Föför 13:2 - Chuukese Bible

² Lupwen ar fel ngeni ewe Samol me echikefel, Ngünmifel a üreniir, “Oupwe aimwüela fän itei Parnapas me Saul pwe repwe föri ewe angang üa köriir ngeni.”

Föför 13:2 Iomraidhean Croise

1. Kronika 16:4

Iwe, Tafit a pwal filätä ekoch mwän seni ewe ainangen Lefi, pwe repwe angang me mwen än ewe Samol mi Lapalap we pworofel, repwe iotekin tüngor me iotekin kilisou o mwareiti ewe Samol mi Lapalap ewe Koten Israel.

Taniel 9:3

Iwe, üa sachetä ngeni Kot ewe Samol lon ai iotek o tüngormau fän ai echikefel, üa pwal üföüf üf seni tuk o mot lon falangen ekkei.

Mateus 17:21

[Nge esap wor och mettoch ei sokun ngününgau epwe tongeni süla ren, pwe ren iotek me echikefel chök.]

Mateus 6:16

“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir.

Mateus 9:38

Iei mine oupwe tüngorei ewe Samolun räs pwe epwe tinala chon angang pwe repwe angang ngeni ewe räs.”

Lukas 10:1

Mürin ekei pworaus, ewe Samol a pwal filätä fik me ruoman mwän o a tiniirela akaruoman pwe repwe akomwola mwan lon ekewe telinimw me leni meinisin püsin i epwe feila ie me mürin.

Lukas 2:37

Iwe, lupwen pwülüan a mäla, a lipichsefäl tori iei a ierini walik me rüanü. Neminei esap feila seni ewe imwenfel, pwe a chök fel ngeni Kot lerän me lepwin fän echikefel me ikiotek.

Föför 10:19

Nge lupwen Petrus a chüen chök ekieki usun wewen künaan we, Ngünmifel a kapas ngeni, “Simon, ülüman mwän ra küttok.

Föför 10:30

Iwe, Kornelius a pölüeni, “Rüanü rän a la ngang üa nom lon imwei lon ei chök otun kulok ülüngat leolopan. A müttir fis pwe eman mwän mi üföüf üf mi saramaram a ütä mwei

Föför 13:3

Mürin ar echikefel o iotek, ra afeiöchüür o tiniirela.

Föför 13:4

Iwe, Parnapas me Saul, ätekewe ewe Ngünmifel a tiniirela, ra feitiu Selusia, ra sai seni ikenan o sai ngeni ewe fanü Saipros.

Föför 14:26

Seni ikenan ra liwinsefäliti Antiokia, ewe leni ia ra anomuur ie me mwan fän tümwünün ewe ümöümöchün Kot fän iten ewe angang ra awesöchüela iei.

Föför 20:28

Iei mine oupwe mamasakemi me unusen chon ewe mwichefel ewe Ngünmifel a atolongeer fän ämi tümwün. Oupwe chon masen ewe mwichefelin Kot, i a möni ren chaan püsin Nöün we.

Föför 22:21

Iwe, ach Samol a üreniei, ‘Kopwe feila, pun ngang üpwe tinukela won ekewe fanü toau ren ekewe chon lükün Israel.’”

Föför 4:36

Iwe, a wor eman mwän itan Josef seni ewe ainangen Lefi, a uputiu lon ewe fanü Saipros, ekewe soukünö ra pwal aita ngeni Parnapas (wewen ei it: Eman mi apöchöküla letipen aramas).

Föför 6:4

Nge äm aipwe tupwöl le iotek o afalafala ewe kapasen Kot.”

Föför 8:29

Iwe, Ngünmifel a üreni Filip, “Kopwe feiliti ewe woken o ouwärer ngeni le fetal.”

Föför 9:15

Nge ach Samol a üreni Ananias, “Kopwe feila, pun ei mwän üa filätä pwe epwe angang ngeniei, epwe asilefeili itei ngeni chon lükün Israel, ngeni ekewe king pwal ngeni chon Israel.

