Filipi 4:8 - Chuukese Bible

⁸ Iwe, amüchülan ai kapas, ämi pwii kana, oupwe amwöchünükü lon ämi ekiek ekei mettoch mi mürina o amwarar: mettoch mi let me aüchea, mettoch mi pwüng me limöch, mettoch aramas ra efich me meniniti.

Filipi 4:8 Iomraidhean Croise

Keneses 18:19

Iwe, üa fen afili pwe epwe aiti ngeni nöün me chon leimwan me mwirimwirin kana usun ar repwe aleasochisiei o föri mine a pwüng me wenechar. Iwe, are repwe föri iei usun, ngang ewe Samol mi Lapalap üpwe atoto won Apraham mine üa fen pwon ngeni.”

2. Samuel 1:23

Saul me Jonatan ra chen me ren aramas o eäni kirikiröch. Resap imwüfesen lon ar manau, pwal lon ar mäla. Ra müttir seni ekewe ikel o pöchökül seni ekewe laion.

2. Samuel 23:3

Ewe Koten Israel a kapas, ewe Achauen Israel a üreniei: Ewe king mi nemeni aramas fän pwüng, mi nemenem fän an niuokusiti Kot,

Kölfel 82:2

“Ifa ükükün fansoun ämi oupwe eäni kapwüng fän pwüngingau o peni ekewe aramasangau?

Än Salomon Fos 11:1

Ewe Samol mi Lapalap a oput aramas mi aea eu kilo esepwüng, nge a pwapwa ngeni eman mi aea eu kilo mi pwüng.

Än Salomon Fos 12:4

Eman fefin mi mürina a usun chök epa mwärämwär fän iten pwülüan, nge neminewe a atoto säw won pwülüan a usun chök kanser lon chün ätewe.

Än Salomon Fos 16:11

Ewe Samol mi Lapalap a mochen pwe aramas repwe nöünöü kilo me aükük mi pwüng me föün kilo mi pwüngüöch.

Än Salomon Fos 20:7

Eman mi wenechar o föri mine a pwüng, nöün kana ra feiöch.

Än Salomon Fos 31:10

A men weires än eman epwe küna eman fefin mi lipwäköch! Neminewe a kon aüchea seni fau aüchea.

Än Salomon Fos 31:29

“Chomong fefin ra föri mine a fokun mürina, nge en ka föri mine a mürina seniir meinisin.”

Än Salomon Fos 31:31

Oupwe ngeni neminewe liwinin an angang. A fich ngeni pwe aramas meinisin repwe meniniti.

Än Salomon Köl 5:16

An kapas a fokun pwetete. Ellet, a fokun äteöch. Iei usun lapalapen ätewe mi wor tongan me rei, ämi föpwülün Jerusalem.

Aisea 26:7

Äm Samol mi Lapalap, ka asonosonöchü ewe al ekewe chon pwüng repwe fetal won, ka pwal awenöchü ar kewe al.

Mateus 22:16

Ra tinala ren Jesus ekoch nöür kewe chon kaiö me ekoch chiechien Herotes pwe repwe üreni, “Sense, äm aia silei pwe en ka kapas wenechar. Ka afalafala mine a let usun letipen Kot fän iten aramas, nge kosap ekieki mine aramas ra eäni ekiek, pun kosap nenengeni wisen eman.

Markus 6:20

Iwe, Herotes a meniniti Johannes, pun a silei pwe i eman mwän mi pwüng o pin, iei mine a tümwünü, pwe esap tori feiengau. Herotes a sani an epwe rongorong ngeni än Johannes afalafal, inamwo ika a tolong lon watten osukosuk, lupwen a rongorong ngeni.

Lukas 16:15

Nge Jesus a üreniir, “Ämi oua alapalapöchükemi fän mesen aramas, nge Kot a silei lelukemi. Pun ekewe mettoch aramas ra ekieki pwe ra kon aüchea ra anioput me ren Kot.

Lukas 2:25

Lon ena fansoun mi wor eman mwän lon Jerusalem itan Simeon. Ätei a pwüng o aleasochisi än Kot kewe Allük meinisin, a pwal witiwiti ätewe epwe echipa Israel. Iwe, Ngünmifel a nonom won.

Lukas 23:50

Iwe, a wor eman mwän itan Josef seni Arimatea eu telinimw lon Jutea. Ätei eman seni ewe mwichen souapwüng, eman mwän mi pwüng o wenechar.

Johannes 7:18

Eman mi kapas fän püsin itan, a chök püsin kütta iteüöchün. Nge eman mi kütta iteüöchün ewe eman a tinato, i eman aramas mi let, nge esap wor och mine a mwäl won.

