Föför 14:1 - Chuukese Bible

¹ Iwe, lon Ikonium a pwal fis pwe Paulus me Parnapas ra tolong lon än chon Juta imwen felikis. Ikenan ra afalafal pwe eu mwichen chon Juta me chon lükün Israel mi chomong ra lükü Jesus.

Föför 14:1 Iomraidhean Croise

Markus 7:26

Ei fefin eman fin lükün Israel, a uputiu lon ewe fanü Fonisia lon Siria. Neminei a tüngormau ngeni Jesus pwe epwe atowu ewe ngününgau seni nöün we nengin.

Johannes 12:20

Iwe, ekoch chon Krik ra nom lein chokewe mi feitä Jerusalem pwe repwe fel ngeni Kot lupwen ewe chulap.

Johannes 7:35

Iwe, ekewe nöüwisen chon Juta ra kapasfengen lefiler, “Ia i epwe feila ie, pwe äm aisap tongeni küna? Ifa usun, epwe feila lon ekewe telinimwen chon Krik, ia nöüch aramas ra toropasfeil ie o afalafala ekewe chon Krik?

Föför 11:21

Iwe, manamanen ach Samol a etiir, pwe chomong aramas ra lükü o kul ngeni ewe Samol.

Föför 13:43

Wesin än ekewe aramas mwichfengen, chomong chon Juta me chon lükün Israel mi etiwa ewe lamalamen chon Juta ra tapwela mürin Paulus me Parnapas. Ekewe soukünö ra kapas ngeniir o pese ngeniir pwe repwe sopwela le anomu ar lükülük won ewe ümöümöchün Kot.

Föför 13:46

Mürin Paulus me Parnapas ra pölüeniir fän pwora, “A pwüng ngenikem äm aipwe akomwen afalafala ngenikemi ewe kapasen Kot. Nge pokiten ousap etiwa, ousap pwal ekieki pwe oua fich ngeni ewe manau esemüch, aipwe likitikemi o feila ngeni ekewe chon lükün Israel.

Föför 13:5

Lupwen ar tori ewe telinimw Salamis, ra afalafala ewe kapasen Kot lon än ekewe chon Juta kewe imwen felikis. Iwe, Johannes Markus a pwal fitiir ren an epwe alisiir lon ewe angang.

Föför 13:51

Iwe, ekewe soukünö ra wichiki pwülün fän pecher pwe eu asisilen ar ü ngeni aramasen ewe telinimw o feila Ikonium.

Föför 14:19

Mürin ra war ekoch chon Juta seni Antiokia lon Pisitia pwal seni Ikonium. Ra aliapa ewe mwichen aramas ngeni ar pekin, ra monei fau ngeni Paulus o ürawu seni lon ewe telinimw, pun ra ekieki pwe a mäla.

Föför 14:2

Nge ekewe chon Juta resap lükü ra etipetipa ekewe chon lükün Israel pwe repwe ü ngeni ekewe chon lükülük.

Föför 14:21

Iwe, Paulus me Parnapas ra afalafala ewe Pworausen Manau lon Terpe o asoulängala chomong aramas. Mürin ra liwinsefäliti Listra me Ikonium o sai ngeni Antiokia lon Pisitia.

Föför 16:1

Iwe, Paulus a sopwela an sai ngeni Terpe me Listra. Ikenan a nom eman souläng itan Timoty. Inan eman fin Juta mi souläng, nge saman eman re Krik.

Föför 16:2

Timoty a iteüöch me ren ekewe chon lükü Jesus meinisin lon Listra me Ikonium.

Föför 17:12

Iwe, chomong chon Juta me leir ra lükü Jesus. Pwal chomong fin Krik mi itetekia me chomong re Krik ra pwal lükü.

Föför 17:17

Iei mine a kakapas ngeni ekewe chon Juta me ekewe chon Krik mi fel ngeni Kot me lon ar we imwen felikis. A pwal kapas ngeni ekewe aramas mi feito lon ewe lenien chulap iteiten rän.

Föför 17:4

Iwe, ekoch me lein ekewe aramas ra lükü o tipeeu ngeni Paulus me Silas, pwal chomong chon Krik mi fel ngeni Kot me chomong fefin mi iteföüla.

Föför 18:4

Iwe, iteiten ränin sapat Paulus me ekewe aramas ra kakapasfengen lon ewe imwen felikis, o a achocho le elliapa ekewe chon Juta me chon Krik.

Föför 18:8

Iwe, Krispus samolun ewe imwen felikis a lükü ewe Samol, i me chon an famili meinisin. Pwal chomong chon Korint mi rongorong än Paulus afalafal ra lükü Jesus o papatais.

Föför 19:10

Ei a fis lon ükükün ruu ier, pwe ekewe aramas meinisin mi nom lon ewe fanü Asia, ir ekewe chon Juta me ekewe chon lükün Israel, ra rongorong kapasen ach Samol.

Föför 19:17

Iwe, ekewe chon Juta me ekewe chon lükün Israel meinisin mi nom lon Efisos ra rong usun ei pworaus. Ir meinisin ra fokun niuokus, nge iten ach Samol Jesus a fokun iteföüla.

Föför 19:8

Iwe, Paulus a feila lon ewe imwen felikis, nge a pwora le afalafal ngeni ekewe aramas lon ükükün ülüngat maram. A kakapas ngeniir o pese ngeniir ar repwe lükü, pwe met i a apasa usun ewe Mwün Kot a let.

Föför 2:47

Ra mwareiti Kot, ra pwal küna chen me ren ekewe aramas meinisin. Iwe, iteiten rän ewe Samol a apacha ngeni ar we mwich aramas mi küna manau.

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

Föför 21:28

Ra kökkö fän leüömong, “Ämi re Israel! Oupwe alisikem! Iei i ewe mwän mi saifeil ekis meinisin o a eäni och sokun afalafal ngeni aramas meinisin mi ü ngeni ekewe aramasen Israel, än Moses kewe Allük me ei imwenfel. Nge iei a fen mwo nge uwato ekoch chon lükün Israel lon ei imwenfel o apiningaua ei leni mi pin!”

Föför 9:20

A müttir feila lon ekewe imwen felikis o a popuetä le afalafal pwe Jesus i ewe Nöün Kot.

Nöün Paulus Toropwe ngeni ekewe Souläng lon Rom 1:16

Üsap säwäsini ewe Pworausen Manau, pun iei ewe manamanen Kot mi tongeni amanaua chokewe meinisin mi lükü, a akom ngeni ekewe chon Juta, nge mürin pwal ngeni ekewe chon lükün Israel.

Nöün Paulus Toropwe ngeni ekewe Souläng lon Rom 10:12

Pun esap wor sokofesenin chon Juta me chon lükün Israel. Kot ewe eman chök Samolun aramas meinisin, a fokun afeiöchü chokewe meinisin mi köri i.

Kalatia 2:3

Iwe, chiechiei Titus, inamwo ika i eman re Krik, nge ekewe souakom rese echimwa pwe epwe sirkomsais,

Kalatia 3:28

Esap wor sokofesenin lefilen chon Juta me chon lükün Israel, lefilen amanau me aramas mi ngas, lefilen mwän me fefin, pun ämi meinisin oua eufengen lon Kraist Jesus.

Kolose 3:11

Iwe, pokiten ei, esap chüen wor sokofesenin lefilen chon lükün Israel me chon Juta, chon sirkomsais me chon resap sirkomsais, chon ekis, chon kichiniwel, ekewe amanau me ekewe aramas mi ngas, pun Kraist chök a aüchea seniir meinisin a pwal nom lor meinisin.

2. Timoty 3:11

ai küna ninni me ai riaföü. Ka silei meinisin mine a fis ngeniei me lon Antiokia, Ikonium me Listra, pwe a fokun afeiengau ekewe sokun ninni üa engila fan. Nge ach Samol a angasaei seniir meinisin.