Föför 16:1 - Chuukese Bible

¹ Iwe, Paulus a sopwela an sai ngeni Terpe me Listra. Ikenan a nom eman souläng itan Timoty. Inan eman fin Juta mi souläng, nge saman eman re Krik.

Föför 16:1 Iomraidhean Croise

Esra 9:2

Pun ra angei ekoch me lein nöür föpwül o pwülüeniir, ra pwal apwüpwülüeer ngeni nöür mwän. Iei usun ekewe aramas mi pin ra afitiarfengen me aramasen ekewe fanü. Nge ei lapalap mi ngau ekewe nöüwis me ekewe samol ra akom le föri.”

Föför 14:1

Iwe, lon Ikonium a pwal fis pwe Paulus me Parnapas ra tolong lon än chon Juta imwen felikis. Ikenan ra afalafal pwe eu mwichen chon Juta me chon lükün Israel mi chomong ra lükü Jesus.

Föför 14:21

Iwe, Paulus me Parnapas ra afalafala ewe Pworausen Manau lon Terpe o asoulängala chomong aramas. Mürin ra liwinsefäliti Listra me Ikonium o sai ngeni Antiokia lon Pisitia.

Föför 14:6

Nge lupwen än ekewe soukünö silei ei pworaus, ra sü ngeni ekewe telinimw Listra me Terpe lon ewe fanü Likaonia pwal ngeni ekewe fanü ünükün.

Föför 17:14

Lon ewe chök otun ekewe chon lükü Jesus ra tinala Paulus lon ewe lenien suun sip, pwe epwe sai, nge Silas me Timoty ra nonometiu lon Perea.

Föför 18:5

Iwe, lupwen Silas me Timoty ra feito seni Masetonia, Paulus a awora unusen an fansoun le afalafala ewe kapas, a pwärätä ngeni ekewe chon Juta pwe Jesus i ewe Kraist.

Föför 19:22

Iei mine a tinala Timoty me Erastus, ruoman me lein ekewe chon alisi lon ewe angang pwe repwe feila Masetonia, nge i epwe nonom lon Asia ekoch fansoun.

Nöün Paulus Toropwe ngeni ekewe Souläng lon Rom 16:21

Timoty, chienei we chon angang, a kapong ngenikemi, pwal Lusius, Jason me Sosipater, ir chienei kewe chon Juta, ra pwal kapong ngenikemi.

1. Korint 16:10

Iwe, are Timoty epwe torikemi, oupwe tümwünüfichi ämi oupwe etiwöchü, pun i a angang fän iten ach Samol usun chök ngang.

1. Korint 4:17

Iei popun üa tinala remi Timoty, i nei we mi achengicheng o allükülük lon ach Samol. I epwe achema ngenikemi usun ei manau mi fö üa manaueni lon Kraist Jesus usun üa afalafala lon ekewe mwichefel ekis meinisin.

1. Korint 7:14

Pun ewe mwän esap souläng a küna pin ren pwülüan we mi souläng, nge ewe fefin esap souläng a küna pin ren pwülüan we mi souläng. Pun are esap iei usun, nöür kewe repwe usun nöün chon lükün, nge iei ra pin.

2. Korint 1:1

Ngang Paulus, eman nöün Kraist Jesus soukünö ren letipen Kot, pwal pwiich ei Timoty, aia kapong ngeni chon ewe mwichefel lon Korint, pwal ngeni ekewe chon pin meinisin lon unusen ewe fanü Akaia.

2. Korint 1:19

Pun Jesus Kraist ewe Nöün Kot, äm me Silas me Timoty aia afalafala leimi, i sap eman mi apasa, “Ewer” me “Apw” lon eu chök otun, nge lon i Kot a apasa “Ewer” iteiten fansoun.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 2:19

Iwe, are iei letipen ach Samol, üa apilükülüköch pwe üpwe tongeni müttir tinala Timoty remi, pwe letipei epwe pöchökületä lupwen üpwe rongorong ewe pworaus usumi.

Kolose 1:1

Ngang Paulus eman nöün Kraist Jesus soukünö ren letipen Kot, pwal pwiich ei Timoty,

1. Tesalonika 1:1

Äm Paulus, Silas me Timoty aia kapong ngeni chon ewe mwichefel lon Tesalonika, ir nöün Samach Kot me ach Samol Jesus Kraist: Ümöümöch me kinamwe epwe nonom remi.

1. Tesalonika 3:2

nge aipwe tinala Timoty, pwiim we mi etikem le angang ngeni Kot lon äm afalafala ewe Pworausen Manau usun Kraist. Äm aia tinala pwe epwe apöchöküla letipemi o alisikemi lon ämi lükülük,

1. Tesalonika 3:6

Nge iei Timoty a liwinsefälito o uwato rem pworaus mi mürina usun ämi lükülük me tong. A apworausa ngenikem pwe fansoun meinisin oua chechemenikem fän pwapwa o oua fokun mochen churikem, usun pwal äm aia fokun mochen churikemi.

2. Tesalonika 1:1

Äm Paulus me Timoty aia kapong ngeni chon ewe mwichefel lon Tesalonika, ir nöün Samach Kot me ach Samol Jesus Kraist:

1. Timoty 1:18

En nei Timoty, üpwe ngonuk ei allük, a usun chök mine ekewe soufos ra apasa usumw me lom. Kopwe aea ekei kapas pwe om pisekin fiu, pwe kopwe mauneni ewe maun mi öch,

1. Timoty 1:2

üa kapong ngonuk Timoty wesewesen nei lon lükülük: Samach Kot me ach Samol Kraist Jesus epwe ngonuk ümöümöch, tong me kinamwe.

2. Timoty 1:2

üa kapong ngonuk Timoty nei mi achengicheng: Samach Kot me Kraist Jesus ach Samol epwe ngonuk ümöümöch, chen me kinamwe.

2. Timoty 1:5

Üa chechemeni ewe lükülük mi let ka eäni, ewe sokun lükülük a pwal nom ren inen inom Lois me inom Eunike. Üa fokun lükü pwe a pwal nom reöm.

2. Timoty 3:11

ai küna ninni me ai riaföü. Ka silei meinisin mine a fis ngeniei me lon Antiokia, Ikonium me Listra, pwe a fokun afeiengau ekewe sokun ninni üa engila fan. Nge ach Samol a angasaei seniir meinisin.

Filimon 1:1

Ngang Paulus eman chon fötek fän iten Kraist Jesus, pwal pwiich ei Timoty, aia kapong ngonuk en achengicheng Filimon, en chienach we chon angangen Kraist.

Ipru 13:23

Üa mochen ämi oupwe silei pwe pwiich we Timoty a fen musowu seni imwen fötek. Are epwe müttir feito, i epwe etiei lupwen üpwe feila churikemi.