Föför 10:22

Ekewe mwän ra pölüeni, “Kornelius ewe meilapen sounfiu a tinikeemito. I eman mwän mi pwüng o niuokusiti Kot, a wor meninin me ren ekewe aramasen Juta meinisin. Eman chon läng mi pin a üreni pwe epwe titi en, pwe kopwe feila lon imwan, pun a mochen rongorong met kopwe üreni.”

Föför 22:12

“Lon ena telinimw a wor eman mwän itan Ananias. I eman mwän mi achocho le fel ngeni Kot o aleasochisi ach kewe allük, a pwal watte sufölün me ren ekewe chon Juta meinisin mi nom lon Tamaskus.

Föför 6:3

Iei mine ämi pwii kana, oupwe filätä füman mwän me leimi mi uren Ngünmifel o fokun tipachem, pwe sipwe awisa ngeniir ei angang.

Nöün Paulus Toropwe ngeni ekewe Souläng lon Rom 13:13

Ousipwe föri föförün pwüng usun aramas mi nom lon saram. Sisap mongömong ika ünüpuch, sisap lisowu ika föföringau, sisap anini ika lolowo.

Nöün Paulus Toropwe ngeni ekewe Souläng lon Rom 13:3

Pun chokewe mi föri mine a mürina resap niuokusiti ekewe nöüwis, pwe chokewe chök ra föri mine a ngau. Ifa usun, oua mochen ämi ousap niuokusiti chokewe mi nemenem? Mürin oupwe föri mine a mürina, iwe, repwe mwareitikemi.

Nöün Paulus Toropwe ngeni ekewe Souläng lon Rom 14:18

Iwe, eman me eman mi angang ngeni Kraist lon ei sokun lapalap a apwapwai Kot o aramas repwe pwal tipeeu ngeni.

Nöün Paulus Toropwe ngeni ekewe Souläng lon Rom 2:29

Esap ina! Nge eman mi enletin re Juta i eman re Juta lon letipan, wewen a sirkomsais lon letipan. Iei angangen ewe Ngünün Kot, sap angangen ekewe Allük mi makketiu. Ei sokun aramas epwe angei iteüöchün seni Kot, sap seni aramas.

1. Korint 4:5

Iei mine ousap apwüngü eman me mwen an epwe war ewe fansoun mi fich. Ewe amüchülan kapwüng epwe witiwit tori ach Samol epwe war. I epwe asarama mine a monomonola lon rochopwak o pwärawu mine a monomon lon ekiekin aramas. Mürin aramas meinisin repwe angei me ren Kot iteüöchür lon met a fich ngeni eman me eman.

2. Korint 13:7

Nge aia tüngor ngeni Kot pwe ousap föri mine a mwäl, sap fän iten an epwe pwä äm lipwäköch, nge fän iten ämi oupwe föri mine a mürina, inamwo ika usun itä nge äm aia lipwäkingau.

2. Korint 6:8

Ekoch ra aitöchükem o ekoch ra aitengauakem, ekoch ra turunufaseikem o ekoch ra mwareitikem. Ra apasa pwe aia chon atuputup, nge äm aia apasatä kapas mi let.

2. Korint 8:18

Aia pwal tinala eman pwiich pwe epwe eti Titus, i eman mi iteföüla lon ekewe mwichefel meinisin fän iten an angangen afalafala ewe Pworausen Manau.

2. Korint 8:21

Pun aia fokun ekiekin föri met mi pwüng, sap chök me mwen mesen ach Samol, nge pwal me mwen mesen aramas meinisin.

Kalatia 5:22

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük,

Efisos 4:25

Iei mine ousap chüen kapas chofona. Oupwe eäni kapas wenechar ngeni pwimi kewe souläng, pun kich meinisin kifetin ewe inisin Kraist.

Efisos 5:9

pun ewe saram a atoto eu räs mi watte ren sokun föför mürina, föförün pwüng me let.

Efisos 6:14

Iwe, oupwe amolakemi, oupwe peliti ngeni lukalapemi let, oupwe üföüf pwüng pwe iei ämi chechen leupw mi för seni mächä,

Tuteronomi 16:20

Oupwe fokun eäni pwüng echök, pwe oupwe manau o fanüeni ewe fanü ewe Samol mi Lapalap ämi we Kot epwe ngenikemi.

Filipi 3:1

Ämi pwii kana, iei amüchülan ai kapas ngenikemi: Oupwe pwapwa lon ach Samol. Üsap weires ren ai üpwe aliwinisefäli mine üa fen makkei ngenikemi me mwan, nge oupwe fen feiöch ren are üpwe föri iei usun.

Kolose 4:5

Oupwe eäni tipachem lon ämi föför ngeni chokewe resap lükü, oupwe alomotöchü ämi fansoun.

1. Tesalonika 4:12

Are oua föri ei, chokewe resap lükü Jesus repwe meninitikemi, ousap pwal tüngor än eman epwe fang ngenikemi met oua osupwang ren.

