Föför 15:5 - Chuukese Bible

⁵ Mürin ekoch me lein ekewe chon lükü Jesus, ir chon ewe mwichen Farisi, ra ütä o apasa, “Ekewe chon lükün Israel repwe fokun sirkomsais. Oupwe pwal üreniir, pwe repwe fokun aleasochisi än Moses kewe Allük.”

Föför 15:5 Iomraidhean Croise

Mateus 3:7

Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?

Föför 15:1

Iwe, ekoch mwän ra feito seni Jutea o feila Antiokia, ra popuetä le asukula ekewe chon lükülük, “Ämi ousap tongeni küna manau, are ousap sirkomsais usun met a mak lon än Moses kewe Allük.”

Föför 15:24

Äm aia rongorong pwe ekoch mwän seni leim ra torikemi, ra osukosukakemi me orukorukakemi ren mine ra apasa, nge äm aisap tiniirela remi.

Föför 21:20

Mürin ar rongorong ngeni, ir meinisin ra mwareiti Kot. Mürin ra üreni Paulus, “Pwiim Paulus, ka küna pwe mi wor chomong ngeröün chon Juta ra lükü Jesus, nge ir meinisin ra fokun achocho le apwönüetä ekewe Allük.

Föför 24:14

Nge ngang üpwe pwärätä ei ngonuk: Üa fel ngeni än ach kewe lewo we Kot ren ai fetal won ewe Al ir ra apasa pwe mi mwäl. Nge üa pwal lükü meinisin mine a mak lon än Moses kewe Allük pwal lon ekewe puken soufos.

Föför 24:5

Äm aia mefi pwe ei mwän eman aramas mi fokun afeiengau. A popuetä fitikoko lein ekewe chon Juta won unusen fanüfan, i eman souemwenin ewe mwichen Nasaret.

Föför 28:22

Nge aia mochen rongorong mefiom, pun aia silei pwe ekis meinisin aramas ra kapasen ü ngeni ei mwich ka choni.”

Föför 5:17

Mürin ewe Souasor mi Lap me chiechian kewe meinisin, ir chon ewe mwichen Satusi, ra fokun lolowoiti ekewe soukünö.

1. Korint 7:18

Are eman mwän a fen sirkomsais lupwen Kot a köri, esap fokun sotuni an epwe amola asisilen an sirkomsais. Nge are eman mwän esap sirkomsais lupwen Kot a köri, esap kütta an epwe sirkomsais.

Kalatia 2:11

Nge lupwen Petrus a tori Antiokia, üa kapas awenewen ngeni me mwen ekewe aramas, pun a mwäl an föför.

Kalatia 2:14

Lupwen üa küna pwe ra föri och mine esap pwüng ngeni enletin ewe Pworausen Manau, üa üreni Petrus me mwer meinisin, “En eman chon Juta, nge ka föri örünien ekewe chon lükün Israel, nge sap örünien ekewe chon Juta. Pwota ka sotuni le echimwa ekewe chon lükün Israel pwe repwe föri örünien ekewe chon Juta?”