Föför 12:10 - Chuukese Bible

¹⁰ Ra pwere seni ewe aeuin mwichen chon mas me ewe aruuen mwichen chon mas o ra tori ewe amüchülan asamalap seni mächä mi wene ngeni ewe telinimw. Iwe, ewe asamalap a püsin sukula ngeniir o ir me ruoman ra towu. Ra mwinemwinela won ewe al, nge lon ei chök otun ewe chon läng a feil seni Petrus.

Föför 12:10 Iomraidhean Croise

Keneses 40:3

Iwe, a fötekiniir lon imwen ewe meilapen sounfiu mi wisen tümwünü imwen Farao. Iei ewe imwen fötek Josef a pwal nom lon.

Keneses 42:17

Mürin, Josef a atururolong lon imwen fötek o anomuur ie lon ükükün ülüngat rän.

Aisea 21:8

Iwe, ewe chon mas a leüömong le kökkö, “Ai samol, üa chök ükütä won ai lenien mamas lerän me lepwin.”

Numperis 15:34

Iwe, ra kalapusei ewe mwän, pun esap fat mine epwe fis ngeni.

Johannes 20:19

Iwe, lekuniolun ewe chök ränin, lon ewe aeuin ränin wiik, ekewe chon kaiö ra mwichfengen lon eu imw, nge ra lokeela asaman kewe, pun ra niuokusiti ekewe nöüwisen chon Juta. Mürin Jesus a feito, a ütä lefiler o üreniir, “Kinamwe epwe torikemi.”

Johannes 20:26

Eu wiik mürin ekewe chon kaiö ra pwal mwichfengen lon ewe imw, nge Tomas a nom rer. Iwe, ekewe asam ra lokola, nge Jesus a feito, a ütä lefiler o üreniir, “Kinamwe epwe torikemi!”

Föför 12:4

Mürin an turufi Petrus, a aturalong lon imwen fötek. Ikenan a atolonga lepöün rüanü mwichen sounfiu, akaföman lon eu mwich. Herotes a ekiekin föri kapwüng ngeni Petrus me mwen ekewe aramas mürin ewe chulapen Pasofer.

Föför 16:26

Iwe, a müttir fis eu chechen fanü mi fokun watte, pwe ewe imwen fötek tori longolongun a mwökütüküt. Lon ewe chök otun ekewe asamalap meinisin ra sukula, nge ekewe selimächä mi föfö ngeni ekewe chon fötek ra pichila.

Föför 5:19

Nge lepwin eman nöün ewe Samol chon läng a suki asamen ewe imwen fötek o emwenawu ekewe soukünö me lon. Iwe, a üreniir,

Pwärätä 3:7

“Kopwe makkei ngeni ewe chon künöön ewe mwichefel lon Filatelfia: Iei alon ewe eman mi pin o let, ewe mi amwöchü ewe ki än Tafit. Iwe, met a suki ngeni ewe ki esap wor eman a tongeni öpüngala, nge met a öpüngala esap wor eman a tongeni suki.