Filipi 4:6 - Chuukese Bible

⁶ Ousap lolilenäsini och mettoch, nge lon ämi osupwang meinisin oupwe iotek o tüngor ngeni Kot pwe epwe alisikemi. Oupwe tüngor fansoun meinisin fän kilisou.

Filipi 4:6 Iomraidhean Croise

1. King 8:28

Ai Samol mi Lapalap, ai Kot, ngang noum chon angang, kose mochen kopwe aüselinga ai iotek o apwönüetä ai tüngor üa eäni ngonuk ikenai.

2. Kronika 32:20

Mürin, ewe king Hiskia me ewe soufos Aisea nöün Amos we mwän ra iotek o siötä läng pokiten ekei lapalap.

Kölfel 51:15

Ai Samol, kopwe amwelieliaei pwe üpwe mwareituk.

Kölfel 55:17

Lekuniol me lesosor pwal leoloas üa apasätä ai kewe weires o ngüngü. Iwe, Kot epwe rongorong mweliei.

Kölfel 55:22

Kopwe monätä won ewe Samol mi Lapalap om weires, pwe i epwe tümwünuk. Esap fokun mwütätä pwe ewe chon pwüng epwe kuf.

Kölfel 62:8

Ämi aramas, oupwe lükü Kot fansoun meinisin. Oupwe pwäri ngeni ämi weires meinisin, pun i ach lenien op.

Än Salomon Fos 15:8

Ewe Samol mi Lapalap a oput än ekewe aramasangau asor, nge a pwapwa ren än ekewe chon wenechar iotek.

Än Salomon Fos 16:3

Kopwe lükü ngeni ewe Samol mi Lapalap om angang, pwe mine ka ekiekietä epwe fisiöch.

Än Salomon Köl 2:14

En ka wewe ngeni eman lisom me rei mi nom lon pwangen achau, ka op fän sässärin achau, kopwe aküna ngeniei won mesom mi fokun mesemesöch, kopwe mwüt ngeniei pwe üpwe rongorong mweliom mi mürina.

Jeremaia 32:16

Mürin ai ngeni Paruk nöün Neria we mwän ewe toropwen atipeeuin kamö, üa iotek ngeni ewe Samol mi Lapalap o üra,

Jeremaia 33:3

“Kopwe kökköriei, nge ngang üpwe pälüenuk, üpwe pwäri ngonuk mettoch mi aüchea o amwarar kosap silei me mwan.

Taniel 3:16

Iwe, Satrak, Mesak me Apetneko ra üreni ewe king, “Äm king Nepukatnesar, esap wor och mine aipwe pälüeni ngonuk pwe epwe penikem won ei mettoch.

Taniel 6:10

Iwe, lupwen Taniel a silei pwe ei allük a sain, a feila lon imwan o tötä lon eu rumwen asan, ia a wor ie eu asammwacho mi sap ngeni Jerusalem. Ikenan Taniel a fotopwäsuk, a iotek o kilisou ngeni an we Kot fän ülüngat lon ewe rän, usun mine a piin föföri me mwan.

Mateus 10:19

Iwe, lupwen repwe emwenikemiila ngeni kapwüng, ousap öüreki ämi kapas are mine oupwe apasa, pun ekewe kapas oupwe apasa repwe torikemi lupwen a tori ena otun.

Mateus 13:22

Ekewe pwükil mi mworotiu lein ekewe iräfölüföl ra wewe ngeni chokewe mi rongorong kapasen Kot, nge öürek usun manauen ikenai me pwapwan wöün fanüfan ra amopu ewe kapasen Kot, pwe esap tongeni ua.

Mateus 6:34

Iei mine ousap öürek usun ewe rän lesor, pun lesor epwe püsin anafa öürekin lon. Eu me eu rän epwe püsin wor osukosuken lon.

Mateus 6:8

Ousap apirüür, pun Sememi a fen silei met oua osupwang ren, mwen ousamwo tüngor ngeni.

