Föför 12:12 - Chuukese Bible

¹² Lupwen a wewela ren mine a fis ngeni, a feila ngeni imwen Maria, inen Johannes mi pwal iteni Markus. Ikenan chomong aramas ra chufengen o iotekfengen.

Föför 12:12 Iomraidhean Croise

Aisea 65:24

Iwe, üpwe apwönüetä ar iotek mwen resamwo tüngor, nge lupwen ra chüen fos, üpwe aüselingeer.

Föför 12:25

Iwe, lupwen Parnapas me Saul ra wes le föri ar angang, ra liwinsefäl seni Jerusalem, nge ra uwei Johannes mi pwal iteni Markus.

Föför 12:5

Iei usun Petrus a mwöchülong lon fötek, nge ekewe aramas lon ewe mwichefel ra likitü le ikiotek ngeni Kot fän itan.

Föför 13:13

Iwe, Paulus me chienan kana ra sai seni Pafos o sai ngeni Perka lon Pamfilia. Ikenan Johannes Markus a imwü seniir o liwinsefäliti Jerusalem.

Föför 13:5

Lupwen ar tori ewe telinimw Salamis, ra afalafala ewe kapasen Kot lon än ekewe chon Juta kewe imwen felikis. Iwe, Johannes Markus a pwal fitiir ren an epwe alisiir lon ewe angang.

Föför 16:40

Iwe, lupwen ar towu seni ewe imwen fötek, ra feila lon imwen Litia. Ikenan ra churi chiechier kewe chon lükü Jesus o apöchöküla letiper ren ar kapas, mürin ra feila seniir.

Föför 4:23

Lon ewe chök otun Petrus me Johannes ra ngasala, ra liwiniti ar we mwich o apworausa ngeniir meinisin mine ekewe souasor mi lap me ekewe souakom ra üreniir.

Kolose 4:10

Aristarkus chienei chon fötek a tinala an kapong ngenikemi, pwal Markus pwiin Parnapas. (Oua fen angei ekewe kapasen öüröür usun ämi oupwe etiwa Markus are epwe feito remi.)

2. Timoty 4:11

Lukas chök a nom rei. Kopwe angei Markus pwe epwe etuketo, pun a tongeni alisiei lon ai angang.

Filimon 1:24

pwal Markus, Aristarkus, Temas me Lukas chienei kewe chon angang ra kapong ngonuk.

1. Petrus 5:13

Ewe mwichefel lon Papilon mi usun chök eman pwiimi, a pwal fil me ren Kot, a kapong ngenikemi, pwal nei we Markus.