Föför 13:44 - Chuukese Bible

⁴⁴ Lon ewe ränin sapat me mürin arapakan unusen chon ewe telinimw ra chufengen pwe repwe rongorong än ach we Samol kapas.

Föför 13:44 Iomraidhean Croise

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Kölfel 110:3

Lon ränin om kopwe maun ngeni chon oputom noum aramas repwe etuk fän püsin letiper o üföüf ekewe üf mi pin. Usun amurenipwin mi nom lesosorusich, iei usun noum kewe alüal repwe feito reöm.

Aisea 11:10

Lon ena fansoun epwe fis pwe ewe king mi fö seni mwirimwirin Tafit epwe ütä usun chök efoch asisil fän iten chon ekewe mwü meinisin. Iwe, repwe chufengen lon telinimwan mi ling o asamolu.

Aisea 60:8

Meni kana sip ra äs usun kuchu, pwal usun lisom mi liwin ngeni faser?

Mateus 8:34

Iei mine chon ewe telinimw meinisin ra feila pwe repwe churi Jesus. Iwe, lupwen ra küna, ra tüngormau ngeni an epwe feila seni fanüer we.

Föför 13:14

Mürin ra sai seni Perka o tori Antiokia lon Pisitia. Nge lon ewe ränin sapat ra tolong lon ewe imwen felikis o mottiu.