Föför 15:4 - Chuukese Bible

⁴ Lupwen ra tori Jerusalem, chon ewe mwichefel, ekewe soukünö me ekewe souakom ra etiweer. Iwe, ra apworausa ngeniir meinisin mine Kot a föri rer.

Föför 15:4 Iomraidhean Croise

Mateus 10:40

“Iö a etiwakemi, a etiwaei, nge iö a etiwaei, a etiwa ewe mi tiniei.

Föför 11:30

Ra föri ei o tinala Parnapas me Saul, pwe repwe uwei ar we alilis ngeni ekewe souakomwen mwichefel lon Jerusalem.

Föför 14:27

Iwe, lupwen ar tori Antiokia, ra achufengeni aramasen ewe mwichefel o apworausa ngeniir meinisin mine Kot a föri ngeniir, pwal usun an suki eu asam ngeni ekewe chon lükün Israel pwe repwe lükü Jesus.

Föför 15:12

Iwe, unusen ewe mwich a fanafanala, lupwen ra rongorong usun än Parnapas me Paulus apworausa ekewe asisil me manaman Kot a föri rer lein ekewe chon lükün Israel.

Föför 15:2

Iei popun Paulus me Parnapas ra fokun anini o pölüeniir. Iwe, ra filätä Paulus me Parnapas fiti ekoch chon lükü Jesus seni Antiokia pwe repwe feila Jerusalem o churi ekewe soukünö me souakom usun ei osukosuk.

Föför 15:22

Mürin ekewe soukünö me ekewe souakom fiti unusen chon ewe mwichefel ra apwüngala pwe repwe filätä ekoch mwän me leir, pwe repwe tiniirela Antiokia fiti Paulus me Parnapas. Iwe, ra filätä Silas me Jutas mi pwal iteni Parsapas, ir ruoman souemwen me lein ekewe chon lükü Jesus.

Föför 15:3

Iwe, chon ewe mwichefel ra tiniirela, nge lupwen ar saifetal lon Fönisia me Samaria, ra apworausa ngeni ekewe chon lükü Jesus usun än ekewe chon lükün Israel kul ngeni Kot. Ei pworaus a afisätä watten pwapwa lon leluken ekewe chon lükülük meinisin.

Föför 15:6

Iwe, ekewe soukünö me ekewe souakom ra chufengen, pwe repwe pwüngüpwüngfengen usun ei osukosuk.

Föför 16:4

Iwe, lupwen ar saifeil lon ekewe telinimw, ra aronga ngeni ekewe chon lükü Jesus ekewe allük ekewe soukünö me ekewe souakom lon Jerusalem ra apwüngala, ra pwal üreniir pwe repwe aleasochisi ekei allük.

Föför 18:27

Iwe, Apollos a ekiekin sai ngeni Akaia, iei mine ekewe chon lükü Jesus lon Efisos ra alisi ren ar mak toropwe ngeni ekewe chon lükü Jesus mi nom ikenan o tüngor ngeniir pwe repwe etiwa Apollos. Iwe, lupwen Apollos a tori Akaia, a fokun alisi chokewe mi lükü Jesus ren ümöümöchün Kot.

Föför 21:17

Iwe, lupwen aia tori Jerusalem, ekewe chon lükü Jesus ra pwapwa le etiwakem.

Föför 21:19

Iwe, Paulus a kapong ngeniir o apworausa ngeniir tichikin meinisin mine Kot a föri me lein ekewe chon lükün Israel ren an angang.

Nöün Paulus Toropwe ngeni ekewe Souläng lon Rom 15:18

Pun üsap mochen kapas usun och mettoch, nge üpwe chök kapas usun met Kraist a föri rei lon ai emweni ekewe chon lükün Israel pwe repwe aleasochisi Kot. A föri ei ren ai kewe kapas me föför,

Nöün Paulus Toropwe ngeni ekewe Souläng lon Rom 15:7

Iwe, oupwe etiwafengenikemi lefilemi, usun chök Kraist a etiwakemi, pwe lingen Kot epwe fis.

1. Korint 15:10

Nge ren än Kot ümöümöch üa wilila o wiliti eman soukünö. Iwe, an ümöümöch ngeniei esap lomotongau, pun mi enlet üa fokun achocho le angang lap seniir meinisin. Nge pwüngün pwe sap ngang üa föri ei angang pwe än Kot ümöümöch a nom rei.

2. Korint 5:19

Iei masouen ach afalafal, pwe Kot a nonom lon Kraist o achäsefäli chon fanüfan ngeni püsin i. Esap chüen chechemeni ar tipis, pwe a awisakich pwe sipwe afalafala ewe kapasen achächä.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Kolose 4:10

Aristarkus chienei chon fötek a tinala an kapong ngenikemi, pwal Markus pwiin Parnapas. (Oua fen angei ekewe kapasen öüröür usun ämi oupwe etiwa Markus are epwe feito remi.)

2. Johannes 1:10

Iei mine are eman a feito remi nge esap uwato ei afalafal, ousap etiwa i lon imwemi, ousap mwo nge apasa lon ämi kapong, “Kinamwe epwe nonom reöm.”