Föför 13:11 - Chuukese Bible

¹¹ Pöün ach Samol epwe feitiu womw iei chök. Kopwe mesechun, pwe kosap chüen tongeni küna saramen akkar lon eu fansoun.” Lon ewe chök otun och toputop me rochopwak a feitiu won Elimas o atoputopala lon mesan. Iwe, a atapfeil o kütta eman epwe wisen amwöchü pöün o emweni.

Föför 13:11 Iomraidhean Croise

Keneses 19:11

Mürin ra achuna ekewe mwän meinisin mi nonom lükün asamalapen ewe imw, seni alüal tori chinlap, pwe resap tongeni küna ewe asamalap.

2. King 6:8

Lon eu rän, lupwen ewe kingen Siria a maun ngeni Israel, a pwüngüpwüngfengen me ren nöün kewe meilap o üra, “Lon enan me enan leni üpwe nom ie me ai we mwichen sounfiu.”

Hiop 19:21

Ämi chiechiei kana, oupwe tongeei, oupwe tongeei, pun pöün Kot a awataei.

Kölfel 32:4

Pun lerän me lepwin ka apwüngüei. Pöchökülen inisi a morotä usun koluk a morotä lupwen fansoun pwichikar.

Kölfel 38:2

Pun ka akinasaei ren wokum kewe föün esefich, ka pwal amiritiei.

Ekistos 9:3

Ngang ewe Samol mi Lapalap üpwe afeiengaua noum man mi nom lemäl ren eu mäfeiengau. Üpwe afeiengaua ekewe oris, ekewe aas, ekewe kamel, ekewe kow me ekewe sip.

Aisea 29:10

Pun ewe Samol mi Lapalap a apüngätiu womi eu möürüchou. Iwe, a apüngala mesen ekewe chon mesenikemi, nöümi kewe soufos, a pwal pwölüela möküren ekewe chon mökürenikemi, nöümi kewe souürür.

Johannes 9:39

Iwe, Jesus a üreni, “Üa feito lon fanüfan pwe üpwe eäni apwüng, pwe chokewe mi chun repwe küna mwer, nge chokewe mi küna mwer repwe chun.”

Föför 9:17

Iei mine Ananias a feila o tolong lon ewe imw ia Saul a nom ie. A iseis pöün won o apasa, “Pwipwi Saul, ach Samol Jesus a tinieito, ewe mi pwä ngonuk won ewe al lupwen ka saito ikei. A tinieito pwe kopwe tongeni künasefäli mwomw, kopwe pwal uren Ngünmifel.”

Nöün Paulus Toropwe ngeni ekewe Souläng lon Rom 11:25

Ämi pwii kana, mi wor eu monomon mi enlet üa mochen pwe ämi oupwe silei, pwe ousap ekieki püsin ämi tipachem. Iei ewe monomon: Än chon Israel ülöförea lon letiper esap soposopola, nge epwe chök müchüla lupwen epwe unus iteiten chon lükün Israel repwe feito ren Kot.

Ipru 10:31

A men fokun eniweniw ach turulong lepöün ewe Kot mi manau!

2. Petrus 2:17

Ekei mwän ra usun chök chönüttu esor koluk lon, ra usun chök kuchu mi ässila ren eu mölümöl. Kot a amolätä fän iter eu leni mi fokun rochokich.

1. Samuel 5:11

Iei mine ra titi ekewe samolun chon Filistia meinisin o amwichafengeniir. Iwe, ra üreniir, “Oupwe asü senikem än ewe Koten Israel ei pworofel pwe epwe liwiniti püsin lenian, nge esap nikem me nöüm aramas.” A wor mäla ren niuokus watte lemenen unusen ewe telinimw, pun Kot a fokun afeiengaueer.

1. Samuel 5:9

Nge mürin ar uwala ikenan, ewe Samol mi Lapalap a afeiengaua chon ewe telinimw o awarato wor niuokus watte. A ariaföüü aramasen ewe telinimw seni semirit tori chinlap, pwe pwo ra pwüküwu me wor.