Föför 1:1 - Chuukese Bible

¹ Ngeni en Achengicheng olowe Teofilus: Lon aeuin nei we toropwe üa makkeetiu usun ekewe mettoch meinisin Jesus a föri me an kewe afalafal, seni ewe fansoun a popuetäni an angang

Föför 1:1 Iomraidhean Croise

Mateus 11:5

Ekewe mi mesechun ra küna mwer, ekewe mi pechemä ra fetal, ekewe mi üriir rupun pwötür ra chikarsefäl, ekewe mi selingepin ra rongorong, ekewe mi mäla ra manauatä, ekewe mi wöüngau ra rongorong afalafalen ewe Pworaus Allim.

Lukas 1:24

Ekoch fansoun mürin Elisapet pwülüan we a pwopwo. Nge lon ükükün limu maram a opolong lon imwan, pun a apasa,

Lukas 1:3

Pokiten ngang won inisi üa küttafichi mettoch meinisin seni lepoputän, iei mine a mürina ngeniei ai üpwe makkei pworauser lon kokotöchün fänäsengesum, en ämäfen Teofilus.

Lukas 14:22

Mürin ewe chon angang a üreni, ‘Ai samol, mine ka allük ngeniei a pwönüetä. Nge a chüen wor leni.’

Lukas 24:19

Jesus a aisiniir, “Ikafan ekewe mettoch?” Iwe, ra pölüeni, “Ekewe mettoch mi fis ngeni Jesus, ewe re Nasaret. Ei mwän eman soufos a wor manamanen an kapas me an föför mwen mesen Kot me aramas meinisin.

Lukas 3:23

Iwe, lupwen Jesus a popuetä an angang a ierini ina epwe ilik ier. Iei usun än aramas ekiek pwe Jesus nöün Josef, nge Josef nöün Eli,

Föför 2:22

“Ämi aramasen Israel, oupwe rong ekei kapas: Jesus seni Nasaret, eman aramas mi wor an pwüüng me ren Kot, usun a pwä ngenikemi ren ekewe tufich me manaman me asisil Kot a föri ren Jesus. Oua püsin silei usun ei, pun ra fis ikei lefilemi.