Föför 13:5 - Chuukese Bible

⁵ Lupwen ar tori ewe telinimw Salamis, ra afalafala ewe kapasen Kot lon än ekewe chon Juta kewe imwen felikis. Iwe, Johannes Markus a pwal fitiir ren an epwe alisiir lon ewe angang.

Föför 13:5 Iomraidhean Croise

1. King 19:21

Mürin, Elisa a feil seni Elias, a angei ewe pean ätemwänin kow a wawa le tuw pwül o nirela. A eäni mwüch waasen ekewe ätemwänin kow le kuku fituker o aochocha ngeni ekewe aramas, iwe, ra ochoch. Mürin, Elisa a tapwela mürin Elias o angang ngeni.

1. King 19:3

Iwe, Elias a niuokus, a ütä o sü, pun a kütta manauan. A tori Persepa lon Juta o likiti nöün we chon angang ikenan.

2. King 3:11

Nge king Jehosafat a ais, “Ifa usun, esap wor ikei eman nöün ewe Samol mi Lapalap soufos, pwe i epwe tongeni angei öüröürach me ren ewe Samol mi Lapalap?” Mürin, eman nöün ewe kingen Israel meilap a pälüeni, “A nom ikei Elisa nöün Sofat we mwän mi piin angang ngeni Elias.”

Ekistos 24:13

Mürin, Moses a ütä me nöün chon angang Josua o feitä won ewe chukun Kot.

Mateus 20:26

Nge esap iei usun lefilemi. Pun iö a mochen lap leimi epwe chon angang ngenikemi.

Föför 12:12

Lupwen a wewela ren mine a fis ngeni, a feila ngeni imwen Maria, inen Johannes mi pwal iteni Markus. Ikenan chomong aramas ra chufengen o iotekfengen.

Föför 12:25

Iwe, lupwen Parnapas me Saul ra wes le föri ar angang, ra liwinsefäl seni Jerusalem, nge ra uwei Johannes mi pwal iteni Markus.

Föför 13:14

Mürin ra sai seni Perka o tori Antiokia lon Pisitia. Nge lon ewe ränin sapat ra tolong lon ewe imwen felikis o mottiu.

Föför 13:46

Mürin Paulus me Parnapas ra pölüeniir fän pwora, “A pwüng ngenikem äm aipwe akomwen afalafala ngenikemi ewe kapasen Kot. Nge pokiten ousap etiwa, ousap pwal ekieki pwe oua fich ngeni ewe manau esemüch, aipwe likitikemi o feila ngeni ekewe chon lükün Israel.

Föför 14:1

Iwe, lon Ikonium a pwal fis pwe Paulus me Parnapas ra tolong lon än chon Juta imwen felikis. Ikenan ra afalafal pwe eu mwichen chon Juta me chon lükün Israel mi chomong ra lükü Jesus.

Föför 15:37

Iwe, Parnapas a mochen pwe Johannes mi pwal iteni Markus epwe pwal etiir,

Föför 17:17

Iei mine a kakapas ngeni ekewe chon Juta me ekewe chon Krik mi fel ngeni Kot me lon ar we imwen felikis. A pwal kapas ngeni ekewe aramas mi feito lon ewe lenien chulap iteiten rän.

Föför 18:4

Iwe, iteiten ränin sapat Paulus me ekewe aramas ra kakapasfengen lon ewe imwen felikis, o a achocho le elliapa ekewe chon Juta me chon Krik.

Föför 19:22

Iei mine a tinala Timoty me Erastus, ruoman me lein ekewe chon alisi lon ewe angang pwe repwe feila Masetonia, nge i epwe nonom lon Asia ekoch fansoun.

Föför 19:29

Ewe akürang a chöfetal lon unusen ewe telinimw. Ekewe aramas mi afitikoko ra turufi Kaius me Aristarkus o müttir etekiniirela lon ewe lenien urumwot. Ätekei me ruoman re Masetonia mi eti Paulus lon an sai.

Föför 19:8

Iwe, Paulus a feila lon ewe imwen felikis, nge a pwora le afalafal ngeni ekewe aramas lon ükükün ülüngat maram. A kakapas ngeniir o pese ngeniir ar repwe lükü, pwe met i a apasa usun ewe Mwün Kot a let.

Föför 9:20

A müttir feila lon ekewe imwen felikis o a popuetä le afalafal pwe Jesus i ewe Nöün Kot.

Kolose 4:10

Aristarkus chienei chon fötek a tinala an kapong ngenikemi, pwal Markus pwiin Parnapas. (Oua fen angei ekewe kapasen öüröür usun ämi oupwe etiwa Markus are epwe feito remi.)

2. Timoty 4:11

Lukas chök a nom rei. Kopwe angei Markus pwe epwe etuketo, pun a tongeni alisiei lon ai angang.