Föför 1:14 - Chuukese Bible

¹⁴ Ir meinisin ra tipeeu le chufengen o ikiotek fiti ekoch fefin me Maria inen Jesus me pwiin kewe.

Föför 1:14 Iomraidhean Croise

Mateus 12:46

Iwe, lupwen Jesus a chüen kapas ngeni ekewe aramas, inan me pwiin kana ra war. Ra ütä lükün ewe imw o tüngor pwe repwe kapas ngeni.

Mateus 21:22

Are oua lükülük, oupwe angei mettoch meinisin mine oua tüngor lon ämi iotek.”

Mateus 27:55

A pwal wor chomong fefin ikenan mi aköürü me ekis toau, ir chokewe mi tapwela mürin Jesus seni Kalilea pwe repwe tümwünü ngeni mine a eäni osupwang.

Markus 15:40

Iwe, mi pwal wor fefin ikenan mi aköürü me toau, me lein ekei fefin Maria Maktalene, Maria inen James ewe kükün me Josef pwal Salome.

Markus 16:1

Wesin ewe ränin sapat Maria Maktalene, Maria inen James me Salome ra kamö lö pwokus, pwe repwe feila o epiti somän Jesus we.

Lukas 11:13

Iwe, are mwo ämi aramas mi ngau oua silei ämi oupwe fang ngeni nöümi lifang mi mürina, epwe fen ifa me watten än Sememi lon läng fangela Ngünmifel ngeni chokewe mi tüngorei!”

Lukas 18:1

Mürin Jesus a apworausa ngeni nöün kewe chon kaiö eu pworausen awewe, pwe a mochen aiti ngeniir usun ar repwe iotek fansoun meinisin, nge resap achanü.

Lukas 23:49

Nge chokewe meinisin mi sisile Jesus me ekewe fefin mi tapwela mürin Jesus seni Kalilea ra ütä ekis toau ar repwe küna mine a fis.

Lukas 23:55

Iwe, ekewe fefin mi tapwela mürin Jesus seni Kalilea ra eti Josef le feila o nengeni ewe peias, ra pwal nengeni usun ar akona somän Jesus me lon.

Lukas 24:10

Ikei iten ekewe fefin: Maria Maktalene, Joanna me Maria inen James. Ir me pwal ekoch fefin mi etiir ra apworausa ekei mettoch ngeni ekewe soukünö.

Lukas 24:33

Mürin ra müttir ütä o liwinsefäliti Jerusalem o ra churi ekewe engol me eman chon kaiö, pwal ekewe ekoch ra mwichfengen.

Lukas 24:53

o ra chök nonom lon ewe imwenfel o mwareiti Kot.

Lukas 8:20

Eman a üreni Jesus, “Inom me pwiüm kewe ra nom lükün o mochen churuk.”

Föför 2:1

Iwe, lupwen a tori ewe ränin Pentikost, ekewe chon lükü Jesus meinisin ra chufengen lon eu leni.

Föför 2:42

Ra likitü le kaiö seni mine ekewe soukünö ra aiti ngeniir, ra likitü lon ar chiechifengen o mongöfengen ewe mongön ach Samol me ikiotekfengen.

Föför 2:46

Iteiten rän ra tipeeufengen le mwichfengen lon ewe imwenfel, ra mongöfengen lon imwer fän pwapwa me tipetekison.

Föför 6:4

Nge äm aipwe tupwöl le iotek o afalafala ewe kapasen Kot.”

Nöün Paulus Toropwe ngeni ekewe Souläng lon Rom 12:12

Oupwe pwapwa lon ämi apilükülüköch, oupwe mosonotam lon ämi riaföü, oupwe iotek fansoun meinisin.

1. Korint 14:13

Iei mine ewe aramas mi fos lon kapasen ekis epwe iotek, pwe epwe wor an tufich an epwe aföüü mine a apasa.

Efisos 6:18

Oupwe föri ekei mettoch meinisin lon ämi iotek ngeni Kot pwe epwe alisikemi. Oupwe iotek won met oua föri usun Ngünmifel a emwenikemi. Iei popun ämi oupwe mamasa o tupwöl fansoun meinisin, oupwe iotek fän iten ekewe chon pin meinisin iteiten fansoun meinisin.

Kolose 4:2

Oupwe likitü o mamasa lon ämi iotek, oupwe pwal iotekin kilisou ngeni Kot.