Filipi 4:7 - Chuukese Bible

⁷ Iwe, än Kot kinamwe mi tekia seni ach tongeni weweiti epwe tümwünü lelukemi me ekiekimi lon Kraist Jesus.

Filipi 4:7 Iomraidhean Croise

Nehemia 8:10

Mürin, Nehemia a üreniir, “Oupwe liwiniti en me lenian, oupwe eni mongö mi anö o ünümi wain mi arar. Oupwe pwal tinala och seni enemi me ünümemi ngeni chokewe resap tongeni amolätä och. Pun ei rän a pin fän iten ewe Samol. Ousap letipeta, pun ewe pwapwa seni ewe Samol mi Lapalap epwe apöchökülakemi.”

Hiop 22:21

Kopwe tipeeu ngeni Kot o kinamwe ngeni. Ren ei, feiöch epwe toruk.

Hiop 34:29

Are Kot a fanafanala, iö epwe tongeni apwüngü? Are i a amona mesan, iö epwe tongeni küna? Nge Kot a nemeni eman aramas usun chök an nemeni chon eu mwü,

Kölfel 29:11

Ewe Samol mi Lapalap a ngeni nöün kewe aramas pöchökül, a afeiöchü nöün kewe aramas ren kinamwe.

Kölfel 85:8

Üpwe rongorong ngeni mine Kot a apasa. A pwon pwe epwe awora kinamwe ngeni nöün kewe aramas, ngeni nöün kewe mi pin, are resap chüen liwinsefäl ngeni ar kewe föför mi mwäl.

Än Salomon Fos 2:11

Iwe, mirit epwe mamasok, nge weweöch epwe tümwünuk,

Än Salomon Fos 4:6

Kosap likitala tipachem, pun epwe tümwünuk. Kopwe echeni pwe epwe mamasok.

Än Salomon Fos 6:22

Repwe emwenuk, lupwen kopwe fetal, repwe tümwünüuk, lupwen kopwe konola, nge lupwen kopwe pwätä, repwe fos ngonuk.

Aisea 26:12

Äm Samol mi Lapalap, kopwe ngenikem kinamwe, pun äm angang meinisin aia föri en ka afisätä.

Aisea 26:3

Ka ngeni chokewe mi kamwöchünük womw kinamwe, pun ra anomu ar apilükülük womw.

Aisea 45:7

Ngang üa förätä saram, üa pwal förätä rochopwak. Ngang üa awarato feiöch me feiengau. Ngang ewe Samol mi Lapalap, üa föri ekei mettoch meinisin.”

Aisea 48:18

Amwo kopwe aüselinga ai kewe allük! Mürin om kinamwe epwe wewe ngeni eu chanpupu, nge om pwüng epwe wewe ngeni nomongun lematau.

Aisea 48:22

Iwe, ewe Samol mi Lapalap a apasa, “Chon föföringau kana esap wor rer kinamwe.”

Jeremaia 32:16

Mürin ai ngeni Paruk nöün Neria we mwän ewe toropwen atipeeuin kamö, üa iotek ngeni ewe Samol mi Lapalap o üra,

Jeremaia 33:6

Inamwo ai föri ei, nge üpwe apöchökülasefäli ei telinimw, üpwe pwal achikara ekewe aramas o ngeniir unusen kinamwe me nonomöch.

Numperis 6:26

ewe Samol mi Lapalap epwe wopwapwa ngenikemi o fang ngenikemi kinamwe.’

Lukas 1:79

pwe epwe tinetiu won chokewe mi nom lon rochopwak me nürün mäla, epwe pwal emweni pechech ngeni ewe alen kinamwe.”

Lukas 2:14

“Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”

Johannes 14:27

Kinamwe üa likiti ngenikemi, ai kinamwe üa fang ngenikemi. Ai lifang esap wewe ngeni än fanüfan lifang. Ousap lolilen lon lelukemi, ousap pwal niuokus.

Johannes 16:33

Ngang üa fen ürenikemi usun ekei mettoch, pwe oupwe eäni kinamwe loi. Lon fanüfan ämi oupwe riaföü, nge oupwe apilükülük, pun ngang üa akufu fanüfan.”

Nöün Paulus Toropwe ngeni ekewe Souläng lon Rom 1:7

Iei mine üa mak ngenikemi meinisin mi nom lon Rom, ämi chokewe Kot a echenikemi o körikemi pwe oupwe chon pin: Kot Samach me ach Samol Jesus Kraist epwe ngenikemi ümöümöch me kinamwe.

