Föför 19:11 - Chuukese Bible

¹¹ Iwe, Kot a föri manaman mi amwarar ren Paulus.

Föför 19:11 Iomraidhean Croise

Johannes 14:12

Enlet, üpwe wesewesen ürenikemi: Iö a lüküei epwe föri ekewe föför ngang üa föriir, ewer, epwe pwal mwo nge föri föför mi lap seni ekei, pun ngang üpwe feila ren Semei.

Föför 14:3

Iei mine Paulus me Parnapas ra nonometiu ikenan fansoun langatam. Ra pwora le afalafal usun ewe Samol, i ewe mi alletä pwe ar afalafal usun an ümöümöch a let, pun a atufichiir pwe repwe föri asisil me manaman.

Föför 15:12

Iwe, unusen ewe mwich a fanafanala, lupwen ra rongorong usun än Parnapas me Paulus apworausa ekewe asisil me manaman Kot a föri rer lein ekewe chon lükün Israel.

Föför 16:18

Iei usun mine a föri lon chomong kewe rän, tori Paulus a fokun weires ren, pwe a kul ngeni ewe föpwül o üreni ewe ngün mi nom won, “Fän iten Jesus Kraist üa allük ngonuk pwe kopwe towu seni neminei!” Iwe, lon ewe chök otun ewe ngün a towu seni.

Föför 5:12

Iwe, ekewe soukünö ra föri chomong manaman me asisil me lein ekewe aramas. Ekewe chon lükü meinisin ra mwichfengen lon ewe leni itan “Pwalangen Salomon.”

Föför 8:13

Pwal Simon a lükü, nge mürin an papatais a chök nonom ren Filip. Nge lupwen a küna ekewe asisil mi lapalap me ekewe manaman Filip a föri, a fokun mairü ren.

Kalatia 3:5

Ifa usun, Kot a ngenikemi Ngünmifel o föri manaman leimi pokiten oua apwönüetä pwüngün ekewe Allük, ika pokiten oua rongorong o lükü ewe Pworausen Manau?

Ipru 2:4

Lon ena chök fansoun Kot a apacha an kapasen pwärätä ngeni ar ren an föri asisil me manaman me sokopaten föför mi amwarar, pwal ren an aineti ekewe lifangen Ngünmifel usun mochenin letipan.