Föför 16:12 - Chuukese Bible

¹² Seni ikenan aia sai won fanü tori Filipi, iei ewe akaeuin telinimw lon ewe kinikinin fanü lon Masetonia, pwal eu telinimw ia ekewe chon Rom ra nonom ie. Iwe, äm aia nonom ikenan ekoch rän.

Föför 16:12 Iomraidhean Croise

Föför 16:10

Mürin künaan Paulus ei, äm aia müttir amolätä pwe aipwe feila Masetonia, pun aia mefi pwe Kot a körikem pwe aipwe afalafala ewe Pworausen Manau ngeni ekewe aramas ikenan.

Föför 16:21

Ra afalafal won ekoch örüni mi ü ngeni ach kewe allük. Kich chon Rom, sisap tongeni etiwa ika apwönüetä ekei örüni.”

Föför 16:9

Lon ewe pwinin a wor künaan Paulus. A küna eman mwän seni Masetonia, a üta o tüngormau ngeni, “Kose mochen feito Masetonia o alisikem!”

Föför 18:5

Iwe, lupwen Silas me Timoty ra feito seni Masetonia, Paulus a awora unusen an fansoun le afalafala ewe kapas, a pwärätä ngeni ekewe chon Juta pwe Jesus i ewe Kraist.

Föför 19:21

Mürin an fis ekei mettoch, Paulus a filätä fän emwenien ewe Ngünmifel pwe epwe sai lemenen Masetonia me Akaia o feila Jerusalem. A apasa, “Mürin ai feila ikenan, üpwe pwal fokun tori Rom.”

Föför 19:29

Ewe akürang a chöfetal lon unusen ewe telinimw. Ekewe aramas mi afitikoko ra turufi Kaius me Aristarkus o müttir etekiniirela lon ewe lenien urumwot. Ätekei me ruoman re Masetonia mi eti Paulus lon an sai.

Föför 20:1

Iwe, wesin ewe fitikoko, Paulus a körifengeni ekewe chon lükü Jesus, a kapong ngeniir o eäni kapasen amwirimwir ngeniir mi apöchöküla letiper. Mürin a feil seniir o feila Masetonia.

Föför 20:3

o a nonom ikenan lon ükükün ülüngat maram. Lupwen Paulus a amolätä an epwe sai ngeni Siria, a rongorong pwe ekewe chon Juta ra rawangauei. Iei mine a filätä an epwe liwinsefäliti lemenen ewe fanü Masetonia.

Föför 20:6

Iwe, äm aia sai seni Filipi mürin ewe Chulapen mongö pilawa esap wor iis lon, nge limu rän mürin aia chufengen me ir lon Troas. Iwe, aia nonom ikenan lon ükükün eu wiik.

Föför 27:2

Äm aia tötä won efoch sip seni Atramitium mi molotä an epwe sai ngeni ekewe lenien ilen sip lon ewe fanü Asia. Iwe, aia saila, nge Aristarkus eman re Masetonia seni Tesalonika a etikem.

Nöün Paulus Toropwe ngeni ekewe Souläng lon Rom 15:26

Pun ekewe mwichefel lon Masetonia me Krik ra ekiekifengeni ar repwe fangala ar asor fän iten alilisin ekewe chon wöüngau me lein ekewe chon pin lon Jerusalem.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

1. Tesalonika 2:2

Ämi oua silei pwe aia fen küna riaföü me itengau lon Filipi me mwen äm feito remi lon Tesalonika. Inamwo ika a wor chomong chon ü ngenikem, nge ach Kot a ngenikem pwora pwe aipwe aiti ngenikemi ewe Pworausen Manau mi feito seni i.