Föför 1:13 - Chuukese Bible

¹³ Iwe, lupwen ra tolong lon Jerusalem, ra feitä lon ewe ruum ia ra nonom ie. Ätekewe mi nom lon ei ruum: Petrus, Johannes, James me Andru, Filip me Tomas, Partolomeus me Mateus, James nöün Alfäus, Simon i eman Selot me Jut nöün James.

Föför 1:13 Iomraidhean Croise

Mateus 9:9

Iwe, lupwen Jesus a sopwela an sai seni ikenan, a küna eman chon ioni takises itan Mateus, a mot lon an ofes. Iwe, a üreni, “Kopwe tapweto müri.” Mateus a ütä o tapwela mürin Jesus.

Markus 14:15

Mürin epwe aiti ngenikemi eu ruum mi watte a nom asan, a molotä pisekin lon. Iwe, ikenan oupwe amolätä ewe mongö fän itach.”

Markus 14:33

Iwe, a aweinala Petrus, James me Johannes, pwe repwe fiti. Mürin a popuetä le letipeta o riaföü.

Markus 2:14

Lupwen a feila ekis, a küna Lefi nöün Alfäus, eman chon ioni takises, a mot lon an ofes. Jesus a üreni, “Kopwe tapweto müri.” Iwe, Lefi a ütä o tapwela mürin.

Markus 5:37

Mürin Jesus esap chüen mwüt ngeni eman epwe fiti, pwe Petrus chök me James me pwiin we Johannes.

Markus 9:2

Mürin wonu rän Jesus a emwenala Petrus, James me Johannes won eu chuk mi tekia, pwe repwe imwüla ikenan. Iwe, lupwen ar nengeni Jesus, a wilila won inisin.

Lukas 22:12

Iwe, epwe aiti ngenikemi eu ruum mi watte a nom asan, a fen wes le molotä pisekin lon. Ikenan oupwe amolätä meinisin.”

Johannes 11:16

Tomas, a pwal iteni Lippwe, a üreni chiechian kewe chon kaiö, “Ousipwe feila meinisin fiti ewe Sense, pwe sipwe eti i le mäla!”

Johannes 14:22

Mürin Jutas, (sap Jutas Iskariot) a üreni, “Ai Samol, ifa usun an epwe tongeni fis pwe kopwe pwäri ngenikem ususum, nge kosap pwäri ngeni chon fanüfan?”

Johannes 18:17

Iwe, ewe föpwül mi nom ünükün ewe asam a üreni Petrus, “Ifa usun, sap pwal en eman nöün enan mwän kewe chon kaiö?” Petrus a pölüeni, “Apw, sap pwal ngang.”

Johannes 21:2

Simon Petrus, Tomas a pwal iteni Lippwe, Nataniel seni Kana lon Kalilea, nöün Sepeti kewe ruoman mwän pwal ruoman nöün Jesus kewe chon kaiö ra chufengen.

Föför 12:17

Petrus a älipö ngeniir pwe repwe mosonoson o a apworausa ngeniir usun än ewe Samol emwenawu seni lon ewe imwen fötek. Mürin a üra, “Oupwe asile ngeni James me ekewe chon lükü ei pworaus.” Iwe, a feil seniir o feila lon pwal eu leni.

Föför 15:13

Nge lupwen ar wes le kapas, James a apasa, “Ämi pwii kana, oupwe aüseling ngeniei.

Föför 2:14

Mürin Petrus a ütä fiti ekewe engol me eman soukünö o a popuetä le kapas leüömong ngeni ewe mwichen aramas, “Ämi pwii kana chon Juta me ämi meinisin mi imweimw lon Jerusalem, oupwe aüselingaei o mwüt ngeniei ai üpwe awewe ngenikemi wewen ei lapalap.

Föför 2:38

Petrus a pölüeniir, “Ämi meinisin oupwe aier seni ämi tipis kana o papatais ngeni iten Jesus Kraist, pwe ämi tipis kana repwe musala. Iwe, oupwe angei an Kot we lifang, ewe Ngünmifel.

Föför 20:8

Mi wor chomong lamp lon ewe ruum asan ia ra chufengen ie.

Föför 4:13

Iwe, chon ewe mwichen soupwüng ra mairü lupwen ra küna än Petrus me Johannes pworacho, ra pwal silei pwe ir aramas resap fiti sukul. Iwe, ra mefi pwe ir fen chiechien Jesus.

Föför 4:19

Nge Petrus me Johannes ra pölüeniir, “Oupwe püsin apwüngü are a pwüng mwen mesen Kot ach sipwe aleasochis ngenikemi mwen ach aleasochisi Kot.

1. Korint 15:7

Mürin a pwä ngeni James, mürin a pwal pwä ngeni ekewe soukünö meinisin.

Kalatia 1:19

Üsap küna pwal eman ekewe soukünö, chilon chök James pwiin ach Samol.

Kalatia 2:9

Iwe, James, Petrus me Johannes, ir ekewe ürelapen mwichefel, ra mefi pwe Kot a ngeniei ei wis. Iei mine ra kapong won pöür ngenikem me Parnapas, iei ewe asisil pwe sia tipeeufengen lon ach angang. Ra tipeeu ngeni pwe Parnapas me ngang aipwe angang lein ekewe chon lükün Israel, nge ir repwe angang lein ekewe chon Juta.

James 1:1

Ngang James, eman nöün Kot me ach Samol Jesus Kraist chon angang, üa kapong ngeni ekewe engol me ruu ainang mi toropasfeil won unusen fanüfan.

2. Johannes 1:1

Ngang ewe Souakom üa kapong ngeni ewe Finesamol mi fil me nöün kana, ir chokewe üa wesewesen echeniir. Nge sap ngang chök üa echeniir, pwe pwal chokewe meinisin mi silei ewe let,

Jutas 1:1

Ngang Jut, eman chon angang ngeni Jesus Kraist, ngang pwal pwiin James, üa kapong ngeni chokewe mi kö o chen me ren Samach Kot o nom fän tümwünüen Jesus Kraist.