Filipi 3:21 - Chuukese Bible

²¹ i ätewe epwe awili inisich inisin tekison pwe epwe wewe ngeni inisin we mi ling ren an we manaman a tongeni anomu mettoch meinisin fän nemenian.

Filipi 3:21 Iomraidhean Croise

Än Salomon Köl 1:11

Sipwe föri fän itom fout seni kolt me silifer.

Aisea 25:8

Iwe, Kot ewe Samol mi Lapalap epwe aükätiu mäla, pwe esap chüen wor tori feilfeilachök. Epwe talü chönün mas seni won mesen aramas meinisin o angei seni nöün aramas kana ar itengau ekis meinisin won fanüfan. Iei alon ewe Samol mi Lapalap.

Aisea 26:19

Nge ir mi mäla senikem repwe manau, inisir epwe manausefäl. Ämi sotup mi möür fän pwül, oupwe nela, oupwe köl fän pwapwa. Usun amurenipwin a amanaua irän fanüfan, iei usun ewe Samol mi Lapalap epwe amanaua chokewe mi mäla me lomlom.

Osea 13:14

Üpwe fokun amanaueer seni ewe lenien sotup. Üpwe angaseer seni ewe manamanen mäla. En mäla, ifa om kewe mätter? En lenien sotup, ifa om afeiengau? Usap chüen tongei ekei aramas.

Mateus 17:2

Lupwen ar nenengeni Jesus, a wilila inisin: won mesan a saramaram usun akkar, nge üfan kana ra fokun pwechela o molupolup.

Mateus 22:29

Nge Jesus a pölüeniir, “Ämi oua fokun mwäl, pun ousap silei makkeen ekewe Toropwe mi Pin me än Kot manaman.

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Nöün Paulus Toropwe ngeni ekewe Souläng lon Rom 8:29

Iwe, chokewe Kot a fen filiiretä me lom a pwal aimwürela pwe repwe wewe ngeni Nöün we lon lapalapan, pwe i ewe epwe mwänichi lein pwiin kewe mi chomong.

Kolose 3:4

Kraist i wesewesen ämi manau, nge lupwen i epwe pwä, mürin pwal ämi oupwe pwä fiti i lon lingan.

1. Johannes 3:2

Ämi chiechiei kana mi achengicheng, ikenai kich nöün Kot, nge esamwo pwä mine sipwe usuni me mürin. Nge sia silei pwe lupwen Kraist epwe wareto sipwe wewe ngeni i, pun sipwe küna i lon wesewesen lapalapan.

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.