Föför 17:1 - Chuukese Bible

¹ Iwe, Paulus me Silas ra sai tori ekewe telinimw Amfipolis me Apolonia, ra pwal tori Tesalonika, ia a wor ie eu imwen felikis än chon Juta.

Föför 17:1 Iomraidhean Croise

Föför 14:1

Iwe, lon Ikonium a pwal fis pwe Paulus me Parnapas ra tolong lon än chon Juta imwen felikis. Ikenan ra afalafal pwe eu mwichen chon Juta me chon lükün Israel mi chomong ra lükü Jesus.

Föför 15:21

Pun än Moses kewe Allük a fen alea fän chomong lon ekewe imwen felikis iteiten ränin sapat, nge an kewe kapas ra afalafala lon ekewe telinimw meinisin.”

Föför 16:13

Lon ewe ränin Sapat aia feila ngeni eu leni ünükün eu chanpupu lükün ewe telinimw, ewe ia aia ekieki pwe chon Juta ra mwichfengen ie pwe repwe iotek. Iwe, aia mottiu o kapas ngeni ekewe fefin mi mwichfengen ikenan.

Föför 17:10

Iwe, lupwen a pwinila, ekewe chon lükü Jesus ra tinala Paulus me Silas Perea. Lupwen ra tori ikenan, ra feila lon ewe imwen felikis än chon Juta.

Föför 17:11

Iwe, ekewe aramasen Perea ra tipemecheres seni ekewe aramasen Tesalonika, pun ra etiwa ewe afalafal fän mochenin letiper. Iteiten rän ra kaiö lon ekewe Toropwe mi Pin o kütta are met Paulus a apasa a wesewesen pwüng.

Föför 17:13

Nge lupwen ekewe chon Juta mi nom lon Tesalonika ra silei pwe Paulus a pwal afalafala ewe kapasen Kot lon Perea, ra feila ikenan o etipetipa ekewe aramas pwe repwe förätä eu mwichen afitikoko.

Föför 20:4

Sopater nöün Pirrus seni Perea a eti, pwal Aristarkus me Sekuntus seni Tesalonika, Kaius seni Terpe, Tikikus me Trofimus seni ewe fanü Asia me Timoty.

Föför 27:2

Äm aia tötä won efoch sip seni Atramitium mi molotä an epwe sai ngeni ekewe lenien ilen sip lon ewe fanü Asia. Iwe, aia saila, nge Aristarkus eman re Masetonia seni Tesalonika a etikem.

Filipi 4:16

Lupwen üa nom lon Tesalonika oua tinato rei ai alilis fän ekoch pwe üsap osupwang.

1. Tesalonika 1:1

Äm Paulus, Silas me Timoty aia kapong ngeni chon ewe mwichefel lon Tesalonika, ir nöün Samach Kot me ach Samol Jesus Kraist: Ümöümöch me kinamwe epwe nonom remi.

1. Tesalonika 2:2

Ämi oua silei pwe aia fen küna riaföü me itengau lon Filipi me mwen äm feito remi lon Tesalonika. Inamwo ika a wor chomong chon ü ngenikem, nge ach Kot a ngenikem pwora pwe aipwe aiti ngenikemi ewe Pworausen Manau mi feito seni i.

2. Tesalonika 1:1

Äm Paulus me Timoty aia kapong ngeni chon ewe mwichefel lon Tesalonika, ir nöün Samach Kot me ach Samol Jesus Kraist:

2. Timoty 4:10

Pun Temas a echeni ei fanüfanen ikenai, a likitiei o feila Tesalonika. Kresens a feila Kalatia o Titus a feila Talmatia.