Filipi 3:5 - Chuukese Bible

⁵ Ngang üa sirkomsais lon awaluen ränin mürin ai uputiu, ngang eman wesewesen re Israel seni chök ai uputiu, seni lon ewe ainangen Peniamin, ai kewe lewo meinisin ir re Ipru. Ngang eman Farisi lon ai apwönüetä än ekewe chon Juta kewe Allük,

Filipi 3:5 Iomraidhean Croise

Keneses 14:13

Iwe, eman chon süla seniir a feito o apworausa ei pworaus ngeni Apram ewe re Ipru mi nonom lein ekewe irä ook än Mamre ewe chon Amor, pwin Eskol me Aner. Iwe, ir ailen Apram.

Keneses 17:12

Oupwe sirkomsaisi iteiten ät, lupwen a tori walu ränin, seni eu täppin aramas tori pwal eu. Oupwe pwal sirkomsaisi ekewe amanau mi uputiu lon ämi kewe famili me chokewe oua möniir seni ekewe chon ekis, ir sap mwirimwirimi.

Keneses 40:15

Pun ra soläniei seni ewe fanüen chon Ipru, nge pwal ikei üsap föri och mi ngau pwe repwe aturueilong lon imwen fötek.”

Keneses 41:12

Iwe, a wor eman alüal seni chon Ipru a etikem, i chon angang ngeni ewe meilapen sounfiu. Nge lupwen aia pwäri ngeni äm kewe tan, i a awewe ngeni eman me eman leim usun wewen an we tan.

Sona 1:9

Sona a pälüeniir, “Ngang eman re Ipru. Üa fel ngeni ewe Samol mi Lapalap, ewe Koten läng mi föri matau me fanü.”

Lukas 1:59

Nge lupwen a tori awaluen ränin ewe mönükol, ra feito pwe repwe eti ewe angangen sirkomsais. Iwe, ra mochen aita ngeni ewe mönükol iten saman we Sakarias.

Lukas 2:21

Lupwen a tori awaluen ränin ewe mönükol, wesin an sirkomsais, ra aita ngeni Jesus. Iei ewe it ewe chon läng a aita ngeni mwen Maria esamwo pwopwo.

Lukas 5:38

Nge wain mi fö sipwe alölöülong lon pör mi fö.

Föför 22:3

“Ngang eman re Juta, üa uputiu lon ewe telinimw Tarsus lon Silisia, nge üa mämäritä ikei lon Jerusalem. Üa sukul ren ewe sense Kamaliel, a aiti ngeniei tichikin ekewe allük seni ach kewe lewo pwe üpwe apwönüretä. Üa fangala manauei ngeni Kot usun chök ämi oua föri ikenai.

Föför 23:6

Iwe, lupwen Paulus a küna pwe ekoch chon ewe mwich ir Satusi, nge pwal ekoch ir Farisi, a leüömong le kapasowu ren ewe mwichen soupwüng, “Ämi pwii kana re Israel! Ngang eman Farisi, nöün eman Farisi. Üa kapwüng ikei pokiten ai apilükülük pwe ekewe mi mäla repwe manausefäl!”

Föför 6:1

Ekoch fansoun mürin, lupwen ekewe chon lükü Jesus ra chomongola, a fis eu anini lefilen ekewe chon Juta mi fos lon kapasen Krik me ekewe chon Juta mi chök fos lon kapasen Ipru. Ekewe chon Juta mi fos lon kapasen Krik ra apasa, pwe ekewe fefin mi mä pwülüer seni lon ar we mwich resap angei inetiir mongö iteiten rän.

Nöün Paulus Toropwe ngeni ekewe Souläng lon Rom 11:1

Iwe, üa ais: Ifa usun, Kot a pöütala nöün kewe aramas? Apwi, esap fokun ina! Püsin ngang eman chon Israel, eman mwirimwirin Apraham, eman chon ewe ainangen Peniamin.

2. Korint 11:22

Ra apasa pwe ir re Ipru, pwal ngang. Ra apasa pwe ir chon Israel, pwal ngang. Ra apasa pwe ir mwirimwirin Apraham, pwal ngang.

1. Samuel 4:6

Nge lupwen ekewe chon Filistia ra rongorong akürangen ewe mweireir, ra ais, “Met wewen ei watten mweireir a fis lon lenien chon Ipru?” Iwe, lupwen ra silei pwe än ewe Samol mi Lapalap we pworofel a nom lon ewe leni,