Föför 1:7 - Chuukese Bible

⁷ Jesus a pölüeniir, “Esap wisemi pwe oupwe silei fansoun me ränin, pwe wisen chök Semei an epwe akota.

Föför 1:7 Iomraidhean Croise

Hiop 24:1

“Pwota Ewe mi Unusen Manaman esap awora eu fansoun kapwüng, pwota chokewe mi silei i resap fokun küna an kewe ränin apwüng?

Taniel 2:21

A siwili fansoun me kinikinin, a asapwilätiu king kana o seikiretä lon wiser, a pwal fang ngeni chon tipachem ar tipachem o ngeni chon silelap ar silelap.

Mateus 20:23

Jesus a üreniir, “Ewer, oupwe fokun ün seni ai we kap. Nge esap wor ai pwüüng ai üpwe filätä iö epwe mot lepelifichi me lepelimöngi. Ekei leni Semei a amolätä fän iten chokewe i a filiiretä.”

Mateus 24:36

“Esap wor eman a silei ewe rän are ewe kulok ekei mettoch repwe fis lon, sap mwo nge ekewe chon läng are ewe Nau, nge ewe Sam echök a silei.

Markus 10:40

Nge esap wor ai pwüüng ai üpwe filätä iö epwe mot pelifichi ika pelimöngi. Nge Kot epwe ngeni chokewe a filiiretä, pwe repwe mot lon ekei leni.”

Markus 13:32

“Esap wor eman a silei ewe rän are ewe kulok ekei mettoch repwe fis lon, ekewe mwo chon läng, ika ewe Nöün Kot resap pwal silei, pwe ewe Sam chök.

Lukas 21:24

Ekoch repwe ninnila ren ketilas, nge pwal ekoch repwe oola lon ekewe fanü meinisin. Iwe, ekewe chon lükün Israel repwe purätiu Jerusalem tori fansoun än chon lükün Israel nemenem a wes.

Föför 17:26

Seni eman aramas i a föri sokun aramas meinisin, pwe repwe nonom won unusen fanüfan. Mwen an föriir, a akota fansoun manauer o alenier lon en me lenian.

Efisos 1:10

Ei ekiek Kot epwe aunusöchü lupwen epwe tori ewe fansoun mi afat pwe epwe achufengeni förian meinisin lon läng me fanüfan, pwe repwe nonom fän nemenien Kraist.

Tuteronomi 29:29

Iwe, ekewe mettoch mi monomon än ewe Samol mi Lapalap ach we Kot. Nge ekewe mettoch mi pwäpwäla kapasen ei allük meinisin ach me än nöüch kana tori feilfeilachök, pwe sipwe aleasochisiir.”

1. Timoty 6:15

An wareto epwe fis lon ewe otun Kot a filätä. Kot i ewe eman chök Sounemenem sipwe mwareiti, i ewe King mi lapalap seni king meinisin, pwal i ewe Samol mi lapalap seni samol meinisin.

2. Timoty 3:1

Iwe, kopwe chechemeni pwe lon ekewe ränin lesopolan epwe wor fansoun weires.