Föför 18:3 - Chuukese Bible

³ nge pokiten a sile angangen föri imw mangaku usun chök ir, a nonometiu o a angangfengen me ir, pwe epwe wor mine epwe manau seni.

Föför 18:3 Iomraidhean Croise

2. King 6:2

Kopwe mwüt ngenikem pwe aipwe feila ren ewe chanpupu Jortan o pöküpök irä, pwe aipwe aüetä eu imw o nonom lon.” Iwe, Elisa a üreniir, “Oupwe feila.”

1. Korint 4:12

Aia angang weires ren püsin pöüm. Lupwen ra ottekikem, aia afeiöchüür, lupwen ra ariaföüükem, aia engila ngeniir.

1. Korint 9:14

Iei usun ach Samol a allük, pwe chokewe mi arongafeili ewe Pworausen Manau repwe manau seni ewe angang ra föri.

1. Korint 9:15

Nge üsap aea och me lein ekei pwüüng. Üsap pwal makkei ekei kapas, pun üa apilükülükü pwe oupwe föri ekei mettoch fän itei. Epwe fen öch ai üpwe mäla akom, pwe esap wor eman epwe akasiwili ai aingaing mi pwüng ngeni kapas mi pön.

1. Korint 9:18

Iwe, met sokun liwin üpwe angei? Iei chök liwini, pwe üpwe afalafala ewe Pworausen Manau nge üsap angei och liwin seni, üsap aea ai pwüüng lon ai angang fän iten ewe Pworausen Manau.

2. Korint 11:7

Üa afalafala ngenikemi ewe Pworausen Manau seni Kot, nge ousap möni ngeniei och. Üa püsin atekisonaeitiu, pwe ämi oupwe tekiatä. Ifa usun, üa tipis ren ei?

2. Korint 11:9

Lon fansoun üa nom remi, üsap aweiresikemi lupwen üa nom lon osupwang. Pun pwiich kewe mi feito seni Masetonia ra uwato meinisin met üa osupwang ren. Usun mine üa föri lon ekewe fansoun me mwan, iei usun üpwe pwal föri lon kan fansoun mwach: Üsap fokun aweiresikemi!

2. Korint 12:13

Pun ren met a kis ämi feiöch seni ekewe ekoch mwichefel, nge eu chök pwe üsap aweiresikemi pwe oupwe ngeniei och alilis? Ouse mochen oupwe amusala ai mwäl.

1. Tesalonika 2:9

Ämi pwiim kana, oua fokun chechemeni usun äm angang weires. Äm aia angang lerän me lepwin pwe aisap aweiresikemi lupwen aia afalafala ngenikemi ewe Pworausen Manau seni Kot.

1. Tesalonika 4:11

Oupwe achocho ngeni ämi oupwe manaueni eu manau mi mosonoson, oupwe en me püsin föri an angang o anganga met oupwe manau ren usun aia fen ürenikemi me mwan.