Föför 1:18 - Chuukese Bible

¹⁸ (Ewe moni Jutas a angei fän iten an föför mi ngau ra möni ngeni eu fanü. Ikenan a turutiu o mäla, a mökküfesen lukan pwe afan ra seliseliwu.

Föför 1:18 Iomraidhean Croise

Kölfel 55:15

Amwo mäla epwe müttir tori ekewe chon oputaei, amwo repwe feilmanauetiu lon lenien sotup. Pun ngau a nom lon lenier pwal lon leluker.

Kölfel 55:23

Nge en, ai Kot, kopwe aturätiu lon ewe lenien sotup ekewe chon nimanauei aramas me ekewe chon atuputup mwen esamwo tori esopun manauer. Nge ngang üpwe anomu ai apilükülük womw.

Sekaraia 11:13

Iwe, ewe Samol mi Lapalap a üreniei, “Kopwe uwalong ewe silifer ren ewe chon för sepi seni pwül, ewe liwin mi fokun mürina ra aükü ngeni pwe ina ükükün aücheai.” Iei mine üa angei ekewe ilik föün moni silifer o moneelong lon imwen ewe Samol mi Lapalap ren ewe chon för sepi seni pwül.

Numperis 22:17

Pun üpwe ngonuk chomong liwinum, nge meinisin mine ka üreniei üpwe föri. Kose mochen kopwe chök feito o anümamaua ngeniei ekei aramas.”

Numperis 22:7

Iwe, ekewe souakomwen Moap me ekewe souakomwen Mitian ra feila ren Palam o uweela owun eman soupwe. Nge lupwen ra tori, ra apworausa ngeni alon Palak.

Mateus 25:15

A ngeni eman me eman ükükün mine a tufich ngeni: A ngeni eman limungeröü föün moni silifer, a ngeni pwal ewe eman ruungeröü, nge a pwal ngeni ewe eman engeröü. Mürin a sai.