Föför 17:4 - Chuukese Bible

⁴ Iwe, ekoch me lein ekewe aramas ra lükü o tipeeu ngeni Paulus me Silas, pwal chomong chon Krik mi fel ngeni Kot me chomong fefin mi iteföüla.

Föför 17:4 Iomraidhean Croise

Än Salomon Fos 13:20

Eman mi chiechi ngeni aramas mi tipachem epwe tipachemela, nge eman mi chiechi ngeni ekewe chon tiparoch epwe feiengau.

Än Salomon Fos 9:6

Kopwe likiti ekewe chon wewemang pwe kopwe manau, kopwe pwal fefeitä lon om sile.”

Än Salomon Köl 6:1

Ia ätewe mi wor tongan me reöm a feila ie, en mi liöch seni fefin meinisin? Ia a feila ie, pwe aipwe etuk le kütta?

Sekaraia 2:11

Iwe, lon ewe rän, chomong chon ekewe mwü repwe feito ren ewe Samol mi Lapalap o wiliti nöün aramas. Iwe, i epwe imweimw lefilemi, nge ämi oupwe silei pwe ewe Samol mi Unusen Manaman a tinieito remi.

Johannes 7:35

Iwe, ekewe nöüwisen chon Juta ra kapasfengen lefiler, “Ia i epwe feila ie, pwe äm aisap tongeni küna? Ifa usun, epwe feila lon ekewe telinimwen chon Krik, ia nöüch aramas ra toropasfeil ie o afalafala ekewe chon Krik?

Föför 13:43

Wesin än ekewe aramas mwichfengen, chomong chon Juta me chon lükün Israel mi etiwa ewe lamalamen chon Juta ra tapwela mürin Paulus me Parnapas. Ekewe soukünö ra kapas ngeniir o pese ngeniir pwe repwe sopwela le anomu ar lükülük won ewe ümöümöchün Kot.

Föför 13:50

Nge ekewe chon Juta ra etipetipa ekewe finesamol seni chon lükün Israel mi fel ngeni Kot, pwal ekewe souemwenin ewe telinimw pwe repwe ü ngeniir. Ra popuetä le ariaföüü Paulus me Parnapas o asürela seni fanüer.

Föför 14:1

Iwe, lon Ikonium a pwal fis pwe Paulus me Parnapas ra tolong lon än chon Juta imwen felikis. Ikenan ra afalafal pwe eu mwichen chon Juta me chon lükün Israel mi chomong ra lükü Jesus.

Föför 14:4

Iwe, ekewe aramas lon ekewe telinimw ra tipefesen: Ekoch ra nom won pekin ekewe chon Juta, nge ekoch ra nom won pekin ekewe soukünö.

Föför 15:22

Mürin ekewe soukünö me ekewe souakom fiti unusen chon ewe mwichefel ra apwüngala pwe repwe filätä ekoch mwän me leir, pwe repwe tiniirela Antiokia fiti Paulus me Parnapas. Iwe, ra filätä Silas me Jutas mi pwal iteni Parsapas, ir ruoman souemwen me lein ekewe chon lükü Jesus.

Föför 15:27

Iei mine aipwe tinala Jutas me Silas, repwe wisen apworausa ngenikemi met kewe chök kapas aia makkei lon ei toropwe.

Föför 15:32

Jutas me Silas, ir pwal soufos, ra achomonga ar kapasen apöchöküla o anüküchara ekewe chon lükülük.

Föför 15:40

nge Paulus a filätä Silas pwe epwe eti i. A feila, nge ekewe chon lükülük ra anomu i fän tümwünün ümöümöchün ewe Samol.

Föför 16:3

Iwe, Paulus a mochen pwe Timoty epwe eti, iei mine a sirkomsaisi. A föri ei, pokiten ekewe chon Juta meinisin mi nom lon ekewe leni ra silei pwe semen Timoty eman re Krik.

Föför 17:10

Iwe, lupwen a pwinila, ekewe chon lükü Jesus ra tinala Paulus me Silas Perea. Lupwen ra tori ikenan, ra feila lon ewe imwen felikis än chon Juta.

Föför 17:12

Iwe, chomong chon Juta me leir ra lükü Jesus. Pwal chomong fin Krik mi itetekia me chomong re Krik ra pwal lükü.

Föför 17:14

Lon ewe chök otun ekewe chon lükü Jesus ra tinala Paulus lon ewe lenien suun sip, pwe epwe sai, nge Silas me Timoty ra nonometiu lon Perea.

Föför 17:17

Iei mine a kakapas ngeni ekewe chon Juta me ekewe chon Krik mi fel ngeni Kot me lon ar we imwen felikis. A pwal kapas ngeni ekewe aramas mi feito lon ewe lenien chulap iteiten rän.

Föför 17:34

Iwe, ekoch mwän ra eti Paulus, pun ra lükü mine a eäni afalafal, eman me leir itan Tionisius, i eman chon ewe mwichen soupwüng. A pwal wor eman fefin itan Tamaris, pwal ekoch aramas mi lükü Jesus.

Föför 18:4

Iwe, iteiten ränin sapat Paulus me ekewe aramas ra kakapasfengen lon ewe imwen felikis, o a achocho le elliapa ekewe chon Juta me chon Krik.

Föför 19:10

Ei a fis lon ükükün ruu ier, pwe ekewe aramas meinisin mi nom lon ewe fanü Asia, ir ekewe chon Juta me ekewe chon lükün Israel, ra rongorong kapasen ach Samol.

Föför 2:44

Ekewe chon lükülük meinisin ra chök sopwela lon ar chiechifengen o alilisfengen lefiler won pisekir.

Föför 21:28

Ra kökkö fän leüömong, “Ämi re Israel! Oupwe alisikem! Iei i ewe mwän mi saifeil ekis meinisin o a eäni och sokun afalafal ngeni aramas meinisin mi ü ngeni ekewe aramasen Israel, än Moses kewe Allük me ei imwenfel. Nge iei a fen mwo nge uwato ekoch chon lükün Israel lon ei imwenfel o apiningaua ei leni mi pin!”

Föför 28:24

Iwe, ekoch me leir ra lükü, pwe mine a apasa a let, nge ekoch resap lükü.

Föför 4:23

Lon ewe chök otun Petrus me Johannes ra ngasala, ra liwiniti ar we mwich o apworausa ngeniir meinisin mine ekewe souasor mi lap me ekewe souakom ra üreniir.

2. Korint 8:5

Iwe, ei alilis a fen lap seni mine aia tongeni apilükülükü. Akomwan ra fangala püsin manauer ngeni ach Samol, nge mürin ra pwal fangala püsin ir ngenikem ren letipen Kot.