Föför 18:4 - Chuukese Bible

⁴ Iwe, iteiten ränin sapat Paulus me ekewe aramas ra kakapasfengen lon ewe imwen felikis, o a achocho le elliapa ekewe chon Juta me chon Krik.

Föför 18:4 Iomraidhean Croise

Keneses 9:27

Kot epwe awattela fanüen Jafet, nge epwe imweimw lon imwen Säm. Iwe, Jafet epwe nöüni Kanaan amanau.”

2. Kronika 32:11

Hiskia a emweningauekemi o atolongakemi lon mäla ren echik me kaka, pun a ürenikemi, ‘Ewe Samol mi Lapalap ach we Kot epwe angasakich pwe sisap tolong fän nemenien ewe kingen Asiria.’

Lukas 16:31

Nge Apraham a üreni, ‘Are resap mochen rongorong ngeni ekewe puken Moses me soufos, resap pwal tongeni lükü, inamwo ika eman epwe manausefäl seni mäla.’”

Lukas 4:16

Mürin Jesus a feila Nasaret, ewe ia a mämäritä me ie. Iwe, lon ewe ränin sapat Jesus a feila lon ewe imwen felikis usun an örüni. Iwe, a ütä pwe epwe aleani ekewe Toropwe mi Pin,

Johannes 7:35

Iwe, ekewe nöüwisen chon Juta ra kapasfengen lefiler, “Ia i epwe feila ie, pwe äm aisap tongeni küna? Ifa usun, epwe feila lon ekewe telinimwen chon Krik, ia nöüch aramas ra toropasfeil ie o afalafala ekewe chon Krik?

Föför 13:14

Mürin ra sai seni Perka o tori Antiokia lon Pisitia. Nge lon ewe ränin sapat ra tolong lon ewe imwen felikis o mottiu.

Föför 14:1

Iwe, lon Ikonium a pwal fis pwe Paulus me Parnapas ra tolong lon än chon Juta imwen felikis. Ikenan ra afalafal pwe eu mwichen chon Juta me chon lükün Israel mi chomong ra lükü Jesus.

Föför 17:11

Iwe, ekewe aramasen Perea ra tipemecheres seni ekewe aramasen Tesalonika, pun ra etiwa ewe afalafal fän mochenin letiper. Iteiten rän ra kaiö lon ekewe Toropwe mi Pin o kütta are met Paulus a apasa a wesewesen pwüng.

Föför 17:17

Iei mine a kakapas ngeni ekewe chon Juta me ekewe chon Krik mi fel ngeni Kot me lon ar we imwen felikis. A pwal kapas ngeni ekewe aramas mi feito lon ewe lenien chulap iteiten rän.

Föför 18:13

Ra apasa, “Ei mwän a sotuni an epwe pese ngeni aramas, pwe repwe fel ngeni Kot lon eu lapalap mi ü ngeni äm kewe allük.”

Föför 18:19

Iwe, ra tori Efisos, ikenan Paulus a likiti Prisila me Akwila. Nge i a feila lon ewe imwen felikis o kakapasfengen me ekewe chon Juta.

Föför 19:26

Nge iei oua tongeni püsin küna o rongorong met ätenan Paulus a föri. A apasa pwe ekewe uluulun kot mi för ren pöün aramas resap wesewesen kot. Nge a fen liapenala chomong aramas ikei lon Efisos pwal lon arapakan unusen ei fanü Asia.

Föför 19:8

Iwe, Paulus a feila lon ewe imwen felikis, nge a pwora le afalafal ngeni ekewe aramas lon ükükün ülüngat maram. A kakapas ngeniir o pese ngeniir ar repwe lükü, pwe met i a apasa usun ewe Mwün Kot a let.

Föför 26:28

Mürin Akripa a üreni Paulus, “Ka ekieki pwe ka tongeni peseei lon ei fansoun mochomoch, pwe üpwe soulängila?”

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Föför 9:20

A müttir feila lon ekewe imwen felikis o a popuetä le afalafal pwe Jesus i ewe Nöün Kot.

2. Korint 5:11

Äm aia silei usun ach niuokusiti ach Samol, iei mine aia sotuni le pese ngeni aramas ar repwe etiwa ewe Pworausen Manau. Kot a wesewesen silekem, nge ngang üa apilükülüköch pwe ämi oua pwal sileei lon letipemi.