Föför 12:7 - Chuukese Bible

⁷ Lon ei chök otun eman nöün ewe Samol chon läng a ü ikenan o eu saram a asarama lon ewe ruum. Iwe, ewe chon läng a pisiri won afaren Petrus, a apwökätä o üreni, “Kopwe müttir pwätä!” Lon ei chök otun ekewe sein seni mächä ra turutiu seni won pöün Petrus.

Föför 12:7 Iomraidhean Croise

2. Samuel 22:29

Ewer, ai Samol mi Lapalap, en ai saram, en ai Kot ka awili ai rochopwak ngeni saram.

1. King 19:5

Mürin a konola fän ewe irä o möür. Nge lon ei otun eman chon läng a atapa o üreni, “Kopwe pwätä o mongö.”

1. King 19:7

Iwe, nöün ewe Samol mi Lapalap we chon läng a liwinto fän aruuan, a atapa o üreni, “Kopwe pwätä o mongö, pun om sai epwe fokun toau ngonuk.”

Kölfel 107:14

Iwe, a emwenirewu seni lon rochopwak me nürün mäla o mwütifeseni föföör kewe selimächä.

Kölfel 116:16

Ai Samol mi Lapalap, ngang noum chon angang. Ngang noum chon angang, nöün noum chon angang fefin. En ka apichala föföi kewe.

Kölfel 146:7

a eäni pwüng ngeni ekewe mi riaföü ren aramas o amongöni ekewe mi echik. Ewe Samol mi Lapalap a angasala ekewe chon fötek,

Kölfel 34:7

Nöün ewe Samol mi Lapalap chon läng a nom pwelin ünükün chokewe mi niueiti i o angaseer seni feiengau.

Kölfel 68:6

Kot a ngeni ekewe mi akaleman ar famili, a emwenawu ekewe chon fötek pwe repwe ngasala fän pwapwa, nge ekewe chon ü ngeni Kot repwe nom lon eu fanü mi pwasapwas o pwichikar.

Aisea 37:30

Mürin, Aisea a üreni ewe king Hiskia, “Ei epwe eu asisil ngonuk. Lon ei ier oupwe mongö mine a püsin mär, lon aruuen ier oupwe mongö mine a pwük seni waran, nge lon aülüngatin ier oupwe püsin fofot o kinikin, oupwe pwal tanipini irän wain o mongö seni uan.

Aisea 60:1

Oupwe ütä, ämi aramasen Jerusalem, o saramala, pun ämi saram a war, nge lingen ewe Samol mi Lapalap a tineitikemi.

Jeremaia 40:1

Iwe, ewe Samol mi Lapalap a kapas ngeni Jeremaia mürin än Nepusaratan ewe meilapen chon tümwünü ewe king a angasala i me lon Rama. Nepusaratan a küna Jeremaia me ikenan, pwe a föfö ngeni sein o nom lein ekewe chon oola seni Jerusalem me Juta, ir chokewe repwe feila Papilon.

Isikiel 43:2

Ikenan üa küna lingen ewe Koten Israel, a feito seni ötiu. Iwe, üngüngün an feito a usun chök üngüngün nonoon lematau, nge won fanü a saramaram ren lingan.

Taniel 3:28

Iwe, Nepukatnesar a apasa, “Üpwe mwareiti än Satrak, Mesak me Apetneko we Kot. A tinato nöün chon läng pwe epwe angasa nöün chon angang mi lükü i. Iwe, ra purätiu ai kewe allük o fangela inisir, pun resap mochen chapetiu o fel ngeni eman kot lükün ar we Kot.

Taniel 6:22

Ai Kot a tinato eman chon läng pwe epwe pinei awen ekei laion. Iwe, resap tongeni afeiengauaei, pokiten esap wor ai tipis ngeni Kot pwal ngonuk ai king.”

Mika 7:9

Pokiten üa tipis ngeni ewe Samol mi Lapalap, üpwe mwärelong fän an song tori epwe peniei o pwärawu ai pwüng. Epwe emwenieiwu ngeni saram pwe üpwe küna an angasaei.

Apakuk 3:11

Akkar me maram ra üla lon lenier ren tinen noum föün esefich, lupwen ra pis, pwal ren wokum siles mi meriweriw.

Apakuk 3:4

Lingan a usun chök saram, nge nikaütütün saram ra saramawu seni lepöün, ikenan an manaman a monola.

Mateus 2:13

Mürin än ekewe souürür feila, eman nöün ewe Samol chon läng a pwä ngeni Josef lon an tan o üreni, “Herotes epwe kütta ewe mönükol pwe epwe niela. Iei mine kopwe pwätä, kopwe angei ewe mönükol me inan we o süla Isip. Oupwe nonom ikenan tori inet üpwe ürenuk pwe oupwe liwin.”

Lukas 2:9

Iwe, nöün ewe Samol we chon läng a pwä ngeniir o lingen ewe Samol a tinetiu wor, iwe, ra fokun niuokus.

Lukas 24:4

Nge lupwen ar chüen ükütä o osukosuk ren mine ra küna, ruoman mwän mi üföüf üf mi saramaram ra ütä ünükür.

Föför 10:30

Iwe, Kornelius a pölüeni, “Rüanü rän a la ngang üa nom lon imwei lon ei chök otun kulok ülüngat leolopan. A müttir fis pwe eman mwän mi üföüf üf mi saramaram a ütä mwei

Föför 12:23

Lon ewe chök otun nöün ewe Samol chon läng a ni Herotes, pun esap ngeni Kot lingan. Iwe, moso ra äni fitukan pwe a mäla.

Föför 12:6

Lon ewe pwinin me mwen än Herotes epwe apwüngü Petrus me mwen ekewe aramas, Petrus a möür lefilen ruoman sounfiu, a riri ngeniir ren ruofoch sein seni mächä, nge a wor chon mamas ra mamasa asamalapen ewe imwen fötek.

Föför 12:8

Mürin ewe chon läng a üreni, “Kopwe anükü om pelit o ipweipwelong ipwom sus.” Iwe, Petrus a föri iei usun. Mürin ewe chon läng a üreni, “Kopwe üföüfolong üfom we o tapweto müri.”

Föför 16:26

Iwe, a müttir fis eu chechen fanü mi fokun watte, pwe ewe imwen fötek tori longolongun a mwökütüküt. Lon ewe chök otun ekewe asamalap meinisin ra sukula, nge ekewe selimächä mi föfö ngeni ekewe chon fötek ra pichila.

Föför 2:24

Nge Kot a amanauasefäli seni mäla. A angasala i seni manamanen mäla, pun esap tufich pwe mäla epwe amwöchü i.

Föför 5:19

Nge lepwin eman nöün ewe Samol chon läng a suki asamen ewe imwen fötek o emwenawu ekewe soukünö me lon. Iwe, a üreniir,

Föför 9:3

Iwe, lupwen Saul a sai o arap ngeni ewe telinimw Tamaskus, lon ena chök otun eu saram me läng a feitiu won.

Efisos 5:14

Pun meinisin mine a pwäöchüla a saram. Iei mine a mak: “En chon möür, kopwe pwätä, kopwe towu seni mäla, pun Kraist epwe asaramok.”

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

Pwärätä 18:1

Mürin ei, üa küna pwal eman chon läng a feitiu seni läng, a eäni watten manaman, o ren lingan a asaramala unusen fanüfan.