1. Timoty 2:2

fänäsengesin ekewe king me ekewe nöüwis meinisin, pwe sipwe manaueni eu manau fän mosonoson me kinamwe, sipwe pwal asamolu Kot o aramasöch ngeni aramas.

1. Timoty 3:11

Pwal ina chök usun ekewe soualilis fefin repwe aramasöch, resap luapas, repwe tipefesir o allükülük lon mettoch meinisin.

1. Timoty 3:4

Epwe emwenöchü püsin chon an famili o aörüni ngeni nöün kana ar repwe aleasochis ngeni fän menin.

1. Timoty 4:12

Kopwe tümwünuk, pwe esap wor eman epwe urumwoteek pokiten om alüal, nge kopwe eu lenien apirü ngeni ekewe chon lükü lon om kapas, lon om föför, lon om chen, lon om lükülük, pwal lon om limöch.

1. Timoty 5:10

a pwal sil me ren aramas ren an föför mürina, a foleniöchü nöün kana, a etiwaöchü wasöla lon imwan, a talü pechen ekewe chon pin, a alisi aramas mi nom lon osupwang o fokun achocho le föri föför mürina fansoun meinisin.

1. Timoty 5:2

Kopwe fönöü ekewe chinlap fefin usun itä nge ir inelap, kopwe pwal fönöü ekewe föpwül usun itä nge ir fefinom. Kopwe föri ei ren limöchün lelukom.

Titus 1:8

Epwe etiwöchü wasöla, epwe pwapwaiti le föri mine a mürina, epwe tufichin nemeni püsin inisin, epwe föri mine a pwüng, epwe apini manauan o eäni mirit lon manauan.

Titus 2:14

I a fangala manauan fänäsengesich, pwe epwe angasakich seni ach föföringau meinisin, epwe pwal limetikich seni ach tipis, pwe sipwe nöün aramas mi fokun achocho le föri mine a mürina.

Titus 2:2

Kopwe aiti ngeni ekewe chinlap mwän ar repwe tipefesir me tipepwetete, repwe tufichin nemeni püsin inisiir, repwe pöchökül lon ar lükülük, lon ar chen, pwal lon ar likitü.

Titus 2:7

Nge en kopwe fokun eu lenien apirü lon om föför mi mürina. Kopwe wenechar o tiliken lon om afalafal.

Titus 3:14

Kopwe aiti ngeni chiechiach kewe souläng, pwe repwe fokun alomota ar fansoun le föri föför mürina, pwe epwe wor rer mine ra osupwang ren, pwe manauer esap lomotongau.

Ipru 11:2

Ren ar lükü ekewe aramasen lom ra küna iteüöch me ren Kot.

Ipru 13:18

Oupwe sopwela le iotek fän item. Sia silei, pwe mwelien letipem a limelimöch, pun sia fokun mochen föri mine a pwüng fansoun meinisin.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.

James 3:17

Nge ewe tipachem seni läng a fokun limelimöch, a pwal akinamwe, tipepwetete me kirikiröch, a uren tong o awora chomong föför mi mürina, esap lifilifil aramas, esap pwal atuputup.

1. Petrus 1:22

Iwe, pokiten oua alimöchükemi ren ämi aleasochisi mine a let o oua eäni tong enlet ngeni pwiimi kewe souläng, oupwe wesewesen echenifengenikemi ren unusen lelukemi.

1. Petrus 2:12

Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.

1. Petrus 4:8

Nge mwen mettoch meinisin oupwe tupwöl le echenifengenikemi lefilemi, pun chen a pwölüela chomong tipis.

2. Petrus 3:1

Iwe, ämi chiechiei mi achengicheng, iei aruachön nei toropwe ngenikemi. Lon ekei ruochö toropwe üa sotuni ai üpwe amwökütü ekewe ekiek mi limöch lon letipemi ren ai achema ngenikemi ekei mettoch.

1. Johannes 3:18

Ämi nei kana, ach chen esap fis lon kapas chök, pwe pwal lon ach föför mi let.

1. Johannes 3:3

Iwe, eman mi eäni ei apilükülüköch lon Kraist a püsin alimelimöchü manauan usun Kraist a limelimöch.

1. Johannes 4:1

Ämi chiechiei kana mi achengicheng, ousap lükü chokewe meinisin mi apasa pwe ra eäni Ngünmifel, nge oupwe sotuniir o küttaöchü are ekewe ngün ra feito seni Kot. Pun chomong soufos chofona ra feilfetal won fanüfan.

Rut 3:11

Nge iei kosap niuokus, Rut. Üpwe apwönüetä meinisin mine ka tüngor. Chienei meinisin lon ei telinimw ra silei pwe en eman fefin mi mürina.