Föför 12:8 - Chuukese Bible

⁸ Mürin ewe chon läng a üreni, “Kopwe anükü om pelit o ipweipwelong ipwom sus.” Iwe, Petrus a föri iei usun. Mürin ewe chon läng a üreni, “Kopwe üföüfolong üfom we o tapweto müri.”

Föför 12:8 Iomraidhean Croise

Mateus 3:11

Ngang üa papataisikemi ren koluk pwe asisilen ämi aier. Nge ewe eman epwe war me müri epwe papataisikemi ren Ngünmifel me ekkei. I a lap seniei, pwe ngang üsap fich ngeni ai üpwe mwo nge uwou ipwan sus.

Markus 6:9

Oupwe ipweipw sus, nge ousap uwou aruachön üfemi.”

Lukas 12:37

A ifa me feiöchün ekewe chon angang nöür we masta a küneer pwe ra nennela o molotä lupwen a liwinsefäl. Enlet, üpwe ürenikemi, pwe ewe masta epwe üföüfolong üfen chon angang, epwe amoteer ngeni chepel o ngeniir aner mongö.

Föför 12:7

Lon ei chök otun eman nöün ewe Samol chon läng a ü ikenan o eu saram a asarama lon ewe ruum. Iwe, ewe chon läng a pisiri won afaren Petrus, a apwökätä o üreni, “Kopwe müttir pwätä!” Lon ei chök otun ekewe sein seni mächä ra turutiu seni won pöün Petrus.

Föför 12:9

Iwe, Petrus a tapwela mürin o towu seni ewe imwen fötek. Nge Petrus esap silei, pwe mine ewe chon läng a föri a wesewesen fis. A ekieki pwe a wor künaan.

Föför 27:23

Pun lepwin ewe eman nöün Kot chon läng, ewe Kot üa nonom fän nemenian o üa angang ngeni, a feito rei

Föför 8:26

Iwe, eman nöün ewe Samol chon läng a üreni Filip, “Kopwe amolokotä o feila peliör won ewe al mi feila seni Jerusalem tori Kasa, ei al esap wor eman aramas a fetal won.”