Föför 19:9 - Chuukese Bible

⁹ Nge ekoch me leir ra tipeförea. Resap fokun lükü, nge ra fen kapasingau mwen ewe mwichen aramas usun ewe Alen ach Samol. Iei mine Paulus a feila seniir o uweela ekewe chon lükü. Iwe, iteiten rän a afalafal lon utten Tiranus ia aramas ra akafalafal ie.

Föför 19:9 Iomraidhean Croise

2. King 17:14

Nge ekewe chon Israel resap aleasochis, pwe ra tipeförea, usun ar kewe lewo, ir chokewe resap lükü ewe Samol mi Lapalap ar we Kot.

2. Kronika 30:8

Iei ousap tipeförea usun ämi kewe lewo, nge oupwe aleasochis ngeni ewe Samol mi Lapalap o feito ren imwan mi pin, i a apini tori feilfeilachök. Oupwe angang ngeni ewe Samol mi Lapalap ämi we Kot, pwe esap chüen song ngenikemi.

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Nehemia 9:29

Ka fönöör pwe repwe aleasochis ngeni om kewe allük. Nge ir ra chök lamalamtekia o aleasolap ngeniir. Iwe, ra tipis ren ar puri om kewe pwüüng, are eman epwe fen apwönüretä, epwe manau ren. Iwe, ra ülöförea o tipepöchökül, nge resap mochen aleasochis.

Kölfel 95:8

ousap apöchöküla lelukemi usun a fis me lon Meripa, usun a fis lon ewe rän me lon ewe fanüapö lon Masa,

Än Salomon Fos 8:34

A feiöch ewe aramas mi aüselingaei, ätewe mi mamasa ai kewe asamalap iteiten rän o witiwit ünükün ai kewe asam.

Aisea 8:14

Iwe, üpwe wiliti eu leni mi pin fän iten chokewe ra niueitiei o lüküei. Nge üpwe wewe ngeni eföü föün chepetek me eu achauen opup fän iten ekewe mwün Israel me Juta, pwal eu sär chon Jerusalem repwe tup lon.

Jeremaia 19:15

“Iei alon ewe Samol mi Unusen Manaman ewe Koten Israel: Üpwe awarato won ei telinimw, pwal won ekewe telinimw ünükün ekewe feiengau meinisin üa fen apwüngala fän iter, pun chon ekei telinimw ra ülöförea, resap mochen aüselinga ai kewe kapas.”

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Mateus 15:14

Ousap ekieki usur! Ir chon chun mi emweni ekewe chon chun. Nge lupwen eman chon chun a emweni eman chon chun, ir me ruoman repwe turulong lon pwang.”

Mateus 16:4

A ifan me ngauen me kirikiringauen ei täppin aramasen ikenai! Oua tüngor ngeniei, pwe üpwe föri eu manaman. Nge esap wor eu manaman epwe pwä ngenikemi me lükün ewe chök manaman mi fis ngeni Sona.” Mürin Jesus a likitiir o feila seniir.

Mateus 26:55

Mürin Jesus a üreni ewe mwichen aramas, “Pwota oua feito fän ketilas me wok ämi oupwe turufiei usun itä oupwe turufi eman chon föföringau? Iteiten rän üa nom remi o afalafal lon imwenfel, nge ämi ousap turufiei.

Johannes 12:40

“Kot a achunala meser o aföüala letiper, pwe resap tongeni künakün ren meser ika wewe ren letiper, ika kul ngeniei, pwe üpwe apöchöküleretä.”

Föför 11:26

Iwe, lupwen an küna, a emwenato Antiokia. Lon ükükün eu ier Parnapas me Saul ra chufengen me chon ei mwichefel o asukula eu mwichen aramas mi watte. A fis me lon Antiokia, pwe aramas ra popuetä le aita ngeni ekewe chon lükü “souläng” (Chon tapwela mürin Kraist).

Föför 14:4

Iwe, ekewe aramas lon ekewe telinimw ra tipefesen: Ekoch ra nom won pekin ekewe chon Juta, nge ekoch ra nom won pekin ekewe soukünö.

Föför 17:4

Iwe, ekoch me lein ekewe aramas ra lükü o tipeeu ngeni Paulus me Silas, pwal chomong chon Krik mi fel ngeni Kot me chomong fefin mi iteföüla.

Föför 19:23

Lon ena fansoun a fis eu osukosuk watte lon Efisos pokiten ewe Alen ach Samol.

