Filipi 3:20 - Chuukese Bible

²⁰ Nge kich sia chon wiliposun läng. Sia ösüküsükü eman Chon Amanau ach Samol Jesus Kraist pwe epwe feito seni läng,

Filipi 3:20 Iomraidhean Croise

Kölfel 16:11

En ka aiti ngeniei ewe alen manau. Om nom rei a afisätä ai pwapwa mi somwosom o awarato ai mwänek tori feilfeilachök.

Kölfel 17:15

Nge me rei, ngang üpwe nenengeni mesom, pun üsap föri och mi mwäl. Lupwen üpwe nenela, üpwe fokun pwapwa ren ai nenengonuk.

Än Salomon Fos 15:24

Chon tipachem ra fetal won ewe al mi aletä ngeni manau, pwe resap fetal won ewe al mi aletiu ngeni mäla.

Mateus 19:21

Jesus a pölüeni, “Are ka mochen unusen föföröch, kopwe feila o amömöla meinisin mine ka eäni, nge ewe moni kopwe fang ngeni ekewe chon wöüngau pwe epwe wor woumw lon läng. Mürin kopwe feito o tapweto müri.”

Lukas 12:21

Iei usun mine epwe fis ngeni chokewe ra iseis mettochur fän püsin iter, nge resap wöü me ren Kot.”

Lukas 14:14

Iwe, ren ei kopwe feiöch, pun resap tongeni aliwini ngonuk mine ka föri ngeniir. Kot epwe liwini ngonuk lon ewe ränin manausefälin ekewe chon pwüng.”

Föför 1:11

o ra üreniir, “Ämi re Kalilea, pwota oua ü ikei o nenetä chök läng? Ewe Jesus mi feil senikemi o feitä läng epwe liwinsefälito lon ewe chök lapalap oua küna lon lupwen a feitä läng.”

1. Korint 1:7

iei mine ousap osupwang ren och ekewe feiöchün Ngün lupwen oua witiwiti ach Samol Jesus Kraist an epwe pwä.

1. Korint 15:48

Chokewe mi pop seni pwül ra usun chök ätewe mi för seni pwül, nge chokewe mi pop seni läng ra usun chök ätewe mi feito seni läng.

2. Korint 4:18

Pun sisap afota mesach won ekewe mettoch sia tongeni küna, nge sia afota mesach won ekewe mettoch sisap tongeni küna. Pun ekewe mettoch sia tongeni küna repwe müchüla, nge ekewe mettoch sisap tongeni küna repwe nonom tori feilfeilachök.

2. Korint 5:8

Sia fokun apilükülüköch o sia fokun mochen ach sipwe towu seni inisich o feila pwe sipwe nom ren ach Samol.

Kalatia 4:26

Nge ewe Jerusalem lon läng mi ngas, iei i inach.

Efisos 2:19

Iei mine ämi chon lükün Israel ousap chüen chon ekis ika wasöla, nge iei oua chon wilipos fiti nöün Kot kewe aramas, oua chon ewe familien Kot.

Efisos 2:6

Lon ach eufengen me Kraist Jesus, Kot a amanauakich me Kraist pwe sipwe eti Kraist le nemenem lon läng.

Filipi 1:10

pwe oupwe tongeni filätä mine a fokun mürina. Mürin oupwe limöch, esap pwal wor och mine oupwe mwäl won lon ewe Ränin än Kraist epwe liwinsefäl.

Filipi 1:27

Iwe, iei ewe mettoch mi aüchea, pwe lapalapen manauemi epwe fich ngeni ewe Pworausen Manau usun Kraist. Mürin ese lifilifil ika ngang üpwe tongeni feila churikemi ika üsap, nge üpwe rongorong pwe oua üppos lon eu chök popun, oua pwal achocho le ütä lon eu chök tip fän iten ämi lükü ewe Pworausen Manau.

Kolose 1:5

Lupwen ewe Pworausen Manau mi enlet a akomwen torikemi, oua rongorong usun ewe apilükülük mi pop seni ewe Pworausen Manau. Iei mine ämi lükülük me chen a longolong won met oua apilükülükü a iseis lon läng fän itemi.

1. Tesalonika 1:10

pwal usun ämi witiwiti nöün we epwe feito seni läng. Iei i Jesus nöün we i a amanauasefäli seni mäla, epwe angasakich seni än Kot song epwe feito.

1. Tesalonika 4:16

Pun püsin ach Samol epwe feitiu me läng fän mwelian mi leüömong, fän mwelien ewe samolun chon läng, pwal fän puun nöün Kot rappwa. Iwe, chokewe ra fen mäla lon ar lükü Kraist repwe akomwen manausefäl.

2. Timoty 4:8

Seni iei a iseis ngeniei ewe mwärin pwüng, ewe win ach Samol ewe Soukapwüng mi pwüng epwe ngeniei lon ewe Rän. Nge esap ngeniei chök, nge pwal ngeni chokewe meinisin mi fokun witiwiti an wareto.

Titus 2:13

Iwe, sipwe witiwiti ewe Ränin feiöch sia apilükülük ngeni, lupwen lingen ach we Kot mi tekia, ach Chon Amanau Jesus Kraist epwe wareto.

Ipru 12:22

Nge ämi oua feito ngeni ewe Chuk Sion, pwal ngeni ewe telinimwen ewe Kot mi manau, ewe Jerusalem mi nom läng fiti ngeröün chon läng.

Ipru 9:28

Iei usun Kraist a fangala püsin inisin pwe eu asor fän eu chök, pwe epwe amorala tipisin chomong aramas. Iwe, lupwen epwe wareto fän aruan, esap chüen föri och fänäsengesin tipis, nge epwe amanaua chokewe mi witiwiti.

Pwärätä 1:7

Nengeni, epwe feito won ekewe kuchu! Aramas meinisin repwe küna i, pwal chokewe mi posu. Iwe, aramas meinisin won fanüfan repwe ngüngüres ren met ra föri ngeni. Epwe iei usun met epwe fis. Amen.