Filipi 3:8 - Chuukese Bible

⁸ Nge sap ikei chök. Ngang üa ekieki pwe mettoch meinisin ra fokun aücheangau fän iten ewe eu mi fokun aüchea seni meinisin, iei ai silei Kraist Jesus ai Samol. Pun fän itan üa pöütala meinisin, üa ekieki pwe meinisin ra usun chök pipi lon lenien koturula, pwe üpwe eäni Kraist

Filipi 3:8 Iomraidhean Croise

1. King 14:10

Iei mine üpwe aworato feiengau womw, üpwe ärala noum mwän meinisin seni ekewe kükün tori watte. Üpwe fokun arosala chon leimwom meinisin, usun eman aramas a pirumweela mettoch mi limengau, tori esap chüen wor och lusun.

2. King 9:37

Nge somän Isipel epwe toropas usun koiasi won kinikinin fanüen Jesrel, pwe esor eman epwe tongeni apasa: Iei i Isipel.”

Hiop 20:7

epwe chök morola usun kiten anan tori feilfeilachök. Chokewe mi küna i me mwan repwe apasa, ‘Ia ätewe a nom ie?’

Kölfel 126:6

Eman mi feila fän kechü o uwei föün irä pwe epwe fotuki, epwe liwinto fän mweireiren pwapwa o uwato kinian ua.

Kölfel 73:25

Üsap eäni och me läng nge en chök. Üsap pwal pwapwaiti och mettoch me won fanüfan lükün en.

Aisea 53:11

Iwe, wesin an riaföü lon manauan epwe eäni ewe saramen manau o pwapwa ren. Nge ren an silei Kot nei chon angang mi pwüng epwe afisätä än chomong aramas pwüng, epwe pwal uwei ar tipis.

Malakai 2:3

Nengeni, üpwe apwüngü mwirimwirimi kewe, üpwe tofi ngeni won mesemi kiten enen ämi kewe mönün asor o atowukemi seni fän mesei.

Numperis 14:30

epwe tolong lon ewe fanü üa pwon fän akapel pwe oupwe fanüeni, chilon chök Kalep nöün Jefune mwän me Josua nöün Nun mwän.

Lukas 1:43

Pwota a fis ngeniei ei mettoch mi amwarar, pwe inen ai Samol a feito rei?

Lukas 11:20

Nge are üa asüela ekewe anün rochopwak ren än Kot manaman, mürin Mwün Kot a fen torikemi.

Johannes 14:20

Lon ena rän ämi oupwe silei pwe ngang üa nonom lon Semei, nge ämi oua nonom loi, usun chök ngang üa nonom lomi.

Johannes 14:7

Iwe, a pwal üreniir, “Are oupwe sileei, oupwe pwal silei Semei. Iwe, seni ei fansoun oua silei i, oua pwal küna i.”

Johannes 16:3

Aramas repwe föri ekei sokun föför ngenikemi, pun resap mwo silei Semei, resap pwal sileei.

Johannes 17:3

Iwe, iei manau esemüch: Ar repwe silei en, ewe eman chök Kot mi let, repwe pwal silei Jesus Kraist, ewe ka tinato.

Johannes 17:8

Pun üa ngeniir ekewe kapas en ka fen ngeniei o ir ra etiweer. Iwe, ra silei pwe a let pwe üa feito senuk o ir ra lükü, pwe ka tinieito.

Johannes 20:13

Iwe, ra aisini Maria, “Nemin, pwota ka kechü.” A pölüeni, “Pun ra angeala somän ai Samol, nge üsap silei ia ra anomu ie!”

Johannes 20:28

Iwe, Tomas a pölüeni, “Ai Samol me ai Kot!”

Föför 20:24

Nge manauei esap aüchea ngeniei. Üa chök mochen awesala ai kitir o awesöchüela ewe angang ach Samol Jesus a ngeniei pwe üpwe föri. Iei ewe angang ai üpwe pwärätä ewe Pworausen Manau usun ewe ümöümöchün Kot.

Nöün Paulus Toropwe ngeni ekewe Souläng lon Rom 8:18

Ngang üa lükü, pwe ekewe riaföü mi torikich lon fansoun ikenai resap löllö ngeni ewe ling epwe pwä ngenikich.

Nöün Paulus Toropwe ngeni ekewe Souläng lon Rom 8:39

esap pwal ekewe mettochun pekitä are ekewe mettochun pekitiu, esap fokun wor och lein förian kewe meinisin epwe tongeni aimwüfesenikich seni än Kot we chen mi torikich lon Kraist Jesus ach Samol.