Nöün Paulus Toropwe ngeni ekewe Souläng lon Rom 1:1

Ngang Paulus, eman chon angangen Kraist Jesus, üa kö pwe üpwe eman soukünö mi imwüla fän iten ai üpwe arongafeili än Kot we Pworausen Manau.

Nöün Paulus Toropwe ngeni ekewe Souläng lon Rom 10:15

Ifa usun an we kapas epwe asilesil, are Kot esap tinala chon künö? Usun a mak lon ekewe Toropwe mi Pin, “A mürina wareton ekewe chon künö mi uwato ewe Pworausen Manau!”

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

1. Korint 12:11

Nge ewe eman chök Ngün a föri ekei mettoch meinisin, a ngeni eman me eman aramas ekewe sokopaten lifang usun an mochen.

1. Korint 7:5

Ämi mi pwüpwülü ousap amwöchü inisimi seni pwülüemi are ousap akomwen tipeeufengen won pwe oupwe föri lon eu fansoun, pwe epwe wor fansoun ämi iotek. Mürin oupwe pwal konsefälfengen, pwe Satan esap sotunikemi pokiten ousap tongeni püsin nemeni inisimi.

2. Korint 11:27

Mi wor ai angang weires, fän chomong üsap möür. Üa echik me kaka, fän chomong esap naf anei, üa föü, esap wor üfei.

2. Korint 6:5

Ra wichikem, ra aturukeemilong lon imwen fötek, ra afitikoko ngenikem. Äm aia fokun angang weires, fän ekoch esap wor fansoun äm möür, aia pwal echik.

Kalatia 1:15

Nge Kot a filieitä lon an ümöümöch mwen üsamwo uputiu o köriei ai üpwe angang ngeni. Iwe, lupwen a filätä

Efisos 3:7

Kot a awisaei pwe üpwe eman chon angang ngeni ewe Pworausen Manau, ren an we lifangen ümöümöch a ngeniei ren tufichin an we manaman.

Tuteronomi 10:8

Lon ewe fansoun ewe Samol mi Lapalap a aimwüela chon ewe ainangen Lefi pwe repwe mwärei än ewe Samol mi Lapalap we pworun pwon. Repwe pwal ü fän mesen ewe Samol mi Lapalap pwe repwe angang ngeni o afeiöchü aramas ngeni itan, usun ra föri tori ikenai.

Kolose 4:17

Oupwe üreni Arkipus, “Kopwe föri ewe angang ra awisa ngonuk lon än ewe Samol we angang pwe kopwe apwönüetä.”

1. Timoty 2:7

Iei popun üa fil pwe üpwe eman soukünö me eman senseen ekewe chon lükün Israel ai üpwe arongafeili ewe kapasen lükülük me let. Ngang üa kapas wenechar, üsap chofona.

2. Timoty 1:11

Kot a awisaei pwe üpwe eman soukünö me sense, pwe üpwe arongafeili ewe Pworausen Manau.

2. Timoty 2:2

Met ka rongorong seniei pwe üa afalafala me mwen chomong chon pwärätä, kopwe lükü ngeni ätekewe mi allükülük o tufichin asukula pwal ekewe ekoch souläng.

2. Timoty 4:11

Lukas chök a nom rei. Kopwe angei Markus pwe epwe etuketo, pun a tongeni alisiei lon ai angang.

2. Timoty 4:5

Nge en kopwe ekisaram lon om föför meinisin, kopwe likitü lon riaföü, kopwe föri angangen eman chon asoulängala aramas, kopwe unusen apwönüetä wisom usun eman nöün Kot chon angang.

Ipru 5:4

Esap wor eman a seikätä püsin i an epwe wiseni ewe wisen souasor mi lap. Nge Kot echök a seikätä eman aramas an epwe wiseni ewe wisen souasor mi lap, usun chök mine a fis ngeni Aaron.

1. Samuel 2:11

Mürin, Elkana a liwiniti lenian lon Rama. Nge ewe ät a nonom lon Silo o angang ngeni ewe Samol mi Lapalap fän emwenien ewe souasor Eli.