Föför 12:11 - Chuukese Bible

¹¹ Mürin Petrus a mefi mine a fis ngeni o a apasa, “Iei üa silei pwe mine a fis ngeniei a wesewesen let. Ewe Samol a tinato nöün we chon läng pwe epwe angasaei seni fän nemenemen Herotes, pwal seni ekewe mettoch meinisin ekewe aramasen Juta ra ekiekin föri ngeniei, pwe üpwe tolong lon riaföü.”

Föför 12:11 Iomraidhean Croise

Keneses 15:13

Iwe, ewe Samol mi Lapalap a üreni Apram, “Iei kopwe fokun silei pwe mwirimwirum kana repwe wasöla lon eu fanü sap fanüer. Aramas repwe nöüniir amanau ikenan, repwe küna riaföü lon ükükün föpükü ier.

Keneses 18:13

Mürin, ewe Samol mi Lapalap a üreni Apraham, “Pwota Sara a takir o ekieki lon lelukan, ‘Ifa usun, üpwe wesewesen tongeni nöünöü lon ai chinlap?’

Keneses 26:9

Iwe, Apimelek a körato Isaak o üreni, “Neminan wesewesen pwülüom. Pwota ka apasa pwe i fefinom?” Nge Isaak a pälüeni, “Üa chök ekieki pwe üpwe ninniila pokitan.”

2. Samuel 22:1

Iwe, Tafit a eäni ei köl ngeni ewe Samol mi Lapalap lon ewe rän ewe Samol mi Lapalap a angasa i seni chokewe meinisin mi oput, pwal seni Saul.

2. Kronika 16:9

Pun ewe Samol mi Lapalap a nenengeni unusen fanüfan, pwe epwe apöchöküla chokewe mi fang ngeni unusen letiper. Om ei föför a mwäl. Iei mine seni ei fansoun epwe chök fifis maun ngonuk.”

Hiop 31:31

Nei kewe chon angang meinisin ra silei pwe üa amongöü ekewe chon ekis fansoun meinisin.

Hiop 5:19

Kot epwe angasok seni wonu weires, nge lon fisu weires esap wor och feiengau epwe toruk.

Kölfel 109:31

Pun i a peni ewe chon mwelele, pwe epwe amanaua seni chokewe mi atipisi pwe epwe mäla.

Kölfel 33:18

Ewe Samol mi Lapalap a mamasa chokewe mi niuokusiti, pwal chokewe mi apilükülüküni an tong ellet,

Kölfel 33:19

pwe epwe angaseer seni mäla o tümwünüür, pwe repwe tongeni manau lupwen fansoun lengita.

Kölfel 34:22

Ewe Samol mi Lapalap a amanaua nöün kewe chon angang. Esap wor eman lein chokewe mi eäni Kot lenien op epwe küna liwiningau.

Kölfel 34:7

Nöün ewe Samol mi Lapalap chon läng a nom pwelin ünükün chokewe mi niueiti i o angaseer seni feiengau.

Kölfel 41:2

Ewe Samol mi Lapalap epwe tümwünüür o amwöchü manauer, nge ir repwe iteni chokewe mi feiöch me lon ewe fanü. Iwe, esap atolongeer lepöün ekewe chon oputeer.

Kölfel 97:10

Ewe Samol mi Lapalap a echeni chokewe mi oput mine a ngau. A tümwünü manauen nöün kewe chon pin o angaseer seni ekewe aramasangau.

Taniel 3:25

Iwe, ewe king a apasa, “Nge pwota üa küna föman mwän resap fööfö, ra fetal lukalapen ewe ekkei, nge resap feiengau. Iwe, lapalapen ewe afömanün a usun chök eman nöün ekewe kot?”

Taniel 3:28

Iwe, Nepukatnesar a apasa, “Üpwe mwareiti än Satrak, Mesak me Apetneko we Kot. A tinato nöün chon läng pwe epwe angasa nöün chon angang mi lükü i. Iwe, ra purätiu ai kewe allük o fangela inisir, pun resap mochen chapetiu o fel ngeni eman kot lükün ar we Kot.

Taniel 6:22

Ai Kot a tinato eman chon läng pwe epwe pinei awen ekei laion. Iwe, resap tongeni afeiengauaei, pokiten esap wor ai tipis ngeni Kot pwal ngonuk ai king.”

Lukas 15:17

Mürin a nela lelukan. Iwe, a apasa, ‘Nöün semei kewe chon angang mi liwin meinisin a watte aner, lap seni ar tongeni mongö, nge iei üa nom ikei lon ai mään echik.

Föför 12:7

Lon ei chök otun eman nöün ewe Samol chon läng a ü ikenan o eu saram a asarama lon ewe ruum. Iwe, ewe chon läng a pisiri won afaren Petrus, a apwökätä o üreni, “Kopwe müttir pwätä!” Lon ei chök otun ekewe sein seni mächä ra turutiu seni won pöün Petrus.

Föför 24:27

Iwe, ruu ier mürin, Porkius Festus a siwili Feliks lon wisen kepina. Nge Feliks a mochen kütta an chen me ren ekewe chon Juta, iei mine a likiti Paulus lon imwen fötek.

Föför 25:9

Nge Festus a mochen kütta an chen me ren ekewe chon Juta, iei mine a aisini Paulus, “Ifa usun, ka tipeeu ngeni om kopwe feila Jerusalem, pwe üpwe apwünguk ikenan won ekei kapasen atutur ra atipisuk won?”

Föför 5:19

Nge lepwin eman nöün ewe Samol chon läng a suki asamen ewe imwen fötek o emwenawu ekewe soukünö me lon. Iwe, a üreniir,

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

2. Petrus 2:9

Ekei pworaus ra aiti ngenikich, pwe ewe Samol a silei usun an epwe amanaua ekewe aramas mi likitü lon ar lükü seni sosot, nge epwe amwöchü ekewe chon föföringau ngeni ewe Ränin Kapwüng, pwe epwe apwüngüür.