Föför 11:1 - Chuukese Bible

¹ Iwe, ekewe soukünö me ekewe chon lükü Jesus lon unusen Jutea ra rongorong pwe ekewe chon lükün Israel ra pwal etiwa kapasen Kot.

Föför 11:1 Iomraidhean Croise

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Kölfel 22:27

Chon fanüfan meinisin repwe chechemeni ewe Samol mi Lapalap o kuliti i. Chon ekewe ainang seni ekewe mwü meinisin repwe fel ngeni.

Aisea 11:10

Lon ena fansoun epwe fis pwe ewe king mi fö seni mwirimwirin Tafit epwe ütä usun chök efoch asisil fän iten chon ekewe mwü meinisin. Iwe, repwe chufengen lon telinimwan mi ling o asamolu.

Aisea 32:15

Iwe, ei epwe fis tori Kot epwe tinato Ngünün woch. Mürin, ewe fanüapö epwe wiliti eu tanipi mi pwülüöch, nge ewe tanipi mi pwülüöch epwe usun chök eu lenien wöllap.

Aisea 42:1

Iwe, ewe Samol mi Lapalap a apasa, “Iei i nei we chon angang üa apöchöküla, nei üa afili, üa unusen pwapwa ren. Üa anomu Ngüni won, nge i epwe awarato pwüng ngeni mwün fanüfan meinisin.

Aisea 42:6

“Ngang ewe Samol mi Lapalap, üa filukutä fän wenechar, üa pwal amwöchü poum o tümwünuk. Iwe, üpwe föri reöm eu pwon ngeni aramasen fanüfan meinisin, kopwe pwal uwato saram ngeni chon ekewe mwü won fanüfan.

Aisea 49:6

Iwe, a apasa, “Kosap nei chök chon angang mi wisen achufengeni chon ekewe ainangen Israel o aliwinato chokewe mi chüen manau me leir. Nge üpwe pwal föri pwe kopwe eu saram fän iten chon ekewe mwü, pwe chon fanüfan meinisin repwe küna manau.”

Aisea 52:10

Iwe, ewe Samol mi Lapalap a pwärawu an manaman mi pin ngeni chon ekewe mwü won fanüfan, nge lesopun fanüfan meinisin repwe küna pwe ach we Kot a amanaua nöün aramas.

Aisea 60:3

Iwe, chon ekewe mwü repwe feito ren saramom, nge ekewe king repwe feito ren saramen tinom we mi usun saramen mallen rän.

Aisea 62:2

Chon ekewe mwü repwe küna om pwüng, nge ekewe king meinisin repwe nenengeni lingom. Iwe, repwe aita ngonuk eu it mi fö, ewe Samol mi Lapalap a aita ngonuk.

Jeremaia 16:19

Ai Samol mi Lapalap, en ai pöchökül me imwei imwen maun, en ai lenien op lon fansoun riaföü. Chon ekewe mwü repwe feito reöm seni lesopun fanüfan o apasa, “Esap wor och äm kewe lewo ra fel ngeni, ngei kot mi mwäl, ekewe uluulun anümwäl mi lomotongau.

Osea 2:23

Üpwe fotukätiu nei aramas lon ewe fanü o efefeitäär. Üpwe pwäri ai chen ngeni chokewe mi iteni ‘Esechen’ o üreni chokewe mi iteni ‘Sap nei aramas’ pwe ir ‘Nei aramas’, nge ir repwe üra, ‘En äm we Kot!’”

Mika 5:7

Mürin ekewe mi chüen manau seni mwirimwirin Jakop repwe wewe ngeni amurenipwin seni ewe Samol mi Lapalap me lein chomong mwü, repwe pwal wewe ngeni üt won fetil. Resap eäni apilükülük aramas ika älälei och seni chon fanüfan.

Sefanaia 2:11

Ewe Samol mi Lapalap epwe eniweer, lupwen epwe ataela ekewe koten fanüfan meinisin. Mürin, chon ekewe mwü meinisin repwe fel ngeni Kot lon en me püsin fanüan.

Sefanaia 3:9

Mürin, üpwe awili letipen chon ekewe mwü, pwe resap chüen fel ngeni ekewe uluulun anümwäl, nge repwe chök iotek ngeniei, Ngang ewe Samol mi Lapalap, o angang ngeniei fän tipeeu.

Sekaraia 2:11

Iwe, lon ewe rän, chomong chon ekewe mwü repwe feito ren ewe Samol mi Lapalap o wiliti nöün aramas. Iwe, i epwe imweimw lefilemi, nge ämi oupwe silei pwe ewe Samol mi Unusen Manaman a tinieito remi.

Malakai 1:11

Pun seni ewe ia akkar a töta me ie tori ewe ia a tuputiu me ie chon ekewe mwü ra asamolu itei. Ekis meinisin ra eäni asor apach mi pwokus ngeniei, eu asor mi limöch. Pun chon ekewe mwü ra asamoluei.

Mateus 2:1

Iwe, Jesus a uputiu lon Petleem lon ewe fanü Jutea lon mwün ewe king Herotes. Mürin ekis fansoun, ekoch mwän mi silelapei pekin kaiö ngeni fü seni fanüen ötiu ra feito Jerusalem.

Mateus 8:11

Üpwe ürenikemi, pwe chomong aramas repwe feito seni ötiu me lotou o mot arun chepel ren Apraham, Isaak me Jakop lon ewe kametip lon Mwün Läng.

Markus 16:5

Iwe, lupwen ar tolong lon ewe peias, ra küna eman alüal mi üföüf echö üf mi pwechepwech, a mot lepelifichin ewe peias me epek. Iwe, ra fokun rükö.

Lukas 2:32

Epwe eu saram mi pwärala letipom ngeni chon lükün Israel, nge epwe awarato ling ngeni noumw aramasen Israel.”

Föför 1:15

Ekoch rän mürin a fis eu mwichen chon lükülük, ina epwe ükükün ipükü rüwe. Iwe, Petrus a ütä lefiler

Föför 11:29

Iwe, ekewe chon lükü Jesus ra tipeeufengen, pwe än eman me eman leir alilis won ükükün an tongeni epwe titila ngeni pwiir kewe chon lükü mi nom lon Jutea.

Föför 14:27

Iwe, lupwen ar tori Antiokia, ra achufengeni aramasen ewe mwichefel o apworausa ngeniir meinisin mine Kot a föri ngeniir, pwal usun an suki eu asam ngeni ekewe chon lükün Israel pwe repwe lükü Jesus.

Föför 15:3

Iwe, chon ewe mwichefel ra tiniirela, nge lupwen ar saifetal lon Fönisia me Samaria, ra apworausa ngeni ekewe chon lükü Jesus usun än ekewe chon lükün Israel kul ngeni Kot. Ei pworaus a afisätä watten pwapwa lon leluken ekewe chon lükülük meinisin.

Föför 28:15

Iwe, ekewe chon lükü Jesus mi nom lon Rom ra rong usum, ra feila tori ekewe kükün telinimw iter Appius Forum me Ülüngat Imwen Wasöla, pwe repwe sounikem. Iwe, lupwen Paulus a küneer, a kilisou ngeni Kot o letipan a fokun pöchökülela.