Föför 1:9 - Chuukese Bible

⁹ Iwe, lupwen Jesus a wes le apasatä ekei kapas, a feilunusetä läng lupwen ar nenengeni. Iwe, eu kuchu a amonala seniir.

Föför 1:9 Iomraidhean Croise

Kölfel 68:18

A feitä won ewe chuk mi tekia o emwenätä chon oola lon an mwich mi tapwela mürin, a pwal angei lifang seni aramas, fokun seni chokewe mi ü ngeni, Kot ewe Samol mi Lapalap epwe nonom ikenan.

Ekistos 19:9

Iwe, ewe Samol mi Lapalap a üreni Moses, “Üpwe feito reöm lon eu kuchuchol, pwe ekewe aramas repwe rongorong lupwen üpwe kapas ngonuk, repwe pwal lükuk fansoun meinisin.” Mürin, Moses a asile ngeni ewe Samol mi Lapalap alon ekewe aramas.

Ekistos 34:5

Mürin, ewe Samol mi Lapalap a feitiu lon eu kuchu, a ütä ren Moses ikenan o kökköri itan we Samol mi Lapalap.

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Taniel 7:13

Mürin üa küna me lon künaei lepwin eman a feito me lon kuchun läng, a usun chök lapalapen eman nöün aramas. Iwe, ra emwenato ren Kot ewe mi nom seni me lomlom, pwe epwe nom fän mesan.

Markus 16:19

Mürin än Jesus fos ngeni nöün kewe chon kaiö a feitä läng o mottiu lepelifichin Kot.

Lukas 21:27

Lon ena fansoun repwe küna Nöün Aramas, epwe feito won kuchu fän manaman me ling mi lapalap.

Johannes 6:62

Epwe ifa usun are oupwe küna Nöün Aramas lon an liwinsefälitä ngeni ewe leni ia a nom ie me mwan?

Föför 1:11

o ra üreniir, “Ämi re Kalilea, pwota oua ü ikei o nenetä chök läng? Ewe Jesus mi feil senikemi o feitä läng epwe liwinsefälito lon ewe chök lapalap oua küna lon lupwen a feitä läng.”

Föför 1:2

tori ewe rän a feilunusetä läng. Nge mwen an feilunusetä a atowu kapasen öüröür fän manamanen Ngünmifel ngeni ekewe mwän a filiiretä pwe repwe nöün soukünö.

1. Tesalonika 4:17

Mürin kich mi chüen manau ngeni ena fansoun sipwe etekitä o chufengen me ir lon kuchu, pwe sipwe churi ach Samol lon längin asepwäl. Iei usun sipwe nonomfengen me ach Samol fansoun meinisin.

1. Timoty 3:16

Kich sia pwärätä pwe a fokun lapalap monomonen ach lükülük: I a pwäla lon fituk, a pwä pwe a pwüng me ren Ngünmifel, chon läng kana ra küna i, chon fanüfan ra rongorong pworausan, won fanüfan mi wor chon lükü itan, Kot a angeatä lon lingan.

Pwärätä 1:7

Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.

Pwärätä 11:12

Mürin ekewe ruoman soufos ra rongorong eu möngüngü mi leüömong a kapas ngeniir seni läng, “Oupwe feitä ikei!” Lupwen ekewe chon oputer ra nenengeniir, ra feita läng lon eu kuchu.

Pwärätä 14:4

Ir chokewe mi püsin tümwünüür pwe resap alimengauer ren ar tipis ngeni fefin, ra usun chök föpwül resamwo tori mwän. Ra tapwela mürin ewe Lam ekis meinisin ia a feila ie. Ra fen küna manau me lein ekewe aramasen fanüfan, pwe ir ekewe mweinöü fän iten Kot me ewe Lam.