Föför 1:3 - Chuukese Bible

³ Lon ükükün faik rän mürin an mäla a pwä ngeniir fan chomong lon chomong sokun lapalap mi alletätä ngeniir pwe a wesewesen manau. Ra küna i, nge i a kapas ngeniir usun ewe Mwün Kot.

Föför 1:3 Iomraidhean Croise

1. King 19:8

Iei mine Elias a pwätä, a mongö o ün, mürin a fetal fän pöchökül ren ngünüwen ewe mongö lon ükükün faik rän me faik pwin tori Horep ewe chukun Kot.

Mateus 21:43

Iei mine üpwe ürenikemi, pwe Kot epwe angei senikemi Mwün we o ngeni eu mwichen aramas mi awora ua ren ar föri föför mi pwüng.

Mateus 28:9

Lon ewe chök otun Jesus a churiir o üreniir, “Kinamwe epwe torikemi.” Iwe, ra feila ren, ra amwöchü pechen o fel ngeni.

Mateus 3:2

Iwe, a apasa, “Oupwe aier seni ämi tipis, pun a arap Mwün Läng.”

Mateus 4:2

Nge pokiten Jesus esap mongö och lon ükükün faik rän me faik pwin, a mefi echik.

Markus 16:19

Mürin än Jesus fos ngeni nöün kewe chon kaiö a feitä läng o mottiu lepelifichin Kot.

Johannes 20:26

Eu wiik mürin ekewe chon kaiö ra pwal mwichfengen lon ewe imw, nge Tomas a nom rer. Iwe, ekewe asam ra lokola, nge Jesus a feito, a ütä lefiler o üreniir, “Kinamwe epwe torikemi!”

Johannes 21:1

Mürin ei pworaus, Jesus a pwal pwä ngeni nöün kewe chon kaiö arun ewe nomun Tiperias. Iei usun mine a fis:

Johannes 21:14

Iei aülüngatin fansoun än Jesus pwä ngeni ekewe chon kaiö mürin an manausefäl seni mäla.

Föför 13:31

Iwe, lon chomong rän a pwä ngeni chokewe mi eti i lon an saifetal seni Kalilea tori Jerusalem. Iei ir ra chon pwärätä i ngeni ekewe aramasen Israel.

Föför 19:8

Iwe, Paulus a feila lon ewe imwen felikis, nge a pwora le afalafal ngeni ekewe aramas lon ükükün ülüngat maram. A kakapas ngeniir o pese ngeniir ar repwe lükü, pwe met i a apasa usun ewe Mwün Kot a let.

Föför 28:23

Iei mine ra filätä eu rän pwe repwe churi Paulus lon. Iwe, chomong me leir ra feito lon ewe rän lon ewe leni ia Paulus a nonom ie. Seni lesosor tori lepwin a afalafaleer o awewe ngeniir usun ewe Mwün Kot. A sotuni le pese ngeniir usun ar repwe lükü Jesus ren an pwärätä ngeniir ekewe kapas seni än Moses kewe allük me seni mine ekewe soufos ra makkeetiu.

Föför 28:31

A afalafal usun Mwün Kot o aiti ngeniir usun ach Samol Jesus Kraist. A pwora le kapas, nge esap wor eman a pinei.

Föför 8:12

Nge lupwen ra lükü än Filip afalafala ewe Pworaus Allim usun ewe Mwün Kot pwal usun Jesus Kraist, iwe, mwän me fefin ra papatais.

Nöün Paulus Toropwe ngeni ekewe Souläng lon Rom 14:17

Pun Mwün Kot esap longolong won anach me ünümach, nge a longolong won pwüng, kinamwe me pwapwa mi feito seni ewe Ngünmifel.

Tuteronomi 9:18

Mürin üa chapetiu fän mesen ewe Samol mi Lapalap faik rän me faik pwin usun me mwan. Üsap mongö, üsap pwal ün pokiten ämi tipis meinisin oua föri, pun oua föri mine a ngau fän mesen ewe Samol mi Lapalap, oua pwal asonga.

Tuteronomi 9:9

Lupwen üa feitä won ewe chuk pwe üpwe angei ekewe rüepek fau mi chöpöp, ia a mak ie kapasen ewe pwon ewe Samol mi Lapalap a eäni ngenikemi, üa nonom won ewe chuk lon ükükün faik rän me faik pwin. Üsap mongö, üsap pwal ün.

Kolose 1:13

A angasakich seni fän nemenien rochopwak o atolongakich lon mwün Nöün we mi achengicheng.

1. Tesalonika 2:12

Äm aia apöchöküla letipemi o aururukemi, aia pwal allük ngenikemi pwe oupwe manaueni ewe sokun manau mi apwapwai Kot, ewe mi körikemi pwe oupwe eti i lon Mwün me lingan.

1. Johannes 1:1

Äm aia mak ngenikemi usun ewe Kapasen Manau mi nonom chök seni me lepoputän. Aia fen rongorong ren selingem me küna ren mesem, ewer, aia fen küna o atapa ren pöüm.