Föför 15:3 - Chuukese Bible

³ Iwe, chon ewe mwichefel ra tiniirela, nge lupwen ar saifetal lon Fönisia me Samaria, ra apworausa ngeni ekewe chon lükü Jesus usun än ekewe chon lükün Israel kul ngeni Kot. Ei pworaus a afisätä watten pwapwa lon leluken ekewe chon lükülük meinisin.

Föför 15:3 Iomraidhean Croise

Lukas 15:32

A fokun öch ach sipwe kametip o pwapwa, pun pwiüm we a mäla, nge iei a manausefäl, a mwalechela, nge iei a liwinsefälito.’”

Föför 1:15

Ekoch rän mürin a fis eu mwichen chon lükülük, ina epwe ükükün ipükü rüwe. Iwe, Petrus a ütä lefiler

Föför 13:48

Lupwen ekewe chon lükün Israel ra rong ei pworaus, ra pwapwa o mwareiti än ach Samol kapas. Iwe, chokewe mi fil ngeni manau esemüch ra lükü.

Föför 13:52

Nge ekewe chon lükü Jesus lon Antiokia ra fokun pwapwa o uren Ngünmifel.

Föför 14:27

Iwe, lupwen ar tori Antiokia, ra achufengeni aramasen ewe mwichefel o apworausa ngeniir meinisin mine Kot a föri ngeniir, pwal usun an suki eu asam ngeni ekewe chon lükün Israel pwe repwe lükü Jesus.

Föför 15:1

Iwe, ekoch mwän ra feito seni Jutea o feila Antiokia, ra popuetä le asukula ekewe chon lükülük, “Ämi ousap tongeni küna manau, are ousap sirkomsais usun met a mak lon än Moses kewe Allük.”

Föför 15:12

Iwe, unusen ewe mwich a fanafanala, lupwen ra rongorong usun än Parnapas me Paulus apworausa ekewe asisil me manaman Kot a föri rer lein ekewe chon lükün Israel.

Föför 15:22

Mürin ekewe soukünö me ekewe souakom fiti unusen chon ewe mwichefel ra apwüngala pwe repwe filätä ekoch mwän me leir, pwe repwe tiniirela Antiokia fiti Paulus me Parnapas. Iwe, ra filätä Silas me Jutas mi pwal iteni Parsapas, ir ruoman souemwen me lein ekewe chon lükü Jesus.

Föför 15:32

Jutas me Silas, ir pwal soufos, ra achomonga ar kapasen apöchöküla o anüküchara ekewe chon lükülük.

Föför 15:4

Lupwen ra tori Jerusalem, chon ewe mwichefel, ekewe soukünö me ekewe souakom ra etiweer. Iwe, ra apworausa ngeniir meinisin mine Kot a föri rer.

Föför 17:15

Iwe, ätekewe mi emwenala Paulus ra etala tori Aten. Mürin ra liwinsefäliti Perea fän än Paulus öüröür ngeniir, pwe Silas me Timoty repwe chök müttir saila ren.

Föför 20:38

Ra fokun lolilen ren an apasa, pwe resap chüen künasefäli. Mürin ra etala tori ewe sip epwe eti.

Föför 21:5

Nge lupwen äm fansoun nonom rer a wes, aia likitiir o sopwela äm sai. Nge ir meinisin fiti pwülüer me nöür kana ra etikeemiwu seni ewe telinimw tori ewe pi. Ikenan äm meinisin aia fotopwäsuk o iotek.

Föför 28:15

Iwe, ekewe chon lükü Jesus mi nom lon Rom ra rong usum, ra feila tori ekewe kükün telinimw iter Appius Forum me Ülüngat Imwen Wasöla, pwe repwe sounikem. Iwe, lupwen Paulus a küneer, a kilisou ngeni Kot o letipan a fokun pöchökülela.

Föför 8:14

Iwe, lupwen ekewe soukünö lon Jerusalem ra rongorong pwe ekewe chon Samaria ra etiwa ewe kapasen Kot, ra tinala Petrus me Johannes rer.

Nöün Paulus Toropwe ngeni ekewe Souläng lon Rom 15:24

üa apilükülükü ai üpwe tongeni feila remi iei. Ngang üa mochen pwe üpwe churikemi lon ai sai ngeni Spain. Üa mochen oupwe alisiei lon ai sai ngeni ikenan me mürin ai pwapwa le nonom remi ekoch fansoun.

1. Korint 16:11

Esap wor eman leimi epwe ösüfölüngauei, nge oupwe alisi pwe epwe sopwela an sai fän kinamwe. Iwe, epwe liwinsefälito rei, pun üa witiwiti fiti pwal pwiich kewe.

1. Korint 16:6

Eli üpwe nom remi lon ekoch fansoun, eli lon unusen fansoun patapat. Iwe, oua tongeni alisiei pwe üpwe sopwela ai sai ekis meinisin ia üpwe feila ie.

2. Korint 1:16

Üa fen akota ai üpwe churikemi lon ai sai ngeni Masetonia, pwal lupwen üpwe liwinsefäl ngenikemi seni Masetonia. Mürin oupwe tongeni alisiei lon ai sai ngeni Jutea.

Titus 3:13

Kopwe pwal achocho le alisi Senas ewe souallük me Apolos lon ar sai, kopwe pii pwe resap osupwang ren och.