Föför 10:4 - Chuukese Bible

⁴ Kornelius a newenewen ngeni lon an niuokus o aisini, “Ai samol, met ka mochen?” Ewe chon läng a pölüeni, “Kot a etiwa om iotek me om alisi ekewe chon wöüngau o a chechemenuk.

Föför 10:4 Iomraidhean Croise

2. Kronika 32:24

Iwe, lon ena fansoun Hiskia a samau o arap ngeni an epwe mäla. A iotek ngeni ewe Samol mi Lapalap, nge i a pälüeni o awora ngeni eu asisil, pwe a pöchökülsefäl.

2. Kronika 6:33

kopwe aüselinga me läng ewe ia ka nom ie. Iwe, kopwe mwütätä meinisin mine ewe chon ekis a tüngor ngonuk. Ren ei ekewe aramasen fanüfan meinisin repwe silei itom o meninituk, usun noum aramasen Israel ra föri, repwe pwal silei pwe ei imwenfel üa aüetä a eu leni ia aramas repwe fel ngonuk ie.

Kölfel 141:2

Ai iotek epwe wewe ngeni eu asoren apach mi pwokus me mwom, ai aitietä pei epwe wewe ngeni eu asoren lekuniol.

Kölfel 20:3

Amwo epwe etiwa om kewe asor meinisin o pwapwaäsini om kewe asoren kek.

Aisea 43:26

Kopwe achema ngeniei om kewe föför mi öch. Sipwe kapwüngfengen. Kopwe feito o fos pwe epwe pwä om pwüng.

Aisea 45:19

Üsap fos lemonomon are lon eu leni mi rochopwak. Üsap apasa ngeni ekewe mwirimwirin Jakop pwe repwe resin küttaei, nge resap künaei. Ngang ewe Samol mi Lapalap, üa apasa mine a let, üa pwärätä mine a pwüng.”

Taniel 10:11

Iwe, ewe chon läng a üreniei, “Taniel, en eman mwän mi watte chenum me ren Kot. Kopwe ütä o aüselingöchü mine üpwe ürenuk, pun iei Kot a tinieito reöm.” Nge lupwen a kapas ngeniei, üa ütä fän chechech.

Lifitikos 2:2

Iwe, epwe uwato ren ekewe souasor nöün Aaron kewe mwän. Nge ewe souasor epwe tukei ekumwuch seni ewe pilawa mi amas o mürina fiti ewe apüra me unusen ewe apach mi pwokus o kenala me won ewe rongen asor, iei asisilan pwe a asor meinisin. Pun ei eu asor ewe Samol mi Lapalap a efich pwoon.

Malakai 3:16

Mürin, chokewe mi niuokusiti ewe Samol mi Lapalap ra kapasfengen lefiler, nge ewe Samol mi Lapalap a afäliir o aüselinga ar kapas. A wor eu puken achechem me fän mesan, a makelong iten chokewe mi niuokusiti i, ewe Samol mi Lapalap, o chechemeni itan.

Mateus 26:13

Enlet, üpwe ürenikemi: Ekis meinisin won unusen fanüfan ia aramas repwe afalafala ei Pworausen Manau ie, ikenan aramas repwe pwal apworausa mine neminei a föri pwe achechemenien itan.”

Lukas 1:29

Iwe, Maria a fokun rükö ren mine ewe chon läng a üreni o a ekieki lon lelukan usun wewen an kewe kapas.

Lukas 24:5

Iwe, ekewe fefin ra fokun niuokus o chapetiu le pwül, nge ekewe mwän ra üreniir, “Pwota oua kütta ewe mi manau lein ekewe mi mäla?

Föför 10:31

o a apasa, ‘Kornelius! Kot a aüselinga om iotek o chechemeni om alilis ngeni ekewe chon wöüngau.

Föför 14:9

Ätei a rong än Paulus afalafal. Paulus a küna pwe a wor an lükü pwe a tongeni pöchökületä. Iei mine a newenewen ngeni

Föför 22:10

Iwe, üa aisini, ‘Ai Samol, met ka mochen üpwe föri?’ Ewe Samol a üreniei, ‘Kopwe pwätä o feila lon ewe telinimw Tamaskus, ikenan repwe ürenuk meinisin mine Kot a akota pwe kopwe föri.’

Föför 3:4

Iwe, ra newenewen ngeni, nge Petrus a üra, “Kopwe nenengenikem!”

Filipi 4:18

Iei toropwen ekewe mettoch meinisin oua ngeniei, ewer, a fen somwosomwola. Iei a wor rei mettoch meinisin, pun üa angei seni Epafrotitus ekewe lifang oua tinato rei. Ekei lifang ra usun chök eu asor ngeni Kot mi poöch, eu lifang Kot a etiwa o pwapwa ren.

Filipi 4:6

Ousap lolilenäsini och mettoch, nge lon ämi osupwang meinisin oupwe iotek o tüngor ngeni Kot pwe epwe alisikemi. Oupwe tüngor fansoun meinisin fän kilisou.

Ipru 13:16

Ousap manlükala ämi oupwe föri föför mi öch o alilisfengen lefilemi, pun ena sokun asor Kot a pwapwa ren.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

Pwärätä 8:4

Iwe, ötüötün ewe apach mi pwokus a feitä fiti än ekewe chon pin iotek seni lepöün ewe chon läng mi ütä mwen mesen Kot.

1. Samuel 3:10

Iwe, ewe Samol mi Lapalap a feito, a ütä o kökkö usun me mwan, “Samuel, Samuel!” Samuel a üreni, “Kopwe kapas, ngang noum chon angang üa aüseling.”