1. Korint 2:2

Pun lupwen üa nonom remi, üa filätä pwe üsap silei och pwe Jesus Kraist chök, nge enletin an we mäla won iräpenges.

1. Korint 9:10

Ifa usun, esap fokun ekieki kich lupwen a apasa ekei kapas? Ewer, ekei kapas ra mak fän itach. Ewe mwän mi tuw pwül, pwal ätewe mi kini ekewe föün irä lon fansoun räs repwe föri ar angang fän apilükülük, pwe repwe angei wiser seni ewe räs.

2. Korint 4:4

Ewe koten ei fanüfan a achuna ekiekin letipen chokewe resap lükü, pwe resap tongeni küna saramen ewe Pworausen Manau usun ewe lingen Kraist, i ewe mi lapalapeni lapalapen Kot.

2. Korint 4:6

Pun Kot, ewe mi apasa, “Saram epwe tinewu seni lon rochopwak”, i chök ewe Kot mi asarama letipem o ngenikem ewe saram, pwe aipwe silei usun än Kot we ling mi pwä won mesen Kraist.

Kalatia 1:16

an epwe pwäri ngeniei Nöün we, pwe üpwe afalafala ewe Pworausen Manau usun i ngeni ekewe chon lükün Israel, ngang üsap angei än eman öüröür ngeniei,

Efisos 4:13

Iei usun oukich meinisin sipwe achufengenikich pwe sipwe eufengen lon ach lükü Jesus pwal lon ach sileöchü ewe Nöün Kot. Sipwe eäni tipen mwän lon manauach, pwe sipwe tori ükükün ewe unusöchün Kraist.

Filipi 1:1

Äm Paulus me Timoty, äm nöün Kraist kewe chon angang, aia kapong ngeni ekewe chon pin lon Kraist Jesus mi nom lon Filipi, pwal ngeni ekewe soumasen mwichefel me ekewe sounkoa:

Filipi 3:10

Üa fokun mochen ai üpwe silei Kraist o mefi manamanen an manausefäl, üpwe pwal eti i lon an riaföü, pwe üpwe wewe ngeni i lon an mäla.

Filipi 3:12

Üsap apasa pwe üa fen apwönüetä ekei mettoch ika üa fen unusöchüla lon. Nge üa chök achocho ngeni ai üpwe angei ewe win, pun iei mine Kraist Jesus a turufiei ren.

Filipi 3:7

Nge ekei mettoch meinisin üa aita ngeni feiöch me lom, iei üa aita ngeniir feiengau pokiten Kraist.

2. Timoty 4:6

Nge me rei, a tori ewe fansoun ai üpwe fangala manauei ngeni Kot pwe eu asor, a tori ewe otun ai üpwe mäla.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

1. Petrus 2:7

Ei fau a fokun aüchea fän itemi mi lükü. Nge fän iten chokewe resap lükü: “Ewe fau ekewe chon kaü imw ra pöütala, pun resap aücheani, a wiliti ewe fau mi aüchea seni meinisin.”

2. Petrus 1:2

Ümöümöch me kinamwe epwe chomongola remi ren ämi silei Kot me Jesus ach Samol.

2. Petrus 1:3

Än Kot manaman mi pin a fen fang ngenikich meinisin mine a lomot ngeni ach manaueni eu manauen souläng mi enlet ren ach silei i, ewe mi körikich pwe sipwe angei wisach lon an we ling me kirikiröch.

2. Petrus 1:8

Ikkei ekewe mettoch epwe wor remi, nge are a wor chomong remi, epwe fis ämi mwökütöch me lipwäköch lon ämi silei ach Samol Jesus Kraist.

2. Petrus 3:18

Nge oupwe chök mämäritä lon än ach Samol me Chon Amanau Jesus Kraist ümöümöch me silelap. I epwe ling ikenai tori feilfeilachök. Amen.

1. Johannes 1:3

Mine aia fen küna o rongorong aia pwal asile ngenikemi, pwe ämi oupwe etikem lon äm chiechifengen me ewe Sam me Jesus Kraist Nöün we.

1. Johannes 2:19

Ekei aramas resap wesewesen chon ach mwich, ina popun ra likitikich. Pun are repwe chon ach mwich, repwe chök nonom rech. Nge ar likitikich a afatatä pwe ir resap wesewesen chon ach mwich.

1. Johannes 5:20

Sia pwal silei pwe Nöün Kot a feito o fang ngenikich ach weweöch, pwe sipwe silei ewe Kot mi let. Sia nonom lon ewe Kot mi let pwal lon Nöün we Jesus Kraist. I ewe Kot mi let me ewe manau esemüch.