Filipi 4:15 - Chuukese Bible

¹⁵ Iwe, ämi chon Filipi, oua fokun silei, pwe lupwen üa feila seni Masetonia, lon ewe fansoun üa popuetä le afalafala ewe Pworausen Manau, ämi na chök mwichefel a alisiei, ämi chök oua lifang ngeniei usun mine üa lifang ngenikemi.

Filipi 4:15 Iomraidhean Croise

2. King 5:16

Nge Elisa a üra, “Mwo manauen ewe Samol mi Lapalap, ewe üa angang ngeni, üsap angei och senuk.” Iwe, Naeman a pesei ngeni pwe epwe angei, nge Elisa esap mochen.

2. King 5:20

Kehasi nöün Elisa we chon angang a üra, “Ai samol a mwüt ngeni Naeman ewe re Siria pwe epwe feila, nge esap angei och seni mine a uwato. Mwo manauen ewe Samol mi Lapalap, üpwe säla mürin o angei och seni.”

Föför 16:40

Iwe, lupwen ar towu seni ewe imwen fötek, ra feila lon imwen Litia. Ikenan ra churi chiechier kewe chon lükü Jesus o apöchöküla letiper ren ar kapas, mürin ra feila seniir.

Nöün Paulus Toropwe ngeni ekewe Souläng lon Rom 15:26

Pun ekewe mwichefel lon Masetonia me Krik ra ekiekifengeni ar repwe fangala ar asor fän iten alilisin ekewe chon wöüngau me lein ekewe chon pin lon Jerusalem.

Filipi 1:12

Iwe, ämi pwii kana, üa mochen pwe oupwe silei pwe ekewe mettoch mi fis ngeniei ra wesewesen alisi chöülan ewe Pworausen Manau.

Filipi 1:16

Ätekei ra föri ei seni ar eäni chen, pokiten ar silei pwe Kot a ngeniei ewe angangen peni ewe Pworausen Manau,

Filipi 1:5

pokiten ämi oua alisiei lon ai angangen arongafeili ewe Pworausen Manau seni lepoputän ai nom remi tori ikenai.

Filipi 1:7

Üa chechemenikemi lon letipei fansoun meinisin, iei mine a pwüng ngeniei an epwe iei usun ai tongekemi. Pun ämi meinisin oua chieneniei lon ei angang mi aüchea Kot a ngeniei, sap chök lon ei fansoun üa nom lon imwen fötek, nge pwal lon ewe fansoun lupwen üa ngasala pwe üpwe peni ewe Pworausen Manau o anüküchara.

Filipi 2:12

Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech,