Föför 13:51 - Chuukese Bible

⁵¹ Iwe, ekewe soukünö ra wichiki pwülün fän pecher pwe eu asisilen ar ü ngeni aramasen ewe telinimw o feila Ikonium.

Föför 13:51 Iomraidhean Croise

Mateus 10:14

Iwe, are chon eu imw ika telinimw resap etiwakemi ika aüselingakemi, mürin oupwe towu seni ewe leni o wichikala pwülün fän pechemi.

Markus 6:11

Nge are oupwe tori eu telinimw, nge resap etiwakemi ika aüselingakemi, oupwe towu seni ei telinimw o wichikala pwülün fän pechemi, pwe epwe eu minen pwärätä ngeniir, pwe ra mwäl.”

Lukas 10:11

‘Ewe mwo pwülün lon ämi telinimw mi pachetä fän pechem aipwe wichiki ngenikemi, pwe eu minen pwärätä ngenikemi. Nge oupwe silei pwe Mwün Kot a arapoto remi.’

Lukas 9:5

Nge lon meni telinimw resap etiwakemi lon, oupwe towu seni o wichikala pwülün fän pechemi, pwe epwe eu minen pwärätä ngeniir pwe ra mwäl.”

Föför 14:1

Iwe, lon Ikonium a pwal fis pwe Paulus me Parnapas ra tolong lon än chon Juta imwen felikis. Ikenan ra afalafal pwe eu mwichen chon Juta me chon lükün Israel mi chomong ra lükü Jesus.

Föför 14:19

Mürin ra war ekoch chon Juta seni Antiokia lon Pisitia pwal seni Ikonium. Ra aliapa ewe mwichen aramas ngeni ar pekin, ra monei fau ngeni Paulus o ürawu seni lon ewe telinimw, pun ra ekieki pwe a mäla.

Föför 14:21

Iwe, Paulus me Parnapas ra afalafala ewe Pworausen Manau lon Terpe o asoulängala chomong aramas. Mürin ra liwinsefäliti Listra me Ikonium o sai ngeni Antiokia lon Pisitia.

Föför 16:2

Timoty a iteüöch me ren ekewe chon lükü Jesus meinisin lon Listra me Ikonium.

Föför 18:6

Nge lupwen ekewe chon Juta ra ü ngeni Paulus o apasatä kapas mi ngau usun i, Paulus a pölüeniir ren an wichikala pwülün üfan o üreniir, “Are ämi oua pöütmwälila, püsin tipisimi, nge sap tipisi! Seni ikenai üpwe feila ren ekewe chon lükün Israel.”

2. Timoty 3:11

ai küna ninni me ai riaföü. Ka silei meinisin mine a fis ngeniei me lon Antiokia, Ikonium me Listra, pwe a fokun afeiengau ekewe sokun ninni üa engila fan. Nge ach Samol a angasaei seniir meinisin.