Lukas 10:41

Nge ewe Samol a pölüeni, “Marta, Marta, ka öürek o osukosuk ren chomong mettoch,

Lukas 12:22

Mürin Jesus a üreni nöün kewe chon kaiö, “Iei mine üpwe ürenikemi, pwe ousap öüreki anemi mine oupwe manau ren, ousap pwal öüreki mine oupwe üföüf.

Lukas 12:29

Iei mine ousap chök ekieki lon letipemi mine oupwe mongö pwal mine oupwe ün, ousap öürek usun.

Lukas 18:1

Mürin Jesus a apworausa ngeni nöün kewe chon kaiö eu pworausen awewe, pwe a mochen aiti ngeniir usun ar repwe iotek fansoun meinisin, nge resap achanü.

Lukas 18:7

Ifa usun, Kot esap fokun pwärala än nöün kewe mi fil pwüng, ir chokewe mi kökköri le rän me le pwin? Ifa usun, epwe mang le alisiir?

1. Korint 7:21

Ifa usun, en eman amanau lupwen Kot a köruk? Kosap lolilen usun. Nge are kopwe tufichin ngasala, kopwe achocho le alomota ewe tufich.

1. Korint 7:32

Iwe, üa mochen pwe ousap öürek. Eman mwän esap pwüpwülü a chök ekieki usun än ach Samol angang, pun a chök mochen apwapwai ach Samol.

2. Korint 1:11

ika ämi oua alisikem lon ämi iotek. Iwe, epwe iei usun pwe ekewe chomong iotek fän item epwe pwönüetä o Kot epwe afeiöchükem, mürin chomong repwe kilisou ngeni fän item.

Efisos 5:20

Oupwe kilisou fansoun meinisin ren mettoch meinisin ngeni Samach Kot fän iten ach Samol Jesus Kraist.

Efisos 6:18

Oupwe föri ekei mettoch meinisin lon ämi iotek ngeni Kot pwe epwe alisikemi. Oupwe iotek won met oua föri usun Ngünmifel a emwenikemi. Iei popun ämi oupwe mamasa o tupwöl fansoun meinisin, oupwe iotek fän iten ekewe chon pin meinisin iteiten fansoun meinisin.

Kolose 3:15

Iwe, ewe kinamwe Kraist a ngenikemi epwe nemeni letipemi, pun Kot a körifengenikemi lon eu chök inis ngeni ei kinamwe. Iwe, oupwe kilisou ngeni Kot.

Kolose 3:17

Iwe, meinisin mine oupwe föri ika apasa, oupwe föri fän iten ach Samol Jesus o oupwe kilisou ngeni Samach Kot ren i.

Kolose 4:2

Oupwe likitü o mamasa lon ämi iotek, oupwe pwal iotekin kilisou ngeni Kot.

1. Timoty 2:1

Iwe, mwen mettoch meinisin üa pese ngonuk, pwe souläng repwe iotekin tüngor me kilisou ngeni Kot fänäsengesin aramas meinisin,

1. Timoty 5:5

Eman fefin mi mä pwülüan o akaleman, esap wor eman a tümwünü, a anomu an apilükülük won Kot, a sopwela le iotek lerän me lepwin o tüngor ngeni Kot pwe epwe alisi.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

1. Petrus 5:7

Oupwe likiti ngeni Kot ämi öürek meinisin, pun i a ekieki met oupwe feiöch ren.

1. Samuel 1:15

Nge Hana a üreni, “Apwi, ai samol, ngang üsap ün wain ika sakau mi pwichikar, ngang eman fefin mi fokun riaföü. Iei üa pwärawu mine a nom lon lelukei fän mesen ewe Samol mi Lapalap.

1. Samuel 30:6

Iwe, Tafit a fokun riaföü, pun ekewe aramas ra ekiekin monei ngeni fau, pokiten ir meinisin ra letipengau ren nöür kewe mwän me fefin mi oola. Nge leluken Tafit a pöchökülsefäl ren ewe Samol mi Lapalap an we Kot.

1. Samuel 7:12

Mürin, Samuel a eki eföü fau o aüetä lefilen Mispa me Jesana. Iwe, a aita ngeni Epineser , pun a apasa, “Tori iei ewe Samol mi Lapalap a alisikich.”