Föför 18:2 - Chuukese Bible

² Ikenan a churi eman re Juta itan Akwila, ätei a uputiu lon Pontus, nge ekärän chök feito seni Itali me pwülüan we Prisila, pun ewe Sisar Klautius a allük pwe ekewe chon Juta meinisin repwe towu seni Rom. Iwe, Paulus a feila rer,

Föför 18:2 Iomraidhean Croise

Föför 11:28

Eman leir itan Akapus a ütä o osuni fän manamanen ewe Ngünmifel, pwe eu mailengita epwe tori unusen fanüfan. (Ei a fis lon mwün Sisar Klautius.)

Föför 18:18

Iwe, Paulus a nonom ren ekewe chon lükü Jesus lon Korint lon chomong rän. Mürin a feila seniir o a sai ngeni Siria, nge Prisila me Akwila ra eti. Me mwen än Paulus epwe sai seni Kenkrea, a reipöpöla möküran pokiten eu pwon a eäni.

Föför 18:26

Ätei a popuetä le afalafal fän pwora lon ewe imwen felikis. Nge lupwen Prisila me Akwila ra aüseling ngeni, ra uweela lon imwer o awewefichi ngeni ewe Alen ach Samol.

Föför 2:9

Sia feito seni Partia, Metia me Elam, seni Mesopotamia, Jutea me Kapatosia, seni Pontus me Asia,

Föför 27:1

Iwe, lupwen a pwüngüla pwe aipwe saila Itali, ra atolonga Paulus me ekoch chon fötek fän nemenien Julius, eman meilapen ewe mwichen sounfiun Rom itan “Än Sisar Mwichen Sounfiu”.

Föför 27:6

Ikenan ewe meilapen sounfiu a küna efoch sip seni Aleksantria epwe saila Itali, iei mine a atökeemitä won.

1. Korint 16:19

Chon ekewe mwichefel lon ewe fanü Asia ra kapong ngenikemi. Akwila me Prisila pwal chon ewe mwichefel mi mwichfengen lon imwer ra fokun kapong ngenikemi lon ach Samol.

2. Timoty 4:19

Ngang üa kapong ngeni Prisila me Akwila, pwal ngeni chon ewe familien Onesiforus.

Ipru 13:24

Äm kapong ngeni nöümi kewe souemwen meinisin, pwal ngeni nöün Kot kewe aramas meinisin. Pwiimi kewe souläng seni Itali ra pwal kapong ngenikemi.

1. Petrus 1:1

Ngang Petrus nöün Jesus Kraist we soukünö, üa kapong ngeni nöün Kot kewe aramas mi fil, ir choisä mi toropasfeil lon ekewe fanü Pontus, Kalatia, Kapatosia, Asia me Petinia.