Filipi 4:3 - Chuukese Bible

³ Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Filipi 4:3 Iomraidhean Croise

Kölfel 69:28

Kopwe amoela iter seni ewe puken manau, nge kosap makelong iter lein chon pwüng.

Ekistos 32:32

Iwe, kose mochen kopwe amusala ar tipis. Nge ika kosap mochen, üa tüngor ngonuk, kopwe pwal talawu itei seni om puk ia ka makei iten noum kana ie.”

Aisea 4:3

Iwe, ekewe aramas mi chüen manau lon Sion pwal lon Jerusalem repwe iteni chon pin, ir meinisin mi mak iter lon ewe puk pwe ra manau lon Jerusalem.

Isikiel 13:9

Üpwe palüeni ekewe soufos a wor künaer mi atuputup, pwal chokana ra pweei mine a mwakel. Iwe, resap nom lon mwichen nei aramas, lupwen ra pwüngüpwüngfengen, iter esap makelong lon puken tettelin chon Israel, resap pwal tolong lon ewe fanü Israel. Mürin repwe silei pwe ngang Kot ewe Samol mi Lapalap.

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Lukas 10:20

Nge ousap pwapwa pwe ekewe ngününgau ra aleasochisikemi, nge oupwe pwapwa pwe itemi a mak lon läng.”

Nöün Paulus Toropwe ngeni ekewe Souläng lon Rom 12:1

Iei mine üa pese ngenikemi, ämi pwii kana, pokiten watten än Kot ümöümöch ngenikich, pwe oupwe fangala inisimi pwe eu asor mi manau o pin fän iten än Kot angang o i epwe pwapwa ren. Iei usun pwüngün ämi fel ngeni Kot.

Nöün Paulus Toropwe ngeni ekewe Souläng lon Rom 16:12

Ai kapong ngeni Trifana me Trifosa, ir mi angang ngeni ach Samol, pwal ai kapong ngeni fefinei mi achengicheng Persis, neminewe mi fokun angang weires fän iten ach Samol.

Nöün Paulus Toropwe ngeni ekewe Souläng lon Rom 16:9

Ai kapong ngeni Urpanus chienach we chon angang lon än Kraist angang, pwal ngeni Stakis chienei we mi achengicheng.

Filipi 1:12

Iwe, ämi pwii kana, üa mochen pwe oupwe silei pwe ekewe mettoch mi fis ngeniei ra wesewesen alisi chöülan ewe Pworausen Manau.

Filipi 1:16

Ätekei ra föri ei seni ar eäni chen, pokiten ar silei pwe Kot a ngeniei ewe angangen peni ewe Pworausen Manau,

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

Filipi 4:2

Ngang üa tüngormau ngenikemi Eutia me Sintike, ouse mochen oupwe tipeeufengen usun chök pwipwi lon ach Samol.

Kolose 1:7

Oua rongorong usun än Kot ümöümöch seni Epafras chienach we chon angang mi achengicheng, i nöün Kraist chon angang mi allükülük fänäsengesimi.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 17:8

Ewe manmwacho ka küna a manau me lom, nge iei esap chüen manau, epwele feitä seni lon ewe pwang mi alolol pwe epwe tolong lon feiengauen pöütmwälila. Ekewe aramas mi nom won fanüfan iter esap mak lon ewe puken iten chon manau me mwen än Kot esamwo föri fanüfan, ir meinisin repwe mairü lupwen repwe nenengeni ewe manmwacho, pun a manau me lom o iei esap chüen manau, nge epwe pwal pwäsefäl.

Pwärätä 20:12

Iwe, üa küna ekewe mi mäla, ekewe aramas tekia me aramas kis, ra ütä me mwen ewe lenien motun king. Iwe, ekewe puk ra sukula. Mürin pwal eu puk a sukula, iei ewe puken iten chon manau. Iwe, ekewe mi mäla ra küna kapwüng won mine ra föri usun a makketiu lon ekewe puk.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 21:27

Nge esap fokun wor och mi limengau epwe tolong lon ewe telinimw, ika eman mi föri föför mi asäw, ika eman mi chofona. Pun chokewe chök a mak iter lon än ewe Lam puken iten chon manau repwe tolong lon ewe telinimw.

Pwärätä 3:5

Iö mi pwora ngeni mine a ngau epwe üföüf ei sokun üf mi pwechepwech, iwe, üsap amola itan seni ewe puken iten chon manau. Nge üpwe pwärätä pwe i nei mwen mesen Semei, pwal mwen mesen nöün kewe chon läng.