Föför 13:21 - Chuukese Bible

²¹ Iwe, lupwen ra tüngor eman king, Kot a seikätä Saul nöün Kis seni ewe ainangen Peniamin, pwe epwe nöür king lon ükükün faik ier.

Föför 13:21 Iomraidhean Croise

1. Samuel 10:1

Mürin, Samuel a angei eu rumen lö o ninätiu won möküren Saul, a mitiri o üreni, “Ewe Samol mi Lapalap a epituk pwe kopwe samolun nöün aramasen Israel. Kopwe nemenem won nöün ewe Samol mi Lapalap aramas o angaseer seni chon oputeer mi nom ünükür. Nge ei epwe eu asisil ngonuk, pwe ewe Samol mi Lapalap a epituk pwe kopwe samolun nöün aramas:

1. Samuel 15:1

Iwe, Samuel a üreni Saul, “Ewe Samol mi Lapalap a tinieito, pwe üpwe epituk pwe kopwe king won nöün aramasen Israel. Iei mine kopwe aüselinga alon ewe Samol mi Lapalap.

1. Samuel 11:15

Iei mine ekewe aramas meinisin ra feila Kilkal. Ikenan ra seikätä Saul me fän mesen ewe Samol mi Lapalap, pwe epwe king. Ra pwal eäni asoren kinamwe ngeni ewe Samol mi Lapalap ikenan. Nge Saul me ekewe chon Israel meinisin ra fokun pwapwa.

1. Samuel 8:5

Iwe, ra üreni, “Nengeni, en ka chinlap, nge noum kewe mwän resap manaueni manauom. Iei mine kopwe filätä eman ach king epwe nemenikich, usun chök ekewe mwü meinisin.

1. Samuel 9:1

Mi wor eman mwän mi pisekisek lon ewe fanü Peniamin itan Kis, i nöün Apiel we mwän, nge Apiel nöün Seror, Seror nöün Pekorat, nge Pekorat nöün Afia seni ewe ainangen Peniamin.

1. Samuel 9:15

Iwe, ewe rän me mwen än Saul feito, ewe Samol mi Lapalap a fen pwäri ngeni Samuel,