Föför 11:3 - Chuukese Bible

³ “En ka wasöla lon imwen ekewe chon lükün Israel resap sirkomsais, ka pwal mwo nge etiir le mongö!”

Föför 11:3 Iomraidhean Croise

Mateus 9:11

Lupwen ekewe Farisi ra küna ei, ra üreni nöün kewe chon kaiö, “Pwota nöümi we sense a mongöfengen me ekewe chon ioni takises me chon tipis?”

Lukas 15:2

ekewe Farisi me Sensen Allük ra popuetä le ngününgünü o üra, “Ei mwän a etiwa chon tipis, a pwal mwo nge etiir le mongö.”

Johannes 18:28

Lesosorusich chök nge ra emwenala Jesus seni imwen Kaifas ngeni imwen ewe kepina. Nge ekewe nöüwisen chon Juta resap tolong lon ewe imw, pun ra mochen ar repwe limöch o apwönüetä pwüngün ar lamalam, lupwen repwe mongö ewe mongön Pasofer.

Föför 10:23

Mürin Petrus a köralong ekewe mwän lon ewe imw, pwe repwe wasöla ren. Iwe, sorotän ewe rän Petrus a etiirela, nge pwal ekoch pwipwi seni Joppa ra etala.

Föför 10:28

Iwe, a üreniir, “Ämi oua fokun silei, pwe a ü ngeni ach lamalam pwe eman chon Juta epwe chiechi ngeni eman chon lükün Israel are tolong lon imwan. Nge Kot a aiti ngeniei pwe üsap anomu eman aramas lon tettelin aramas mi limengau ika ngau.

Föför 10:32

Kopwe tinala ekoch aramas Joppa ren Simon a pwal iteni Petrus pwe epwe feito. I a wasöla lon imwen Simon eman chon angang ngeni silin man, a nom imwan aroset.’

Föför 10:48

Iei mine a allük ngeniir pwe repwe papatais lon iten Jesus Kraist. Mürin ra tüngor ngeni Petrus pwe epwe nonom rer ekoch rän.

1. Korint 5:11

Iwe, iei wewen ai kei kapas, pwe ousap chiechi ngeni eman aramas mi püsin aita ngeni pwe i eman souläng, nge fen i eman mi föri sokun föför mi fokun ngau, ika eman chon tipemong, ika eman chon angang ngeni anümwäl, ika eman chon aitengaua aramas, ika eman chon ünüpuch, ika eman chon solä. Ousap mwo nge mongöfengen me ena sokun aramas.

Kalatia 2:12

Pun me mwen ekoch mwän, James a tiniirela, resamwo tori Antiokia, Petrus a momongöfengen me ekewe soulängin chon lükün Israel. Nge lupwen an ekei mwän war, Petrus a ütä seniir o esap chüen etiir le mongö, pun a niuokusiti ätekewe mi apasa pwe ekewe chon lükün Israel repwe sirkomsais.

2. Johannes 1:10

Iei mine are eman a feito remi nge esap uwato ei afalafal, ousap etiwa i lon imwemi, ousap mwo nge apasa lon ämi kapong, “Kinamwe epwe nonom reöm.”