

Föför 11:23

Iwe, lupwen a tori Antiokia, a küna usun än Kot afeiöchü ekewe aramas, a pwapwa o pese ngeniir, pwe repwe allükülük o let ngeni ewe Samol ren unusen leluker.

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

Föför 2:46

Iteiten rän ra tipeeufengen le mwichfengen lon ewe imwenfel, ra mongöfengen lon imwer fän pwapwa me tipetekison.

Föför 20:11

Mürin a liwinsefälitä won ewe sässärin asan, a utu pilawa o ra mongöfengen me ekewe chon lükü Jesus. Iwe, Paulus a kapas ngeniir tori akkar a tötä, mürin a feil seniir.

Föför 20:7

Iwe, lekuniolun räninamol äm aia chufengen o mongöfengen ewe mongön ach Samol. Iwe, Paulus a afalafala ekewe aramas, nge a chök sopwela le afalafaleer tori lukenipwin, pun a ekiekin feil seniir sorotän ewe rän.

Föför 4:23

Lon ewe chök otun Petrus me Johannes ra ngasala, ra liwiniti ar we mwich o apworausa ngeniir meinisin mine ekewe souasor mi lap me ekewe souakom ra üreniir.

Föför 4:31

Iwe, lupwen ra wes le iotek ewe leni ia ra mwichfengen ie a mwökütüküt. Ir meinisin ra urela ren Ngünmifel o ra popuetä le asilefeili än Kot kapas fän pwora.

Föför 6:4

Nge äm aipwe tupwöl le iotek o afalafala ewe kapasen Kot.”

Nöün Paulus Toropwe ngeni ekewe Souläng lon Rom 12:12

Oupwe pwapwa lon ämi apilükülüköch, oupwe mosonotam lon ämi riaföü, oupwe iotek fansoun meinisin.

1. Korint 10:21

Ousap tongeni ün seni än ach Samol kap pwal ün seni än ekewe anün rochopwak kap. Ousap pwal tongeni mongö seni än ach Samol chepel, nge pwal mongö seni än ekewe anün rochopwak chepel.

1. Korint 11:2

Iwe, üa mwareitikemi pokiten oua chechemeniei fansoun meinisin, oua pwal aleasochisi ekewe afalafal üa ngenikemi.

1. Korint 14:6

Iei mine, ämi pwii kana, lupwen üpwe feito remi, met sokun feiöch üpwe ngenikemi are üpwe fos lon kapasen ekis? Ese fokun wor, are üsap ngenikemi och kapasen pwärätä seni Kot, ika och kapasen silelap, ika och kapasen osuni, ika och kapasen kait.

Kalatia 1:6

Ngang üa mairü remi, pwe oua müttir sü seni ewe mi körikemi ren än Kraist ümöümöch, nge oua etiwa pwal eu Pworausen Manau.

Efisos 2:20

Pwal ämi oua köütä won ewe longolong mi för ren ekewe soukünö me ekewe soufos, nge püsin Kraist Jesus i ewe föün lepwokuku.

Efisos 6:18

Oupwe föri ekei mettoch meinisin lon ämi iotek ngeni Kot pwe epwe alisikemi. Oupwe iotek won met oua föri usun Ngünmifel a emwenikemi. Iei popun ämi oupwe mamasa o tupwöl fansoun meinisin, oupwe iotek fän iten ekewe chon pin meinisin iteiten fansoun meinisin.

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Kolose 1:23

Nge ämi oupwe fokun sopwela lon ämi lükülük won eu longolong mi pöchökül o nüküchar, ousap fokun mwöküt seni ewe apilükülüköch oua angei lupwen oua rongorong ewe Pworausen Manau. Iei ewe Pworausen Manau aramas ra arongafeili ngeni aramas meinisin won fanüfan, ngang Paulus üa pwal eman chon angang ngeni.

Kolose 4:2

Oupwe likitü o mamasa lon ämi iotek, oupwe pwal iotekin kilisou ngeni Kot.

2. Timoty 3:14

Nge en Timoty, kopwe chök kamwöchünük won mine ka kaiö o nüküchar le lükü. Ka silei iö a asukulok,

Ipru 10:25

Sisap likiti ach eti ach mwichfengen usun ekoch ra föföri. Nge sipwe fokun apöchökülafengenikich lefilach, pun sia silei pwe Ränin ach Samol a arapoto.

Ipru 10:39

Nge kich sisap eti chokewe mi liwinsefäl o pöütmwälila, pwe sia eti chokewe mi lükü o küna manau.

1. Johannes 1:3

Mine aia fen küna o rongorong aia pwal asile ngenikemi, pwe ämi oupwe etikem lon äm chiechifengen me ewe Sam me Jesus Kraist Nöün we.

1. Johannes 1:7

Nge are sia nonom lon ewe saram usun i a nonom lon saram, iwe, sia chiechifengen lefilach, nge chaan Jesus Nöün we a limetikich seni ach tipis meinisin.

1. Johannes 2:19

Ekei aramas resap wesewesen chon ach mwich, ina popun ra likitikich. Pun are repwe chon ach mwich, repwe chök nonom rech. Nge ar likitikich a afatatä pwe ir resap wesewesen chon ach mwich.

Jutas 1:20

Nge ämi chiechiei kana mi achengicheng, oupwe chök sopwela le apöchöküla ämi lükülük mi unusen pin. Oupwe iotek ren manamanen Ngünmifel.