Föför 1:26 - Chuukese Bible

²⁶ Mürin ra föri ewe angangen üttüt won ekewe ruoman mwän. Iwe, ra ütti Matias. Ätei a pach ngeni ewe mwichen ekewe engol me ruoman soukünö.

Föför 1:26 Iomraidhean Croise

1. Kronika 24:5

Pokiten mi wor meilapen ewe leni mi pin, pwal nöün Kot kewe chon angang mi lap lein ekewe mwirimwirin Eleasar, pwal lein ekewe mwirimwirin Itamar, iei mine ra awisa ngeni eu me eu mwich an angang fän üttüt.

Nehemia 10:34

Äm kewe souasor, ekewe mwän seni ewe ainangen Lefi me ekewe aramas, aia pwal üttüt won iö lein än semelapem kewe cho epwe uwato amwüch lon imwen äm we Kot iteiten ier lon ewe fansoun mi afat, fän iten ekewe asor repwe kek won än ewe Samol mi Lapalap äm we Kot we rongen asor, usun a fen mak lon ewe allük.

Nehemia 11:1

Iwe, ekewe souemwenin aramas ra nom lon Jerusalem. Nge ekewe lusun aramas ra üttüt won eu famili me lein engol famili pwe epwe feito o nonom lon Jerusalem ewe telinimw mi pin, nge ekewe tiu lusun repwe nonom lon en me an telinimw.

Än Salomon Fos 16:22

Tipachem eu puächen manau ngeni chokewe mi eäni tipachem, nge tiparoch a atoto apwüng ngeni ekewe mi umwes.

Än Salomon Fos 16:33

Aramas ra asisil won mettoch, nge ewe Samol mi Lapalap a wesewesen filätä pwüngün.

Lifitikos 16:8

Ikenan Aaron epwe asisil won ekewe ruoman kuuch, eman fän iten ewe Samol mi Lapalap, nge ewe eman fän iten Asasel .

Sona 1:7

Mürin, ekewe säla ra kapasfengen lefiler, “Ou etto, sipwe asisil pwe sipwe silei iö leich a atoto woch ei feiengau.” Nge lupwen ra asisil, a pwä pwe Sona.

Markus 6:30

Iwe, nöün Jesus kewe chon kaiö ra liwinto ren Jesus o apworausa ngeni meinisin mine ra föri, pwal mine ra eäni afalafal.

Föför 1:23

Iwe, ra atolonga iten ruoman mwän: Josef mi pwal iteni Parsapas (pwal itan Justus) me Matias.

Föför 13:19

A akufu fisu mwü lon ewe fanü Kanaan o öffönüa nöün kewe aramas ngeni ewe fanü.

Föför 2:14

Mürin Petrus a ütä fiti ekewe engol me eman soukünö o a popuetä le kapas leüömong ngeni ewe mwichen aramas, “Ämi pwii kana chon Juta me ämi meinisin mi imweimw lon Jerusalem, oupwe aüselingaei o mwüt ngeniei ai üpwe awewe ngenikemi wewen ei lapalap.

Josua 14:2

Iwe, ra angei fanüer ren üttüt, usun ewe Samol mi Lapalap a fen allük fän iten ekewe tiu esop ainang.

Josua 18:10

Nge Josua a ütti üttier fanü me fän mesen ewe Samol mi Lapalap lon Silo. Mürin a aineti ewe fanü o ngeni eu me eu kewe lusun ainangen Israel inetin.

Pwärätä 21:14

Tittin ewe telinimw a kaütä won engol me ruoföü föün longolong, nge won ekei fau a mak iten nöün ewe Lam kewe engol me ruoman soukünö.