Filipi 4:17 - Chuukese Bible

¹⁷ Esap wewen pwe üa chök mochen angei lifang, nge üa mochen ai üpwe küna watten ämi föför mürina epwe kapach ngeni mine oua fen föri.

Filipi 4:17 Iomraidhean Croise

Än Salomon Fos 19:17

Eman aramas mi kichiöch ngeni chon wöüngau a fangala ngeni ewe Samol mi Lapalap, nge i epwe liwini ngeni liwinin an föför.

Mika 7:1

Feiengauei, pun üa usun eman chon kinikin föün irä mürin fansoun räs, ika usun eman mi kütta uän irän wain mürin fansoun räs. Esap fokun wor eum föün wain pwe üpwe ochoch, esap wor eföü fiik mi anö üa mwoneiti.

Malakai 1:10

Iei alon ewe Samol mi Unusen Manaman, “Amwo epwe wor eman me leimi epwe apüngala ekewe asamalap, pwe ousap akümwäli ekkei me won ai rongen asor. Üsap pwapwaitikemi, üsap etiwa eu asor seni lepöümi.

Johannes 15:16

Ämi ousap afiliei, nge ngang üa afilikemi o awisakemi, pwe oupwe feila o uani ua mi chomong, ewe sokun ua mi nonomola. Iei usun Semei epwe ngenikemi meinisin mine oua tüngor fän itei.

Johannes 15:8

Iei chök mine Semei epwe küna ling ren, are oupwe uani ua mi chomong o pwärala pwe ämi nei chon kaiö.

Nöün Paulus Toropwe ngeni ekewe Souläng lon Rom 15:28

Lupwen üpwe awesala ai angang o ngeniir unusen ewe moni aramas ra fesini fän iter, üpwe churikemi lon ai sai ngeni Spain.

2. Korint 11:16

Iwe, üpwe aliwinisefäli mine üa apasa: Esap wor eman epwe ekieki pwe üsap mirit. Nge are oua ekieki pwe üsap mirit, oupwe chök etiwaei usun eman esap mirit, pwe epwe wor popun ai üpwe ekis aingaing.

2. Korint 9:5

Iei mine üa ekieki, pwe a lomot ai üpwe pesei pwiich kei, pwe repwe akomwola remi pwe repwe akomwen amolätä ewe lifang oua pwon pwe oupwe föri. Mürin epwe molotä lupwen ngang üpwe torikemi. Iwe, epwe pwä pwe oua fang seni mochenin letipemi, nge sap seni än eman pese ngenikemi.

Filipi 1:11

Iwe, manauemi epwe urela ren sokun föför mürina Jesus Kraist chök a tongeni afisätä, pwe Kot epwe ling o iteüöch ren.

Filipi 4:11

Üsap apasa ei pokiten a wor ai osupwang, pun üa asipaei ai üpwe menemenöch ren mine a wor rei.

1. Tesalonika 2:5

Pun oua fokun silei pwe aisap feito remi fän kapas amichimich, aisap pwal aea sokun kapas epwe pwölüela äm tipemong. Kot i nöüch chon pwärätä.

1. Timoty 3:3

Esap ünüpuch are rochongau, nge epwe tipepwetete o afisätä kinamwe, esap eman mi mochenian moni.

1. Timoty 6:10

Pun mochenian moni iei popun sokopaten ngau meinisin. Ekoch mi ekieki ar repwe pisekisek ra mwalech seni ar lükülük o ra püsin aworato wor chomong riaföü mi fokun aweires.

Titus 1:7

Pokiten eman soumas epwe tümwünü än Kot angang, i epwe eman mi unusöch lon manauan, esap eman mi lamalamtekia are songokai, are eman mi ünüpuch, are rochongau are tipemong won moni.

Titus 3:14

Kopwe aiti ngeni chiechiach kewe souläng, pwe repwe fokun alomota ar fansoun le föri föför mürina, pwe epwe wor rer mine ra osupwang ren, pwe manauer esap lomotongau.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

1. Petrus 5:2

pwe oupwe tümwünü ewe mwichen sip Kot a ngenikemi, pwe oupwe foleniir ren unusen letipemi, pun iei usun met Kot a mochen pwe oupwe föri, nge esap me lükitipemi. Oupwe föri ämi angang, sap fänäsengesin ämi chök mochen angei liwin, nge seni wesewesen ämi mochen föri ewe angang.

2. Petrus 2:15

Ra tokola seni ewe al mi wenechar o mwalechela. Ra apirü föförün Palam nöün Peor we mi echeni ewe moni epwe angei seni an föri mine a ngau,

2. Petrus 2:3

Lon ar tipemong ekei chon afalafal chofona ra angei ar win ren ar aronga ngenikemi pworaus ra püsin afisätä. Fansoun langatam tori iei, Kot nöür we soukapwüng, ewe Chon Afeiengaueer, a fen molotä o a chök nenela pwe epwe apwüngüür.

Jutas 1:11

Epwe ifan me watten feiengauer! Ra manaueni manauen Kain. Ra atolongeer lon ewe sokun ruongau Pileam a föri fän iten ar repwe angei moni. Ra ü ngeni Kot usun chök Kora, iwe, repwe rosola usun chök i.