Nöün Paulus Toropwe ngeni ekewe Souläng lon Rom 14:17

Pun Mwün Kot esap longolong won anach me ünümach, nge a longolong won pwüng, kinamwe me pwapwa mi feito seni ewe Ngünmifel.

Nöün Paulus Toropwe ngeni ekewe Souläng lon Rom 15:13

Nge ewe Kot, i popun ämi apilükülük, epwe aurakemi ren watten pwapwa me kinamwe ren ämi lükü i, pwe ämi apilükülüköch epwe säsewu ren manamanen Ngünmifel.

Nöün Paulus Toropwe ngeni ekewe Souläng lon Rom 5:1

Iwe, pokiten sia küna pwüng me ren Kot ren ach lükülük, sia kinamwefengen me Kot ren ach Samol Jesus Kraist.

Nöün Paulus Toropwe ngeni ekewe Souläng lon Rom 8:6

Are sia nonom fän nemenien fituk, sopolan mäla, nge are sia nonom fän nemenien Ngünmifel, sopolan manau me kinamwe.

2. Korint 10:5

Äm aia awesi ekewe kapas mi mwäl o ataetiu ekewe leni mi tekia meinisin mi epeti än aramas repwe silei Kot. Aia liapeni sokun ekiekin aramas meinisin, pwe repwe aleasochis ngeni Kraist.

2. Korint 13:11

Ämi pwii kana, iei lesopolan mine üa makkei lon ei toropwe. Kot epwe etikemi. Oupwe achocho ngeni ämi oupwe unusöch lon ämi souläng. Oupwe aleasochis ngeni ai kewe kapasen öüröür. Oupwe tipeeufengen lefilemi, oupwe kinamwefengen. Iwe, ewe Kot mi echenikich o ngenikich kinamwe epwe nonom remi.

Kalatia 5:22

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük,

Efisos 3:19

Ewer, oupwe silei usun an we chen, inamwo ika esap fokun wor eman a tongeni silei unusan, pwe oupwe unusen urela ren lapalapen Kot.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 1:2

Samach Kot me ach Samol Jesus Kraist epwe ngenikemi ümöümöch me kinamwe.

Filipi 4:19

Nge ai Kot epwe ngenikemi meinisin mine oua osupwang ren lon wöün mi somwola lon Kraist Jesus.

Filipi 4:21

Ai kapong ngeni ekewe chon pin meinisin ir nöün Kraist Jesus. Pwiich kewe souläng mi nom rei ra pwal kapong ngenikemi.

Filipi 4:9

Oupwe apwönüetä mine oua kaiö o angei seniei, mine oua rong seni ai kewe kapas o küna seni ai kewe föför. Iwe, Kot ewe mi ngenikich kinamwe epwe nonom remi.

Kolose 3:15

Iwe, ewe kinamwe Kraist a ngenikemi epwe nemeni letipemi, pun Kot a körifengenikemi lon eu chök inis ngeni ei kinamwe. Iwe, oupwe kilisou ngeni Kot.

2. Tesalonika 3:16

Ach Samol, i popun ach kinamwe, epwe püsin ngenikemi kinamwe fansoun meinisin pwal ekis meinisin. Ach Samol epwe nonom remi meinisin.

Ipru 13:20

Iwe, ewe Koten kinamwe mi amanauasefäli ach Samol Jesus seni mäla ren chaan ewe pwon mi nom tori feilfeilachök, i ewe Chon Masen sip mi fokun tekia,

Jutas 1:1

Ngang Jut, eman chon angang ngeni Jesus Kraist, ngang pwal pwiin James, üa kapong ngeni chokewe mi kö o chen me ren Samach Kot o nom fän tümwünüen Jesus Kraist.

Pwärätä 1:4

Kapong seni Johannes ngeni ekewe fisu mwichefel lon ewe fanü Asia: Ümöümöch me kinamwe seni Kot epwe nonom remi, ewe Kot mi nom iei, ewe a fen nonom me ewe epwe feito me mürin, pwal seni ekewe füman ngün mi nom mwen an we lenien motun king,

Pwärätä 2:17

Are a wor selingen eman epwe rongorong mine Ngünmifel a üreni ekewe mwichefel! Iö mi pwora ngeni mine a ngau üpwe ngeni och seni ewe mana mi monomon, üpwe pwal ngeni eman me eman leir eföü fau mi pwechepwech a mak won eu it mi fö, esap wor eman epwe silei pwe ewe chök eman mi angei.”