Föför 19:30

Iwe, Paulus a mochen püsin feila mwen ewe mwich, nge ekewe chon lükü Jesus resap mwüt ngeni.

Föför 20:31

Iei mine oupwe mamasa. Oupwe chechemeni pwe lon ükükün ülüngat ier, üsap ükütiu le fönöü eman me eman leimi lerän me lepwin fän chönün mesei.

Föför 22:4

Üa ariaföüü ekewe aramas tori ar mäla, ir chokewe mi fetal won Alen ewe Samol. Üa turufi mwän me fefin o atururelong lon imwen fötek.

Föför 24:21

chilon chök ewe eu mettoch üa kökkö lupwen üa ütä me mwer, ‘Ngang üa küna kapwüng me remi ikenai fän iten üa lükü pwe ekewe sotup repwe manausefäl.’”

Föför 28:22

Nge aia mochen rongorong mefiom, pun aia silei pwe ekis meinisin aramas ra kapasen ü ngeni ei mwich ka choni.”

Föför 7:51

Iwe, Stefanus a sopwela le kapas ngeniir, “Ämi aramas mi tipeförea! Letipemi ra usun chök chokewe resap lükü Kot, oua rongomang ngeni kapasen Kot! Ämi oua usun chök ämi kewe lewo: Pwal ämi oua ü ngeni Ngünmifel fansoun meinisin.

Föför 9:2

o tüngor ngeni an epwe makkei toropwen mwümwütä ngeni ekewe souemwen lon ekewe imwen felikis lon Tamaskus, pwe are epwe küna chokewe mi fetal won ewe Alen ach Samol, epwe tongeni fötekini mwän me fefin, o aliwiniir ngeni Jerusalem.

Nöün Paulus Toropwe ngeni ekewe Souläng lon Rom 11:7

Iwe, met? Ekewe aramasen Israel resap küna mine ra kütta. Eu chök kükün mwich Kot a filiiretä ra küna. Nge ekewe ekoch Kot a föri pwe resap tongeni rongorong ngeni an kö.

Nöün Paulus Toropwe ngeni ekewe Souläng lon Rom 9:18

Iei usun Kot a ümöümöch ngeni iö a mochen ümöümöch ngeni, nge a pwal aülöföreai eman i a mochen aülöföreai.

1. Korint 16:9

pun a wor eu asam mi suk chöchöla pwe üpwe föri ewe angang mi aüchea, nge a pwal wor chomong chon pinei ewe angang.

1. Timoty 6:5

pwal fitikoko lefilen aramas. Än ekei aramas ekiek a fokun ngau, resap silei mine a let, ra ekieki pwe ach souläng a awora ngenikich ach win.

2. Timoty 1:15

En ka fen silei pwe ekewe souläng meinisin lon Asia ra sü seniei, pwal Fikelus me Hermokenes.

2. Timoty 3:5

Repwe pomweni pomwen souläng, nge manamanan ra pöütala. Kosap chiechi ngeni ekei sokun aramas.

2. Timoty 4:2

pwe kopwe afalafala ewe Kapasen Kot. Kopwe achocho ngeni om kopwe arongafeili ewe Kapas, ese lifilifil ika lon fansoun öch ika lon fansoun ese öch. Kopwe föri ewe angangen fön, apwüng me apöchöküla manauen souläng lupwen ka föri ewe angangen asukul fän mosonotam.

Ipru 3:13

Nge oupwe fokun alilisfengen lefilemi iteiten rän lon ei ükükün fansoun mi iteni “Ikenai”, pwe esap wor eman epwe tup lon tipis o tipepöchökül lon letipan.

2. Petrus 2:12

Nge ekei mwän ra sokuni sokun man lon ar föför, ra usun chök ekewe manmwacho mi uputiu pwe aramas repwe liapeniir o niirela. Ra eäni kapas ingau usun ekewe mettoch resap weweiti. Iwe, repwe ninnila usun ekewe manmwacho,

2. Petrus 2:2

Iwe, chomong aramas repwe apirü ar föför mi fokun ngau. Nge pokiten mine ra föri, ekoch aramas repwe kapasingau usun ewe Al mi Let.

Jutas 1:10

Iwe, ekei aramas ra eäni kapas ingau usun ekewe mettoch resap weweiti. Nge ekewe mettoch ra weweiti seni chök ar mefi mi usun chök mefien ekewe manmwacho, ikkei ekei mettoch ra feiengau ren.