Filipi 4:9 - Chuukese Bible

⁹ Oupwe apwönüetä mine oua kaiö o angei seniei, mine oua rong seni ai kewe kapas o küna seni ai kewe föför. Iwe, Kot ewe mi ngenikich kinamwe epwe nonom remi.

Filipi 4:9 Iomraidhean Croise

Aisea 41:10

Iwe, kosap niuokus, pun ngang üa etuk, kosap pwal apilüküngau, pun ngang om Kot. Üpwe apöchökülok, üpwe pwal alisuk. Üpwe fokun tümwünuk o amanauok.

Aisea 8:10

Oupwe pwüngüpwüngfengen, nge ousap fokun pwäk ngeni och. Oupwe pwal apwüngala och, nge esap fokun fis, pun Kot ailem.

Mateus 1:23

“Nengeni, eman föpwül epwe pwopwo o nöüni eman ät, repwe aita ngeni Imanuel, wewen ‘Kot a nonom rech.’”

Mateus 28:20

Oupwe afalafaleer pwe repwe aleasochisi meinisin mine üa allük ngenikemi. Nge ngang üpwe etikemi fansoun meinisin tori lesopolan fanüfan.”

Mateus 7:21

“Esap aramas meinisin mi aita ngeniei ‘Samol, Samol’ repwe tolong lon Mwün Läng, nge chokewe chök mi föri letipen Semei lon läng.

Lukas 6:46

“Pwota oua aita ngeniei, ‘Samol, samol,’ nge ousap föri mine üa apasa ngenikemi?

Lukas 8:21

Nge Jesus a üreniir, “Inei me pwii ir chokewe mi rongorong kapasen Kot o aleasochis ngeni.”

Johannes 13:17

Iei oua silei ekei mettoch, oupwe feiöch are oupwe apwönüretä.

Johannes 15:14

Iwe, ämi chiechiei kana, are oupwe apwönüetä mine üa allük ngenikemi.

Johannes 2:5

Mürin inen Jesus a üreni ekewe chon angang, “Oupwe chök föri mine a ürenikemi.”

Föför 9:6

Iei kopwe ütä o feila lon ewe telinimw. Ikenan repwe ürenuk mine kopwe föri.”

Nöün Paulus Toropwe ngeni ekewe Souläng lon Rom 15:33

Kot, i popun ach kinamwe, epwe etikemi meinisin. Amen.

Nöün Paulus Toropwe ngeni ekewe Souläng lon Rom 16:20

Iwe, Kot, i popun ach kinamwe, epwe müttir apachacha Satan fän pechemi. Ümöümöchün ach Samol Jesus epwe nonom remi.

1. Korint 10:31

Iei mine are oua momongö ika ükün, ika met oua föri, oupwe föri meinisin pwe Kot epwe ling ren.

1. Korint 14:33

pun Kot esap mochen pwe epwe wor fitikoko, nge a mochen pwe epwe wor kinamwe. Lon ekewe mwichefelin chon pin meinisin

1. Korint 4:16

Iei mine üa tüngormau ngenikemi pwe oupwe apirüei.

2. Korint 13:11

Ämi pwii kana, iei lesopolan mine üa makkei lon ei toropwe. Kot epwe etikemi. Oupwe achocho ngeni ämi oupwe unusöch lon ämi souläng. Oupwe aleasochis ngeni ai kewe kapasen öüröür. Oupwe tipeeufengen lefilemi, oupwe kinamwefengen. Iwe, ewe Kot mi echenikich o ngenikich kinamwe epwe nonom remi.

Tuteronomi 5:1

Iwe, Moses a körifengeni chon Israel meinisin o üreniir, “Ämi chon Israel, oupwe aüselinga ekewe allük me pwüüng üpwe aronga ngenikemi ikenai. Oupwe kaiö ekewe allük o tümwünüöchüür, pwe oupwe apwönüretä.

Filipi 3:17

Ämi pwii kana, oupwe chök sopwela le apirüei. Oupwe nenengeni chokewe mi föri sokun föför mi pwüng äm aia aiti ngenikemi.

Filipi 4:7

Iwe, än Kot kinamwe mi tekia seni ach tongeni weweiti epwe tümwünü lelukemi me ekiekimi lon Kraist Jesus.

1. Tesalonika 1:6

Ämi oua apirükem me ach Samol. Inamwo ika oua tolong lon watten riaföü, oua etiwa ewe Kapasen Kot fän pwapwa mi feito seni ewe Ngünmifel.

1. Tesalonika 2:14

Ämi pwiim kana, mine a fis ngenikemi a fen fis ngeni än Kot kewe mwichefel lon Jutea, ir chokewe nöün Kraist Jesus. Ämi oua küna riaföü seni püsin chon fanüemi, usun chök ir ra küna riaföü seni ekewe chon Juta,

1. Tesalonika 5:23

Kot, ewe mi fang ngenikich kinamwe epwe unusen apinikemi, pwe unusen ngünümi me letipemi me inisimi epwe unusöch tori ach Samol Jesus Kraist epwe war.

2. Tesalonika 3:4

Iwe, äm aia apilükülük ngeni ach Samol fänäsengesimi pwe oupwe apwönüetä o sopwela le föri meinisin mine aia allük ngenikemi.

2. Timoty 4:22

Ach Samol epwe eti ngünum. Än Kot ümöümöch epwe nonom remi meinisin.

James 1:22

Oupwe chon föri kapasen Kot, nge ousap chon rong chök, pwe ousap püsin atupukemi.

2. Petrus 1:10

Iei mine ämi pwii kana, oupwe fokun achocho le anüküchara ämi kö me fil, pun are oupwe föri iei usun, ousap fokun tur lon tipis.

1. Johannes 3:22

Sia angei seni Kot meinisin mine sia tüngor, pun sia aleasochisi an kewe allük o föri met epwe pwapwa ren.