Föför 15:8 - Chuukese Bible

⁸ Iwe, Kot a silei ekiekin aramas meinisin, a pwärala an etiweer ren an fang ngeniir ewe Ngünmifel usun chök an fang ngenikich.

Föför 15:8 Iomraidhean Croise

1. King 8:39

mürin kopwe aüselingeer me läng ewe ia ka nom ie. Kopwe amusala ar tipis o liwini ngeni eman me eman ükükün an föför, pun en ka silei leluker, ewer, en echök ka silei leluken aramas meinisin.

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

1. Kronika 29:17

Ai Kot, üa silei pwe en ka sotuni leluken aramas, ka pwal efich wenechar. Fän wenecharen lelukei üa fangafangöch ekei mettoch meinisin. Nge iei üa küna noum aramas mi nom ikei, pwe ra pwal fangafangöch ngonuk fän pwapwa.

Kölfel 44:21

ifa usun, Kot esap küna ei föför? Ewer, pun Kot a silei mine a monomon me lon lelukem.

Jeremaia 11:20

Mürin üa iotek, “Ai Samol mi Unusen Manaman, en ewe mi eäni kapwüng fän pwüng o sotuni leluk me ekiekin aramas. Kopwe mwüt ngeniei ai üpwe küna om kopwe ngeni ekei aramas chappen ar föför, pun üa likiti ngonuk pwe kopwe peniei.”

Jeremaia 17:10

Ngang ewe Samol mi Lapalap üa atittina ekiekin aramas o sotuni leluker, pwe üpwe ngeni iteiten eman me eman aükükün lapalapen manauan me uän an föför.”

Jeremaia 20:12

Ai Samol mi Unusen Manaman, ka sotuni ekewe chon pwüng o küna leluker me ekiekir. Kopwe mwüt ngeniei ai üpwe küna om kopwe ngeni chon oputaei chappen ar föför, pun üa likiti ngonuk pwe kopwe peniei.

Johannes 21:17

Jesus a aisini fän aülüngatin, “Simon, nöün Sona, ka echeniei?” Petrus a letipeta, pun Jesus a aisini fän aülüngatin, “Ka echeniei?” Iei mine a üreni, “Ai Samol, en ka silei mettoch meinisin, ka silei pwe ngang üa echenuk.” Jesus a üreni, “Kopwe amongöü nei kewe sip.

Johannes 5:37

Iwe, ewe Sam mi tiniei a pwal pwärätä usi. Ämi ousap fokun rongorong mwelian ika küna won mesan,

Föför 1:24

Mürin ra iotek, “Äm Samol, en ka silei mine a nom lon leluken aramas meinisin. Kopwe pwäri ngenikem iö lein ekei ruoman en ka filätä

Föför 10:47

“Ekei aramas ra angei ewe Ngünmifel usun chök äm aia angei. Ifa usun, eman a tongeni epetiir ar repwe papatais ren koluk?”

Föför 14:3

Iei mine Paulus me Parnapas ra nonometiu ikenan fansoun langatam. Ra pwora le afalafal usun ewe Samol, i ewe mi alletä pwe ar afalafal usun an ümöümöch a let, pun a atufichiir pwe repwe föri asisil me manaman.

Föför 15:28

Ewe Ngünmifel me äm aia tipeeufengen pwe aisap anomu womi och chou, pwe ekei chök allük oupwe apwönüretä:

Föför 2:4

Iwe, ir meinisin ra urela ren Ngünmifel o ra popuetä le kapas lon kapasen ekis usun Ngünmifel a amwelielier.

Föför 4:31

Iwe, lupwen ra wes le iotek ewe leni ia ra mwichfengen ie a mwökütüküt. Ir meinisin ra urela ren Ngünmifel o ra popuetä le asilefeili än Kot kapas fän pwora.

Ipru 2:4

Lon ena chök fansoun Kot a apacha an kapasen pwärätä ngeni ar ren an föri asisil me manaman me sokopaten föför mi amwarar, pwal ren an aineti ekewe lifangen Ngünmifel usun mochenin letipan.

Ipru 4:13

Esap fokun wor och epwe tongeni monola seni Kot. Förian kana meinisin ra säretä o pwäpwäla mwen mesan. Iwe, kich meinisin sipwe fokun pwärätä ngeni i ach föför meinisin.

Pwärätä 2:23

Üpwe pwal niela nöün kana. Mürin chon ekewe mwichefel meinisin repwe silei pwe ngang ewe eman mi silei ekiek me letipen aramas meinisin. Iwe, üpwe liwini ngeni eman me eman ükükün liwinin an föför.

1. Samuel 16:7

Nge ewe Samol mi Lapalap a üreni Samuel, “Kosap nengeni an lapalapöch ika an mwänetam, pun üa pöütala. Pun ngang üsap nenengeni usun aramas ra nenengeni. Aramas ra nenengeni lapalapen mesen eman, nge ngang üa nenengeni leluken aramas.”